မၞိဟ်ယဲကဝ်ဝေဒ်သ္ပဒတန် ပ္ဍဲကဵုတွဵုရးဍုၚ်မန်တံဂှ် ကောန်ၚာ်အာယုက် (၁၀) သၞာံ နူကဵုဍုၚ်ကျာ်ခမဳလေဝ် ဒးဒုၚ်ကၠောံယဲကဝ်ဝေဒ်ဂှ်ရ သကအ်ရဲဝေၚ်လဝ်ကရောံညးတေံမွဲစွံ (၁၁) တၠတံလေဝ် ပ္ဍဲကဵုဂိတုအံက်တဝ်ဗာ (၁) ဂှ် ဒးကၠုၚ်လုပ် Quarantine ပ္ဍဲကဵုဍုၚ်မတ်မလီုရောၚ် ဂွံတီကေတ်ရ။

“ကောန်ၚာ် (၁၀) သၞာံ ရဲကျာ်ခမဳဂှ် ကၠာဟွံဂွံဆဵုစၟယဲဏီဂှ် ဗက်အာဝေၚ်လဝ် နွံမံၚ်လေဝ်။ ရဲဝေၚ်လဝ်မွဲစွံ သီုဖအိုတ်ဂှ် ပကောံနၚ်တုဲ ဒးလုပ်မံၚ် Quarantine ရ။ ကၠုၚ်ပလံၚ်လဝ်လၟုဟ်ဂှ် မၞိဟ်ဇၞော်ဂွံထိၚ်ဒဝ်လေဝ် ဟွံပါကၠုၚ်တှ်ေ ညံၚ်ဍေံတံ ဂွံဒၟံၚ်အာ ပ္ဍဲဟဒမ်မာန်ဂှ် ဖျေံလဝ်ဒၞာဲဟဒမ်ကြပ်ပ်ညးသကအ်ရ” သာ်ဝွံ နူကဵုဂကောံရီုဗၚ်ဟံၚ်ပြာ်ဍုၚ်မတ်မလီု ကိုဝ်ဇြေန်မိုဝ် ဟီုရ။

သွက်ဂွံလုပ် Quarantine ပ္ဍဲကဵုဍုၚ်မတ်မလီုဂှ် ဂကောံရီုဗၚ်ဟံၚ်ပြာ် နူကဵုပွိုၚ်ဍုၚ်ဇြပ်ဗုတံ ပ္ဍဲကဵုဂိတုအံက်တဝ်ဗာ ၁ ဂှ် ကၠုၚ်ပလံၚ်ဗစိုပ်ကဵုလဝ်ရောၚ် ဂွံတီကေတ်ရ။

ဒၞာဲဆဵုဗဂလဝ်မၞိဟ်ယဲကဝ်ဝေဒ် ၁၉ ပ္ဍဲကဵုဍုၚ်ကျာ်ခမဳ အရာပ်အံၚ်သုခ၊ ဂၠံၚ်သဳရိမျာၚ်သၟဝ်ကျာ ဂၠံၚ် ၄ ကဵု ၅ တံဂှ် စနူကဵုဂိတုအံက်တဝ်ဗာ ၁ ဂှ် ကၟာတ်လဒဵုအခေါၚ်အာကၠုၚ် ဖျေံ (Lockdown) ရောၚ် အလဵုအသဳပတိတ်လဝ်အမိၚ်ရ။

လၟုဟ်ဝွံ ပ္ဍဲကဵုပွိုၚ်ဍုၚ်မတ်မလီုကဵု ပွိုၚ်ဍုၚ်ၜဳကလေၚ်တံ ဆဵုလဝ်မၞိဟ်ယဲကဝ်ဝေဒ်ဂၠိုၚ်အိုတ်တုဲ ပွိုၚ်ဍုၚ်ဇြပ်ဗုမွဲဂှ် (၁၂) တၠ နွံကီုရောၚ် ဂွံတီကေတ်ရ။