ဇၞးမာဲဒှ်အမာတ်တုဲ ဒးဒုၚ်ခါန်ကၞက်တာလျိုၚ် ပ္ဍဲသွာၚ်လၟေၚ်ကမၠောန် မမိက်ကဵုမွဲမွဲကီု၊ ဌာနဝန်ဇၞော်မွဲမွဲဒၞာဲကီုဂှ် ဒးဒ္ဂေတ်ဗက် အတိုၚ်စေဝ်ပၞောန်ဗော်ရောၚ် ဗော်ညဳသၟဟ်မန်ဟီု

by | Jul 1, 2020 | ပရိုၚ် | 0 comments

ဝဏ္ဏမာန်၊ ဂျောန် ၂၂၊ ၂၀၂၀

ဇၞးမာဲ ဒှ်အာအမာတ်တုဲ ဒးဒုၚ်ခါန်ကၞက်တာလျိုၚ် ပ္ဍဲသွာၚ်လၟေၚ်ကမၠောန် မမိက်ကဵုမွဲမွဲကီု၊ ဌာနဝန်ဇၞော်မွဲမွဲဒၞာဲကီုဂှ် ဒးဒ္ဂေတ်ဗက် အတိုၚ်စေဝ်ပၞောန်ဗော်ရောၚ် ဖက်ဆောညးအုပ်ကာဗော်ညဳသၟဟ်မန် ဟီုသောၚ်ကလးဏာ ပ္ဍဲပွိုၚ်ဍုၚ်ရေဝ် ဂိတုဂျောန် ၁၇ ဂှ်ရ။
‘ဗော်ဇၞးမာဲမွဲ ဂွံအဝဵုဒှ်အလဵုအသဳတုဲ ပရေၚ်ဆိုက်ဗဒက်ဆက်စၠောံ ပညဳပညပ်ကဵုဗော် ဟွံမွဲမွဲသာ်၊ ဒးဒုၚ်ခါန်ကၞက် သွာၚ်ကမ္မတဳလၟေၚ်ကမၠောန် မမိက်မွဲမွဲကီု၊ ဂွံဒုၚ်ခါန်ကၞက်ဝန်ဇၞော်မွဲမွဲဒၞာဲကီုဂှ် ဒးဒ္ဂေတ်ဗက် အတိုၚ်စေဝ်ပၞောန်ဗော် ရောၚ်’ နာဲလျးတၟး ဖက်ဆောညးအုပ်ကာ (ဗဟဵု) ဟီုရ။
သွက်ဂွံရုဲစှ် ညးစၞးလုပ်ဒုၚ်ရုဲပေဲါရုဲမာဲ ၂၀၂၀ ဏံဂှ် နူကဵုဗော်ညဳသၟဟ်မန် ဒက်ပတန်လဝ် ဂကောံရုဲစှ်ညးစၞးအလံၚ် အမာတ် (ဗဟဵု) တုဲ စှေ်သောၚ်ကလးဒၟံၚ် ပရေၚ်သၞောတ်သၞောဝ်ရုဲစှ် ညးစၞးအလံၚ်အမာတ် ပ္ဍဲပွိုၚ်ဍုၚ်ဂမၠိုၚ်ရ။
‘တၚ်ဒုၚ်ဂတိပါၚ် စပ်ကဵုဒးဒုၚ်ခါန်ကၞက် တာလျိုၚ်မွဲမွဲသာ်တှေ် ဒးကေတ်တၚ်တုပ်စိုတ်နူဗော်ဟီုဂှ် တၚ်ဏံ ဂွံပါကၠုၚ်ဂှ် ဂွံပရေၚ်ဆဵုဂဗခန်လ္ၚတ် ပေဲါရုဲမာဲတုဲကၠုၚ်တေံဂှ်ရ အခန်ဏံ ဒးချုဓဇက်လဝ်ဗီုဏံ’ သာ်ဏံ နာဲလျးတၟး ဆက်ဟီုရ။
