နဝ်ဝေမ်ဗာ (၈) ဏံမ္ဂး ဗော် MNP ကဵု AMDP ဆဵုဂဗညးသ္ကံ ဗွဲပလးရောၚ်

by | Nov 6, 2017 | ပရိုၚ် | 0 comments

ပ္ဍဲဂိတုနဝ်ဝေမ်ဗာ (၈) ဏံမ္ဂး ဗော်ပရေၚ်ဍုၚ်ကွာန်မန် (၂) ဗော် မတွံဂး ဗော်ဒဳမဵုကရေဇြဳအလုံရးမန် AMDP ကဵု ဗော်ကောန်ဂကူမန် MNP တံ ဆဵုဂဗသဳကၠဳညးသ္ကံ ဗွဲပလးရောၚ် ဂွံတီကေတ် နူကဵုက္ဍိုပ်သ္ကိုပ် (၂) ဗော်တံရ။

သွက်ဂွံဆဵုဂဗသဳကၠဳညးသ္ကံဗွဲပလး ကုညးတာလျိုၚ်ဗော်ကောန်ဂကူမန်မာန် နူကဵုစၟတ်တ္ၚဲ (၁) ဂိတုနဝ်ဝေမ်ဗာဂှ် ဗော်ဒဳမဵုကရေဇြဳအလုံရးမန်တံ ချူပလံၚ်ဗစိုပ်လဝ်လိက်တုဲ သွက်ဂွံဆဵုဂဗဂှ် ဗော်ကောန်ဂကူမန် ကလေၚ်လဝ်ပရိုၚ်ကီုရ။

လိက်ကလေၚ်ပရိုၚ် နူကဵုဗော်ကောန်ဂကူမန် (Copy)

ဖက်ဆောညးအုပ်ကာ (၁) ဗော်ကောန်ဂကူမန် နာဲသဵုမျေအ်ဂှ် “နူကဵုစၟတ်တ္ၚဲ (၁) နဝ်ဝေမ်ဗာဂှ် သွက်ဂွံဆဵုဂဗညးသ္ကံ AMDP ညးတံပလံၚ်နၚ်လိက်ရ။ စၟတ်တ္ၚဲ (၂) ဂှ် ပိုဲတံ ကလေၚ်ဏာပရိုၚ်ရ။ သွက်ဂွံဆဵုညးသ္ကံလေဝ်ဏး။ ဂိတုနဝ်ဝေမ်ဗာ (၈) ဏံ ဆဵုဂဗညးသ္ကံဏောၚ်” သာ်ဝွံ ညးဟီုရ။

ဆေၚ်စပ်ကဵု ဗော်ၜါပံၚ်ကောံဂှ်ဝွံ ပွမဆဵုဂဗသဳကၠဳ ဗော်ညးကုညးကီု ညးစၞးပိပိတၠ နူကဵုဗော် (၂) ဗော်ဂှ်ကီု ဆဵုဂဗသဳကၠဳအာရောၚ် ညးဆက်ဟီုလဝ်ရ။

အကြာဗော်ၜါ သွက်ဂွံပံၚ်ကောံရေၚ်တၠုၚ် နကဵုသဘဴကမၠောန်မာန်ဂှ် ဗွဲကိုပ်ကၠာ စဆဵုလဝ်ညးသ္ကံ ဗွဲပလးတုဲ နူဂှ်မွဲအဆံၚ် ကလိဂွံကၠုၚ်ဓဝ်ပတှေ်ကီု စၟဳကေတ်လဝ်ရောၚ် ဖက်ဆောညးအုပ်ကာ (၁) ဗော်ဒဳမဵုကရေဇြဳအလုံရးမန် နာဲသာန်တေန် ဟီုရ။

ခၟဳသၚ်မန်ဂမၠိုၚ်ကဵု က္ဍိုပ်သ္ကိုပ်လ္ၚဵုတံဝွံ နူသၞာံ (၂၀၁၂) တေံရ သွက်ဗော်မန်ၜါ ဂွံပံၚ်ကောံဂှ် သဳကၠဳကၠုၚ်မံၚ် ဂၠိုၚ်ကဵုအလန်ကီုလေဝ် ဟွံအံၚ်ဇၞးကၠုၚ်ရ။

