သတ်သဳဠဴ တွဵုရးဍုၚ်မန် ဂွံဂွံဗွဝ်ဖျာဍုၚ်သၟာၚ်မာန် ကဵုတန်ဗ္တောန်နဲကဲတဵုလွဳ

by | Nov 30, 2017 | ပရိုၚ် | 0 comments

ပ္ဍဲတွဵုရးဍုၚ်မန်ဝွံ သတ်သဳဠဴဂမၠိုၚ် ညံၚ်ဂွံပလံၚ်သွံပ္တိတ် ဇရေၚ်ဗွဝ်ဖျာဍုၚ်သၟာၚ်မာန်ဂှ် တၠပညာနူကၟိန်ဍုၚ် ဂျာမနဳတံ ကၠောန်ဗဒှ် တန်ဗ္တောန်နဲကဲပညာ ပရေၚ်တဵုလွဳ ပွိုၚ် (၃) တ္ၚဲ၊ ဂိတုနဝ်ဝေမ်ဗာ (၂၈-၃၀)၊ ဒၞာဲၝောံခန်သွံရာန်ဗၞိက် (ကုန်စည်ဒိုၚ်)၊ ပ္ဍဲဍုၚ်မတ်မလီုရ။

ပ္ဍဲတွဵုရးဍုၚ်မန်ဝွံ ပွမတဵုလွဳထ္ၜိုတ်ဂှ် ဒှ်မံၚ်အဆံၚ်ပထမတုဲ ပရေၚ်တဵုလွဳသွံရာန် သတ်သဳဠဴဂှ် ဒှ်လၟေၚ်ပရေၚ်ပိုန်ဒြပ် အဆံၚ်ဒုတိယ တွဵုရးဂှ်ရ သွက်ဂွံသွံပ္တိတ် ဇရေၚ်ဍုၚ်သၟာၚ်မာန်ဂှ် ဒးကဵုတန်ဗ္တောန်ရောၚ် သာ်ဝွံ ဥက္ကဌဂကောံညးတဵုလွဳသွံပ္တိတ် သၞေဝ်ကေဝ်၊ ပ္ကဴ၊ သတ်ဆုသတ်ဒုန် ကၟိန်ဍုၚ်ဗၟာ ဥုအေတာန် ဟီုကဵု ဌာန်ပရိုၚ်မန်ရ။

တန်ဗ္တောန်နဲကဲပညာတဵုလွဳ သတ်သဳဠဴ (MNA)

ဥုအေတာန်ဂှ် “ပ္ဍဲတွဵုရးဍုၚ်မန်ဂှ်တှေ် တဵုလွဳသတ်သဳဠဴ ဂၠိုၚ်မံၚ်ကီုဏောၚ်။ ဆဂး ဒဵုကဵုဂွံပလံၚ်ဗွဝ်ဖျာ ဍုၚ်သၟာၚ်မာန်ဂှ် ဍာ်ဒကေဝ်ဟွံစိုပ်ဏီပုဟ်ဟီုတှေ် ညးတဵုလွဳသတ်သဳဠဴတံ သွက်ဂွံဂွံနဲကဲခိုဟ်ကီု၊ ညံၚ်ဂွံတဵုပ္တိတ် သတ်သဳဠဴခိုဟ်ဟ်မာန်ကီု၊ ညံၚ်ဂွံပလံၚ်ဗွဝ်ဖျာ ဍုၚ်သၟာၚ်မာန်ကီု ရန်တၟံတုဲ ပံက်ဏာတန်ဗ္တောန်ဏံရ။ ရန်တၟံအဓိကဂှ်လေဝ် ဣဏံရ” သာ်ဝွံ ညးဟီုရ။

