ညးစၞးဗော်ညဳသၟဟ်မန် ဂွံဒုၚ်ရုဲစှ် ညးစၞးကၠတ်ထဝ်နာနာ (၁၂) တၠ

by | Nov 17, 2020 | ပရိုၚ် | 0 comments

ဝဏ္ဏမာန်၊ ဂိတုအံက်တဝ်ဗာ ၁၃၊ ၂၀၂၀

သွဟ်ပေဲါရုဲမာဲ (၂၀၂၀) တုဲကၠုၚ်ဂိတုနဝ်ဝေမ်ဗာ (၈) ဂှ် နကဵုညးစၞးဗော်ညဳသၟဟ်မန်ဝွံ သွာၚ်ကၠတ်ထဝ်တွဵုရး (၆) တၠ၊ သွာၚ်ကၠတ်ထဝ်ကောန်ဂကူ (၃) တၠကဵု သွာၚ်ကၠတ်ထဝ်ညးဍုၚ်ကွာန် (၂) တၠ၊ ပ္ဍဲတွဵုရးဍုၚ်ကရေၚ် စၞးကောန်ဍုၚ်အရၚ် (၁) တၠ ပံၚ်သီုဖအိုတ် (၁၂) တၠ ဇၞးလဝ်ရောၚ် ကမ္မတဳအံၚ်ဇၞးမာဲ ဗော်ညဳသၟဟ်မန်ဗဟဵုမွဲတၠ ဟီုထ္ၜးသာ်ဝွံရ။
“နကဵုညးစၞးဗော်ညဳသၟဟ်မန်ဂှ် ပွိုၚ်ဍုၚ်ရေဝ် သီု (၅) ဒၞာဲ၊ ပွိုၚ်ဍုၚ်ဇြပ်ဗုဂှ် ကၠတ်ထဝ်တွဵုရး (၂) မွဲဒၞာဲ၊ ပွိုၚ်ဍုၚ်မုဟ်ဍုၚ် ဂှ် ကၠတ်ထဝ်တွဵုရး (၂) မွဲဒၞာဲ၊ ကၠတ်ထဝ်ညးဍုၚ်ကွာန်ကဵု ကၠတ်ထဝ်ကောန်ဂကူဂှ် မွဲမွဲဒၞာဲ၊ ပွိုၚ်ဍုၚ်ၜါသွာၚ် ကၠတ်ထဝ်တွဵုရး (၁) မွဲဒၞာဲ၊ ပွိုၚ်ဍုၚ်ကျာ်မြဟ် ကၠတ်ထဝ်တွဵုရး (၂) မွဲဒၞာဲ၊ တွဵုရးဍုၚ်ကရေၚ် စၞးကောန်ဍုၚ်အရၚ် (၁) ဒၞာဲ ပံၚ် (၁၂) ဒၞာဲဇၞးလဝ်နွံ” သာ်ဝွံ ကမ္မတဳအံၚ်ဇၞးမာဲ ဗဟဵု နာဲတာန်ယှိုဲ ဟီုလဴထ္ၜးရ။
လတူသွဟ်ပေဲါရုဲမာဲ ပ္ဍဲတွဵုရးဍုၚ်မန်ဂှ် ပွိုၚ်ဍုၚ်ဇြပ်ဗု၊ ပွိုၚ်ဍုၚ်ကျာ်မြဟ်၊ ပွိုၚ်ဍုၚ်ပံၚ် ဗော်ညဳသၟဟ်မန် ပွိုၚ်ဍုၚ်တံ ဒှ်မံၚ် သၠေဟ်ပၟာ သံသယနွံတုဲ လ္ၚတ်ဂၠိုက်ဂၠာဲမံၚ် တၚ်နၚ်ဓဝ်ဍာံနွံရ။
“စရၚ်ဇၞးမာဲဂှ် နကဵုဗော်ပိုဲ သ္ပဒတန်တုဲယျ၊ ဆဂး သှေ်မံၚ် ခက်ခုဲမံၚ် ပွိုၚ်ဍုၚ်လ္ၚဵုဂှ် ဗီုကဵုပွိုၚ်ဍုၚ်ဇြပ်ဗု၊ ပွိုၚ်ဍုၚ်ပံၚ်၊ ပွိုၚ်ဍုၚ်ကျာ်မြဟ်တံစဂှ်တှေ် ပိုဲကဵုလဝ် အခေါၚ်လ္ၚတ်ဂၠိုက်ဂၠာဲ ဟိုတ်ဖဵုဍေံ ဗီုလဵု ဗီုလဵု တုဲတှေ် သွက်ဂွံဆက်ပတိုန်ထ္ၜးအာ အဆံၚ်ဆံၚ်ဍေံနွံ” သာ်ဏံ ဖက်ဆေားညးအုပ်ကာ လၟိဟ် (၂) နာဲသာန်တေန် ဟီုရ။