လက္ကရဴဂှ်ပၠန် ဗော်ဒဳမဵုကရေဇြဳအလုံရးမန်ကဵု ဗော်ကောန်ဂကူမန်တံဝွံ ဆေၚ်စပ်ကဵု ပရေၚ်ပံၚ်ကောံဂှ်တုဲ ဂကောံပ္ညဳအကြာဟၟဲမွဲသာ် ဗော်ညးတံကဵုညးတံ သွက်ဂွံဆဵုဂဗအာညးသ္ကံတိုက်ရိုက်ဂှ် က္ဍိုပ်သ္ကိုပ်ၜါလ္ပာ် ဂ္စါန်ကၠုၚ်ကီုဂှ်လေဝ် ဂွံဆဵုကေတ်ရ။

ပရေၚ်ပံၚ်ကောံဗော်ၜါ ဟွံကတဵုဒှ်ကၠုၚ်ဏီဂှ်တုဲ ကောန်ဗော် နွံပၟိက်မိက်ဂွံပံၚ်ကောံဂမၠိုၚ်ကီု ကေုာံ ကမ္မတဳဗဟဵုလ္ၚဵု နူကဵုၜါဗော်ဂှ်ကီု ပရေၚ်နုက်တိတ်ဂမၠိုၚ် နွံကၠုၚ်ကီုရ။

Written by

Related Posts

ပ္ဍဲသခႅဠဗူရဳ (ဝင်က) ဂှ် ကၠောန်သၠုင်ပ္တိုန်ကဵုအဆံင်ၝာတ် စဵုသၞာံဏံအိုတ်ဏောင် ဂး

ပ္ဍဲသခႅဠဗူရဳ (ဝင်က) ဂှ် ကၠောန်သၠုင်ပ္တိုန်ကဵုအဆံင်ၝာတ် စဵုသၞာံဏံအိုတ်ဏောင် ဂး

ပ္ဍဲကဵုရုင်ပွိုင်ဍုင် (ရုင်အာမ်ဖေ) သင်ခႅဠဗူရဳ (ဝင်က) မၞုံခရိုၚ်ကမ္မရဳ ကၟိန်ဍုၚ်သေံဂှ်ဝွံ သၞာံဏအ် စနူဂိတုဂျောန်မံက် ဓမံက်ရုပ်ရဴ ကၠောန်သၠုင်ပတိုန်အဆံင်ၝာတ် ကဵု ညးဍုင်ကွာန်တံတုဲ စဵုကဵုသၞာံဏံအိုတ် ကၠောန်ကဵုညံင်ဂွံတုဲဒှ်အာရောင် ဂွံတီကေတ် နူသၞာဲဒဴကၠောန်ဒၟံင်ကမၠောန် (ပ္ဍဲရုင်အာမ်ဖေ) မွဲတၠဂှ် ဟီုရ။

ကောန်ဂကူမန် စိုပ်ယူရောပ်တအ် ကၠောန်ဗဒှ်လဝ်သဘင်ဥတုကညင် ပ္ဍဲဍုင်နေဝ်တာလာန်

ကောန်ဂကူမန် စိုပ်ယူရောပ်တအ် ကၠောန်ဗဒှ်လဝ်သဘင်ဥတုကညင် ပ္ဍဲဍုင်နေဝ်တာလာန်

နူကဵုဂကောံညဳသၟဟ်မန်ယူရောပ် က္ဍိုက်ပ်တုဲ သွက်သၞာံ ၂၀၂၅ ဏအ် ကၠောန်ဗဒှ်လဝ်သဘင်ဥတုကညင် မရနုက်ကဵု ၄ ဝါ ပ္ဍဲကဵုဍုင်နေဝ်တာလာန် တုဲဒှ်အာရ။

ပ္ဍဲဍုၚ်ကျာ်ပိဂှ် ဂကောံရပ်လွဟ်တံ ဟွံကဵုအခေါၚ်သွံရာန် ဍာ်တၞးၝာဲကထီု (တၞးဘိင်) ရ ဂး

ပ္ဍဲဍုၚ်ကျာ်ပိဂှ် ဂကောံရပ်လွဟ်တံ ဟွံကဵုအခေါၚ်သွံရာန် ဍာ်တၞးၝာဲကထီု (တၞးဘိင်) ရ ဂး

နူကဵုဂကောံရပ်လွဟ်ဒဳကေဗဳအေ ကေုာံ ဗော်ကေအေန်ယူ မထိၚ်ဒဝ်လဝ် ပ္ဍဲဍုၚ်ကျာ်ပိတအ်ဂှ် စနူဂိတုဂျူလာၚ် စၟတ်တ္ၚဲ (၂၅) ဂှ်တုဲ ကၟာတ်ကၠေံလဝ်အခေါင် သွံရာန် ဍာ်တၞးၝာဲကထီု ကော်ဂး ဍာ်တၞးဘိင်ဂမၠိုင်ရောင် ဂွံတီကေတ်ရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.