ပ္ဍဲပွိုၚ်ဍုၚ်ကျာ်မြဟ်၊ မတ်မလီု၊ ၜဳကလေၚ်၊ ကျာ်ထဝ်တံဂှ် တဵုလွဳသတ်သဳဠဴဂၠိုၚ်အိုတ်တုဲ ညံၚ်ဂွံဒှ်ပရေၚ်ပိုန်ဒြပ် သွက်ရဲဂူဗ္ၚ(ညးတဵု)တံကီု၊ ညံၚ်ဂွံဒှ်ပရေၚ်ပိုန်ဒြပ် ဍာ်ဇမၠိၚ်ကီု၊ ညံၚ်ဂွံဂွံသတ်သဳဠဴ မဍိုက်ပေၚ်ကဵု ဍာ်ဒကေဝ်မာန်ကီုဂှ် တန်တဴဒၟံၚ်ကဵု နဲကဲပညာတဵုလွဳရောၚ်ဂှ်လေဝ် ဥုအေတာန် ဂးရ။

ပ္ဍဲကဵုတန်ဗ္တောန်ဂှ်ဝွံ နဲဂွံစုတ်ဝဲါ(မြေသြဇာ)ကီု၊ နဲကဲထိၚ်ဒဝ် လၟိဟ်သတ်တိတ်ကီု၊ နဲကဲထိၚ်ဒဝ် ညံၚ်ဟွံဒးစၟကီု ပါလုပ်မံၚ်ဂှ်ရ သွက်ညးတဵုလွဳ သတ်ဆုသတ်ဒုန်ဂမၠိုၚ်တံ ဒှ်အထံက်အရီု ဗွဲမဂၠိုၚ်ရောၚ်ဂှ် ညးတၠကၠအ်တဵုလွဳသတ်ဆု မတိုန်စိုပ်တန်ဗ္တောန်ဂှ်မွဲတၠ ဒဝ်ကျေန်တာန် ဟီုရ။

“တန်ဗ္တောန်ဏံဂှ် ဗီုကဵုအာန်တဳတံ ညးတၠကၠအ်တဵုလွဳသတ်ဆုတှေ် ဒှ်အထံက်အရီု ဗွဲမဂၠိုၚ်ဏောၚ်။ မုဒှ်ရောဟီုတှေ် နဲကဲပလေဝ်ပလေတ်တၞံတံ၊ နဲကဲသုၚ်စောဲဝဲါ(မြေသြဇာ)တံ၊ ဒးစၟတှေ် ဗီုလဵုဂွံကလေၚ်ပလေဝ်ရော၊ ယဝ်ရ အတိုၚ်နဲကဲညးတံဟီုဂှ် ကၠောန်ဗက်အာ သၞောတ်စှေ်စှေ်ဏောၚ်တှေ် လၟိဟ်တၞံလီုအောန်ဏောၚ်ဂှ် စၟဳကေတ်လဝ်ရ” သာ်ဝွံ ဒဝ်ကျေန်တာန် ဟီုရ။

ပ္ဍဲတွဵုရးဍုၚ်မန်ဝွံ လၟိဟ်ဨကတဵုလွဳ သတ်သဳဠဴ နွံ (၄၀၀၀) ပြၚ်ကီုလေဝ် ဟိုတ်နူစရာဲဍာ်ဒကေဝ်တတ်ထပါ် ဗွဝ်ဖျာဍုၚ်သၟာၚ် ဟွံစိုပ်ဏီဂှ်ရ ဂ္စါန်သၠုၚ်ပ္တိုန်မံၚ် စရာဲဍာ်ဒကေဝ်ရောၚ် ဂွံတီကေတ်ရ။

Written by

Related Posts

သွက်ဂွံထ္ၜုတ်ပ္တန် တ္ရဲစၟတ်သမ္တီ ဆေင်ကဵုပရေင်တိဍာ်ဂှ် ပြဝါတိဍာ်မန် ကေတ်မံင်လညာတ် အကြာညးဍုင်ကွာန်

