သၞံၚ်တိုၚ်၊ ဂိတုအံက်တဝ်ဗာ ၁၄၊ သၞာံ ၂၀၁၉
ဒေသတ္ကံခၟိုၚ် ပွိုၚ်ဍုၚ်ၜါသွာၚ်ဂှ် ဒှ်ဒေသလုပ်ဝၚ် ဆဵုကေတ်မံၚ် ကၟာၚ်ဍုၚ်တြေံတံကီု ကပေါတ်တြေံတြဟ်တံလေဝ် ၜံက်ခဲါဂၠာဲဆဵုပကောံပကေဝ်လဝ်တံဂှ် သွက်ဂွံထ္ၜးပျးအာမာန်ဂှ် သွက်ဂွံသိုၚ်ခၞံအာ တိုက်ထ္ၜးမွဲမ နွံမံၚ်ရောၚ် ဂွံတီကေတ်ရ။
သွက်ဂွံသိုၚ်အာ တိုက်ထ္ၜးဏံဂှ် ဒၞာဲဂအာၚ်သွက်ဂွံသိုၚ်ခၞံဂှ် ညးဒေသတံ ဗျာံရန်လဝ်တိဂအာၚ် (၄၀-၆၀) ပေ နွံတုဲ အာတ်မံၚ်အခေါၚ်ကဵု အလဵုအသဳ လအ်လကီုလေဝ် စဵုကဵုလၟုဟ် ဟွံကလိဂွံဏီတုဲ ဒှ်မံၚ်အခက်ခုဲဏီရောၚ် ညးအုပ်ကာဂကောံလိက်ပတ် ပွိုၚ်ဍုၚ်ၜါသွာၚ် နာဲမိုၚ်လေဝ် ဟီုရ။
“အခေါၚ်စကာတိ (ပုံစံ-၁၀၅) ဂှ် ဟွံစှေ်ကၠုၚ်တုဲတှေ် ဂွံသိုၚ်ခၞံအာကီု ဂွံစဵုဒပ်ကီုဂှ် ဗီုလဵုလေဝ် ပိုဲဟွံဂွံအခေါၚ်ကၠောန်ပုဟ်။ ဒှ်မံၚ်အခက်ခုဲ ဗီုဏံလေဝ် ဟွံဂွံလဝ် (ပုံစံ-၁၀၅) တှေ် ဒးစွံလဝ်အတိုၚ်ဂှ်ရ” သာ်ဝွံ နာဲမိုၚ်လေဝ် ဟီုရ။
ညးဍုင်ကွာန်ဒေသဍာ်ဗု ၇၀၀ တၠပြင် ပါဲဒဴဘဲပၞာန် စိုပ်မံင်တိဍာ်အုပ်ဓုပ် ခရိုင်ထဝါဲ ဗော်ဍုင်မန်တၟိ
ဟိုတ်နူအသိင်ပေါဲဗ္တိုက် မက္တဵုဒှ်ဒၟံင် ပ္ဍဲမွဲဒမြိပ်ဂၠံင်ဇၞော်ကၟိန်ဍုင် စၟတ် (၁၈) သ္ကုတ်ဍုင်ကလိင်အံင်-ဒဵုဟလဲ ပွိုင်ဍုင်ဍာ်ဗု ရးဒေသတၞင်သဳဂှ်တုဲ ညးဍုင်ကွာန်ဂမၠိုင် ဗၞတ် ၇၀၀ တၠပြင် ပါဲဒဴဘဲပၞာန် စိုပ်မံင်လ္ပာ်ဒေသအုပ်ဓုပ် ခရိုင်ထဝါဲ ဗော်ဍုင်မန်တၟိရောင် တ္ရဲဏအ် (အဝ်ဂေတ် ၂၆) ဂကောံတိုင်ခဳရီုဗင်ဘဲပၞာန် ပ္တိတ်လလောင်ကၠုင်ရ။
0 Comments