ကာလပေဲါရုဲမာဲတုဲကၠုၚ် ၂၀၁၅ ဂှ် ညးစၞးလ္ၚဵု ဇၞးမာဲဒှ်အာအမာတ်ကၠတ်ထဝ်တုဲ နူကဵုဗော်ဂွံအဝဵုတံ ဟွံဆက်စၠောံပညဳ ကဵုဗော်ဂှ်မွဲသာ် ပညဳပညပ်ကုညးစၞးဂှ်တုဲ ခါန်ကၞက်ကၠုၚ် တာလျိုၚ်မွဲမွဲ၊ ဌာနဝန်ဇၞော်မွဲမွဲ ကေၚ်နွံကၠုၚ်ရ။
ဟိုတ်နူဂှ်တုဲ ဗော်ညဳသၟဟ်မန် စုတ်လဝ်ပ္ဍဲကဵုတၚ်ဒုၚ်ဂတိပါၚ်ဂှ် ‘ကာလသ္ဒးဒုၚ်ရုဲစှ် ခါန်ကၞက်တာလျိုၚ် ပ္ဍဲအလဵု အသဳကီု၊ ပ္ဍဲကၠတ်ထဝ်ကီုဂှ် သ္ဒးဒုၚ်ကေတ်သ္ဂုတ်သွာတ် နူဗော်ရောၚ်’ သာ်ဝွံ ပ္ဍဲကဵုတၚ် (၂) ဂှ် ချူဓမံက်လဝ်ရ။
ညးစၞးလုပ်ဒုၚ်ရုဲနူပွိုၚ်ဍုၚ်ဂမၠိုၚ်ဂှ် ဂျောန် ၃၀ မ္ဂး ပွိုၚ်ဍုၚ်ညးကဵုညးဂှ် ဒးပတိုန်စရၚ်တုဲ ဂိတုဂျူလာၚ် ၁၅ ဂှ်မ္ဂး စရၚ်ညးစၞးဂွံလဝ်တံဂှ် ဒးပတိုန်ဗဟဵုရ။ နူကဵုဗဟဵုဂှ် ဂျူလာၚ် ၃၀ ဂှ်မ္ဂး ရုဲစှ်သ္ပအာဒတန်ရောၚ် ဂွံတီကေတ်ရ။
တုဲကၠုၚ်ဂိတုဂျောန် ရ ဂှ် ကမ္မတဳကေၚ်ကာဗဟဵု ကၠောန်သ္ပကောံဓရီု စၞးကမ္မတဳဗဟဵုတုဲ စပ်ကဵုစရာဲဍာ်ဒကေဝ် ညးစၞးအလံၚ်အမာတ် ၁၈ တၚ်ကီု၊ ညးစၞးလုပ်ဒုၚ်ရုဲမာဲတံ တၚ်သ္ဒးဒုၚ်ဂတိပါၚ် ၈ တၚ်ကီု၊ သၞောတ်သၞောဝ် ပရေၚ်ရုဲစှ် ၁၁ တၚ်ကီု၊ လၟေၚ်ကမၠောန်ဂကောံရုဲစှ်အလံၚ်အမာတ် ပွိုၚ်ဍုၚ် ၉ တၚ်ကီု၊ လၟေၚ်ကမၠောန်ဂကောံရုဲ စှ်အလံၚ်အမာတ် အဆံၚ်ဗဟဵု ၆ တၚ်ကီု ချူဓဇက်သ္ပဏာဒတန် မဟာဗျူဟာပေဲါရုဲမာဲ ၂၀၂၀ ရ။

Written by

Related Posts

သွက်ဂွံထ္ၜုတ်ပ္တန် တ္ရဲစၟတ်သမ္တီ ဆေင်ကဵုပရေင်တိဍာ်ဂှ် ပြဝါတိဍာ်မန် ကေတ်မံင်လညာတ် အကြာညးဍုင်ကွာန်