နကဵုညးဗော်ညဳသၟဟ်မန်ဝွံ အလုံမွဲတွဵုရးဍုၚ်မန်ဂှ် ဖအိုတ်လုပ်ပြိုၚ် (၈) ပွိုၚ်ဍုၚ်တုဲ သွာၚ်ကၠတ်ထဝ်ညးဍုၚ်ကွာန် (၈) ဒၞာဲ၊ သွာၚ်ကၠတ်ထဝ်ကောန်ဂကူ (၁၀) ဒၞာဲ၊ သွာၚ်ကၠတ်ထဝ်တွဵုရး (၁၆) ဒၞာဲကဵု ညးစၞးကောန်ဍုၚ်အရၚ် ဗမာ မွဲတၠ လုပ်ပြိုၚ်လဝ်နွံရ။
ပ္ဍဲကဵုပေဲါရုဲမာဲ (၂၀၂၀) ဏံဂှ် ဟိုတ်နူဗော်ပရေၚ်ဍုၚ်ကွာန်ပံၚ်ကောံ ဒှ်အာမွဲဗော်ဓဝ်တုဲ ပ္ဍဲတွဵုရးဍုၚ်မန်ဂှ် ပွိုၚ်ဍုၚ်ဗွဲမဂၠိုၚ် သွက်ဂွံဇၞးမာန်ရောၚ် ညးအခါတ်အကာဲ ပရေၚ်ဍုၚ်ကွာန်ဂမၠိုၚ် သ္ၚဳဂၠိပ်တော်ဆလဝ်ကီုလေဝ် ၜိုတ်စၟဳတော်လဝ်ဂှ် ပဲါနူပွိုၚ်ဍုၚ်ရေဝ်တုဲ သှေ်ပွိုၚ်ဍုၚ်တၞဟ်တၞဟ်ဂှ် ဇၞးဆဗၞတ်ဓဝ်ရ။
“ဟိုတ်ဂွံဇၞးအောန်ဂှ် အဓိက (၂) တၚ်လေဝ် မွဲတၚ်ဂှ်တှေ် သၟာကမၠောန်ဆုဲပြံၚ်တံ ဇွောဝ်လုပ်စိုပ်ကၠုၚ် တိဍာ်ဍုၚ်မန် လၟိဟ်ဂၠိုၚ်ကွေံကွေံဂှ် မွဲတၚ်၊ မွဲတၚ်ပၠန်ဂှ်တှေ် ညးဂွံအခေါၚ်ကဵုမာဲလၟိဟ်ဂကူမန်တံ အာထောံဍုၚ်သေံလၟိဟ်ဂၠိုၚ် အဓိကတှေ် (၂) တၚ်ဏံ မန်ကျဂၠိုၚ်” သာ်ဏံ ဖက်ဆောညးအုပ်ကာ ဗော်ညဳသၟဟ်မန် (ဗဟဵု) နာဲလျးတၟး ဟီုရ။
တုဲကၠုၚ်ကာလပေဲါရုဲမာဲ (၂၀၁၅) တေံဂှ် နကဵုညးစၞးဗော်ကောန်ဂကူမန်ကဵု ဗော်ဒဳမဵုကရေဇြဳအလုံရးမန်ဂှ် ပွိုၚ်ဍုၚ်ရေဝ် ကၠတ်ထဝ်ကောန်ဂကူ (၁) တၠကဵု ကၠတ်ထဝ်တွဵုရး (၁) တၠ ပံၚ် (၂) တၠ၊ ပွိုၚ်ဍုၚ်မုဟ်ဍုၚ်ဂှ် ကၠတ်ထဝ်တွဵုရး (၁) တၠကဵု ပွိုၚ်ဍုၚ်ၜါသွာၚ် ကၠတ်ထဝ်တွဵုရး (၁) တၠ ပံၚ်ကၠတ်ထဝ်တွဵုရး (၃) တၠကဵု ကၠတ်ထဝ်ကောန်ဂကူ (၁) တၠ ပံၚ် (၄) တၠ ကေၚ်ဇၞးကၠုၚ်လဝ်ရ။
ပ္ဍဲကဵုတွဵုရးဍုၚ်မန်ဂှ် ဗော်ပရေၚ်ဍုၚ်ကွာန် (၁၇) ဗော်ကဵု ပူဂဵု ညးစၞးကၠတ်ထဝ်သွာၚ်နာနာ (၃၀၂) တၠ လုပ်ပြိုၚ်ရ။ ဖအိုတ်ရုၚ်မာဲနွံ (၉၇၃) ရုၚ်တုဲ မၞိဟ်ဂွံအခေါၚ်ကဵုမာဲ နွံ (၁,၈၄၇,၇၈၀) တၠဂှ် စရၚ်မၞိဟ်ကၠုၚ်ကဵုမာဲ နွံ (၁,၀၆၉,၆၅၆) တၠ တၟော်ကဵုဍိုပ်ကၠံမ္ဂး လၟိဟ် (၅၈%) နွံရ။ ပေဲါရုဲမာဲ (၂၀၁၅) တေံဂှ် မၞိဟ်ကၠုၚ်ကဵုမာဲ (၅၁.၃၃%) နွံရ။

