ပ္ဍဲၜဳဇၞော်ပွိုၚ်ဍုၚ်ရေဝ် ကောန်ကလောန်ဂၠုၚ်ကမွဲတၠ ဒးဒုၚ်တက်ကဵုပသဲပၠံၚ်တုဲ ဒတုံစှေ်ဍာ်

by | Sep 21, 2017 | ပရိုၚ် | 0 comments

ကောန်ကလောန်မွဲတၠ ကၠောန်မံၚ်ပ္ဍဲဂၠုၚ်ရပ်က (စိန်ပိုက်) ကွာန်အစေန် တိတ်ရပ်ဒၟံၚ် အပ္ဍဲၜဳဇၞော်ကာပ္ပလဳ ပွိုၚ်ဍုၚ်ရေဝ် တွဵုရးဍုၚ်​မန်ဂှ် ဒးဒုၚ်တက်ကဵုပသဲပၠံၚ် ပြဟ်ဒတုံစှေ်ဍာ် လအ်ဂွံၜိုတ်မွဲဂိတုတုဲ ပ္ဍဲဂိတုသေပ်တေမ်ဗာ ၂၀ ဂှ် တေၚ်လဝ်အမှုပ္ဍဲရုၚ်ဗၠာဲသၟိၚ်ဍုၚ်ရေဝ် တုဲဣရရောၚ် ဂွံတီကေတ်နူရုၚ်ဗၠာဲသၟိၚ်ဂှ်ကီုရ။

ဂၠုၚ်ဝွံ တိတ်ရပ်ဒၟံၚ်က ပ္ဍဲၜဳ ဗွဲဒိုဟ်ဗာယပ် (ဝါးကျွန်း) ခြာၜိုတ် (၀.၅) တိုၚ်တုဲ ပ္ဍဲဂိတုအဝ်ဂါတ် ၂၇ ၊ ဖါနူဂယး ကျဝ်ဥူ မဒှ်ကောန်ဂၠုၚ် ကဵု သာၚ်မျဵုယှိုဲ (က)သဝ်မေန်နံၚ် တၟောံပုၚ် (မၞိဟ်ဍုၚ်ပုၚ်) ဂၠုၚ်စက်တံ အရေဝ်ဂၠိုၚ်ဒှ်ကယျာန်ညးသ္ကံဂှ် သာၚ်မျဵုယှိုဲ တက်ကဵုပသဲပၠံၚ်တုဲ ကျဝ်ဥူ ဒတုံစှေ်အာဍာ်ဂှ် ကောန်ကလောန် တိၚ်သဵုနာၚ် ဂွံဆဵုကၠုၚ်လဝ် နမတ် ဂးရ။

ဂၠုၚ်စက်ရပ်က ပွိုၚ်ဍုၚ်ရေဝ် (MNA)

စပ်ကဵုပရူဒဒှ်ဏံတုဲ ပ္ဍဲဂိတုသေပ်တေမ်ဗာ ၂၀ ဂှ် တိၚ်သဵုနာၚ် ဟီုလဴကဵု နာဲနာတ်(ပေအ်နေန်) ထောန်ထောန်တုဲ သွက်ဂွံရပ်စပ်ကေတ်အရေဝ် ကုသာၚ်မျဵုယှိုဲ အတိုၚ်သၞောဝ်ဥပဒေဂှ် အာတေၚ်ဗ္စိုပ်အမှု ပ္ဍဲရုၚ်ဗၠာဲသၟိၚ်ၝောံဍုၚ် (ဍုၚ်ရေဝ်) ရ။

စပ်ကဵုဒဒှ်ဏံတုဲ နူကဵုရုၚ်ဗၠာဲသၟိၚ်ၝောံဍုၚ် ဍုရေဝ် ပံက်လဝ်အမှု ကုသာၚ်မျဵုယှိုဲ(က) သဝ်မေန်နံၚ် နကဵု “မမစ (ရေး) (ပ) ၂၃၃/၂၀၁၇၊ ရာဇသတ်ကြီးပုဒ်မ-၃၀၇/၅၀၆”တုဲ သွက်သ္ဂောံဂွံကပေါတ်သက်သဳ ကဵု ဇွကျဝ်ဥူဂှ် ဆက်ဂၠိုက်ဂၠာဲမံၚ်ဖိုဟ် ဂွံတီရ။