သွက်ဂွံထ္ၜုတ်ပ္တန် တ္ရဲစၟတ်သမ္တီ ဆေင်ကဵုပရေင်တိဍာ်ဂှ် ပြဝါတိဍာ်မန် ကေတ်မံင်လညာတ် အကြာညးဍုင်ကွာန်

ရန်ကဵု သ္ဂောံထ္ၜုတ်ပ္တန် တ္ရဲစၟတ်သမ္တီမန် မဆေင်စပ်ပရေင်တိဍာ် ကေုာံ အဂႅလကျှဏ်ဂကူမန် ဂးတုဲ နူကဵုဂကောံ ပြဝါတိဍာ်မန်တအ် ဗက်ကံက်ကေတ်မံင်လညာတ် အကြာညးဍုင်ကွာန်မန်တအ်နွံရ။

အသိင်သၟတ်တအ် ဂြိပ်ပါဲဒဴပရေင်ဒးသ္ပကောန်ပၞာန်ဂှ်တုဲ အခိင်သွံရာန်ကွဳလိုန်ဓာတ်ခိုဟ်ဂှ် သွံဟွံဂြိပ်

အသိင်သၟတ်တအ် ဂြိပ်ပါဲဒဴပရေင်ဒးသ္ပကောန်ပၞာန်ဂှ်တုဲ အခိင်သွံရာန်ကွဳလိုန်ဓာတ်ခိုဟ်ဂှ် သွံဟွံဂြိပ်

လၟေင်အရိုဟ်ဟ်သၞာံ စိုပ်ကၠုင်ဂိတုမာ်၊ ဖဝ်ရဂိုန်မ္ဂး ဒှ်အခိင်သွံကွဳလိုန်ဓာတ်ခိုဟ်ကီုလေဝ် သၞာံဏံဂှ် ဟိုတ်နူသၟတ်တအ် ဂြိပ်ပါဲဒဴ နကဵုအသိင်ဘဲဒးသ္ပကောန်ပၞာန်ဂှ်တုဲ သၟတ်ဒၟံင်တန်တဴ ပ္ဍဲဍုင်ကွာန်တအ် အောန်ဂှ်ရ သွံရာန်ကွဳလိုန်ဓာတ် လေဝ် ပရေံမံင်ရောၚ် တၠဆေင်သွံရာန်ကွဳလိုန်ဓာတ် လတူဍုင်ဇြပ်ဗုမွဲတၠ ဟီုရ။

တိကၠအ်ဝါ ဇိုင်ကွာန်တအ်ဂှ် ကၟာတ်လဝ် အခေါင်သွံရာန် ပါ်ဂအာင်သ္ၚိကီုလေဝ် ပါ်သွံရာန်မံၚ်အတိုင်သၞောတ်တြေံ

တိကၠအ်ဝါ ဇိုင်ကွာန်တအ်ဂှ် ကၟာတ်လဝ် အခေါင်သွံရာန် ပါ်ဂအာင်သ္ၚိကီုလေဝ် ပါ်သွံရာန်မံၚ်အတိုင်သၞောတ်တြေံ

တိကၠအ်ဝါ မၞုံဇိုင်ဍုင် ကရပ်ကွာန်တအ်ဂှ် ကံင်ဇြဳပၞာန်တအ် ပ္တိတ်လဝ်ပၟိင်စၞောန် အခေါင်သွံဂအာင်သ္ရိ ကၟာတ်လဝ်ကီု လေဝ် ပ္ဍဲတွဵုရးဍုင်မန် ဇၟာပ်ပွိုင်ဍုင်ဂှ် ပညဳပညပ်ကဵုကေတ်ဩန်တုဲ ပါ်သွံဒၟံင်ဂအာၚ်သ္ၚိ အတိုင်သၞောတ်တြေံရောင် သ္ဂောံတီကေတ် နူဗွိုင်ညးမရေင်တၠုင်သွံရာန်ဂအာင်သ္ၚိဂမၠိုင်ရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.