သွက်ဂွံထ္ၜုတ်ပ္တန် တ္ရဲစၟတ်သမ္တီ ဆေင်ကဵုပရေင်တိဍာ်ဂှ် ပြဝါတိဍာ်မန် ကေတ်မံင်လညာတ် အကြာညးဍုင်ကွာန်

ရန်ကဵု သ္ဂောံထ္ၜုတ်ပ္တန် တ္ရဲစၟတ်သမ္တီမန် မဆေင်စပ်ပရေင်တိဍာ် ကေုာံ အဂႅလကျှဏ်ဂကူမန် ဂးတုဲ နူကဵုဂကောံ ပြဝါတိဍာ်မန်တအ် ဗက်ကံက်ကေတ်မံင်လညာတ် အကြာညးဍုင်ကွာန်မန်တအ်နွံရ။

အသိင်သၟတ်တအ် ဂြိပ်ပါဲဒဴပရေင်ဒးသ္ပကောန်ပၞာန်ဂှ်တုဲ အခိင်သွံရာန်ကွဳလိုန်ဓာတ်ခိုဟ်ဂှ် သွံဟွံဂြိပ်

အသိင်သၟတ်တအ် ဂြိပ်ပါဲဒဴပရေင်ဒးသ္ပကောန်ပၞာန်ဂှ်တုဲ အခိင်သွံရာန်ကွဳလိုန်ဓာတ်ခိုဟ်ဂှ် သွံဟွံဂြိပ်

လၟေင်အရိုဟ်ဟ်သၞာံ စိုပ်ကၠုင်ဂိတုမာ်၊ ဖဝ်ရဂိုန်မ္ဂး ဒှ်အခိင်သွံကွဳလိုန်ဓာတ်ခိုဟ်ကီုလေဝ် သၞာံဏံဂှ် ဟိုတ်နူသၟတ်တအ် ဂြိပ်ပါဲဒဴ နကဵုအသိင်ဘဲဒးသ္ပကောန်ပၞာန်ဂှ်တုဲ သၟတ်ဒၟံင်တန်တဴ ပ္ဍဲဍုင်ကွာန်တအ် အောန်ဂှ်ရ သွံရာန်ကွဳလိုန်ဓာတ် လေဝ် ပရေံမံင်ရောၚ် တၠဆေင်သွံရာန်ကွဳလိုန်ဓာတ် လတူဍုင်ဇြပ်ဗုမွဲတၠ ဟီုရ။

တိကၠအ်ဝါ ဇိုင်ကွာန်တအ်ဂှ် ကၟာတ်လဝ် အခေါင်သွံရာန် ပါ်ဂအာင်သ္ၚိကီုလေဝ် ပါ်သွံရာန်မံၚ်အတိုင်သၞောတ်တြေံ

တိကၠအ်ဝါ ဇိုင်ကွာန်တအ်ဂှ် ကၟာတ်လဝ် အခေါင်သွံရာန် ပါ်ဂအာင်သ္ၚိကီုလေဝ် ပါ်သွံရာန်မံၚ်အတိုင်သၞောတ်တြေံ

တိကၠအ်ဝါ မၞုံဇိုင်ဍုင် ကရပ်ကွာန်တအ်ဂှ် ကံင်ဇြဳပၞာန်တအ် ပ္တိတ်လဝ်ပၟိင်စၞောန် အခေါင်သွံဂအာင်သ္ရိ ကၟာတ်လဝ်ကီု လေဝ် ပ္ဍဲတွဵုရးဍုင်မန် ဇၟာပ်ပွိုင်ဍုင်ဂှ် ပညဳပညပ်ကဵုကေတ်ဩန်တုဲ ပါ်သွံဒၟံင်ဂအာၚ်သ္ၚိ အတိုင်သၞောတ်တြေံရောင် သ္ဂောံတီကေတ် နူဗွိုင်ညးမရေင်တၠုင်သွံရာန်ဂအာင်သ္ၚိဂမၠိုင်ရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.