ဗီုဏံကီု ပ္ဍဲဂိတုသေပ်တေမ်ဗာ ၅ တုဲကၠုၚ်ဏံဂှ်လေဝ် ပ္ဍဲဂၠုၚ်စက်ရပ်က ဒဝ်မိၚေဝ် အရာပ်ကုန်ဓမၚ် ဂအုံကွာန်အစေန်ဂှ် ကောန်ကလောန်ကဵုအ္စာစက်တံ အဃောကၠောန်မံၚ်ကမၠောန်ဂှ် ဒၟါနူကိစ္စဗၠအ်ဇာ အရေဝ်ဂၠိုၚ်ညးသ္ကံတုဲ နူကဵုထောန်အေ ၜုၚ်စုတ်က္ဍိုပ် မိုၚ်သဵု နကဵုလေအ်ဍံက်ဂြၚ်ဗ္ၜေံတုဲ ဒတုံစှေ်ဍာ်ချိုတ်အာကီုရ၊ကြဴနူဂှ် က္လေၚ်ဂၠာဲဂွံဇွတုဲ နူရုၚ်ဗၠာဲသၟိၚ်ရေဝ် ရပ်စပ်ကေတ်အရေဝ် ကုထောန်အေကီုရ။

သၞာံ ၂၀၁၆ တုဲကၠုၚ်ဏံ ပ္ဍဲပွိုၚ်ဍုၚ်ရေဝ် အမှုမၞိဟ်ချိုတ် အမှုဂစိုတ်မၞိဟ် နွံ ၆၉ အမှု။ ပ္ဍဲအမှုမၞိဟ်ချိုတ် နွံ ၅၈ အမှုဂှ် က္တဵုဒှ်ပ္ဍဲၜဳ နွံ ၄၅ အမှု။ ပ္ဍဲအမှုဂစိုတ်မၞိဟ် နွံ ၁၁ အမှုဂှ် က္တဵုဒှ်ပ္ဍဲၜဳ နွံ ၆ အမှု။ ဒှ်သာ်ဂှ်ရ ပ္ဍဲပွိုၚ်သၞာံဏံ ဒဵုကဵုစိုပ်ဂိတုသေပ်တေမ်ဗာဏံ အမှုမၞိဟ်ချိုတ် ကေုာံအမှုဂစိုတ်မၞိဟ် ဆက်စပ်ကဵုကမၠောန်ရပ်ကပ္ဍဲၜဳဇၞော်ဂှ် က္တဵုဒှ်ကၠုၚ် ဗၞတ် ၄၀ အမှုတုဲဣရ သာ်ဝွံ ဂွံတီကေတ် နူရုၚ်ဗၠာဲသၟိၚ်ဍုၚ်ရေဝ်ဂှ်ကီုရ။

Written by

Related Posts

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ပိုဲမၞိဟ်တံမ္ဂးဂှ် ဇၟာပ်ပ်တ္ၚဲ မ္ဒးဆဵုဂဗမံင်ကဵုပြသၞာဂမၠိုင်တုဲ ဇၟာပ်ပ်တ္ၚဲ ပိုဲမၞိဟ်တံ မ္ဒးပသောင်ဒၟံင် ပြသၞာရ။ စပ်ကဵုပသောင်ပြသၞာဂှ် ယဝ်ရစိစောန်မံင်အရာဇဳသာ်မ္ဂး က္လိဂွံဂုဏ်ဖဵု ဗွဲမဂၠိုင်မာန်ရ။ ပြသၞာလ္ၚဵု မဆဵုဂဗလၟုဟ်ဂှ် ကြံင်မ္ၚိုဟ်နူကဵု ပြသၞာကေင်ဆဵုဂဗလဝ် လောန်ကၠုင်တုဲတုဲတေံ ဂၠိုင်ကဵုဆလေဝ်ဒှ်မာန်ရ။ ပြသၞာဂှ် ဗွဲမဂတာပ်တဲ သီုဟွံမွဲကဵုပရေင်ခက်ခုဲ သောင်က္လးမာန်မ္ဂး ဒှ်ညးမၞုံကဵုအစောန်စရာဲခိုဟ်ရ။ ဇၟာပ်ပ်ပြသၞာ နဲသောင်က္လးဍေံ နွံမွဲဗီုဓဝ်ဟွံသေင်ရ။ သွက်သ္ဂောံသောင်က္လးပြသၞာဂှ် ဗီုလဵုပိုဲပလေဝ်ပလေတ်လဝ်နွံနွံ အရာပိုဲဟွံတီလဝ်တံ နွံမံင်လၟိုန်ရ။ ဟိုတ်ဂှ်ရ ပြသၞာညံင်ဟွံဂွံဒှ်ဂှ် မ္ဒးစွံလဝ်သတိလၟိုန်တုဲ ဒှ်ပြသၞာရမ္ဂး မ္ဒးပသောင်ကၠေံ ဍေံပြဟ်ဟ်ရောင်။

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

တိကၠအ်ဂအာၚ်သ္ၚိ ၚုဟ်က္ဍၚ်တိုန်ဗက်ၚုဟ်ထဝ်

တိကၠအ်ဂအာၚ်သ္ၚိ ၚုဟ်က္ဍၚ်တိုန်ဗက်ၚုဟ်ထဝ်

ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.