Written by

Related Posts

လိက်ကသုက် NCA ဂှ် မုရော?

လိက်ကသုက် NCA ဂှ် မုရော?

NCA မ္ဂးဂှ် ဒှ်ဝေါဟာဗွဲခ္ဍန် မကၠုင်နူ Nationwide Ceasefire Agreement မဒှ်တုဲ ကၠာဲပတိတ် နကဵုဘာသာမန်ပေင်င်မ္ဂး လိက်ကသုက် တင်တုပ်စိုတ် ပရေင်ဒေါံတ္ၚီုပန်ပှော် အလုံမွဲဍုင် သာ်ဝွံ ဂွံအဓိပ္ပါဲရ။ ပိုဲတအ် ဟီုဂးစဂၠိုင်ဂှ်မ္ဂး လိက်ကသုက် ဒေါဴပန်ပှော် အလုံဍုင် (ဝါ) NCA မဒှ်ရ။ ပ္ဍဲကဵုသၞာံ ၂၀၂၅ ၊ ဂိတုအံက်တိုဝ်ပါ ၁၅ ဂှ် NCA ပေင်ကၠုင် ၁၀ သၞာံတုဲ အလဵုအသဳသီလဝ်အဝဵုတအ် ကၠောန်ဗဒှ် သဘင်စၟတ်သမ္တီရ။ ဒၟာနူညးစၞး နူဗော်ဍုင်မန်တၟိတအ် တိုန်စိုပ်လဝ်ဂှ် ကောန်ဂကူမန်လ္ၚဵုတအ် ပါ်ပါဲ ဟီုဂး ချူဆာဲဒၟံင်လ္တူအေန်တာနေတ် ဟီုကြာန်န်လေဝ်နွံတုဲ သွက်ဂကူမန်ပိုဲတအ် ဂွံဒှ်ဗဟုသုတ ဒှ်ချူကၠုင်လိက်ပရေင်ဝွံရ။

က္ဍိပ်သ္ကိုပ်ဗီုညးကဵု ဂၠံင်တရဴရက္ခိတ (သ္ကုတ်နိဂီု)

က္ဍိပ်သ္ကိုပ်ဗီုညးကဵု ဂၠံင်တရဴရက္ခိတ (သ္ကုတ်နိဂီု)

လ္တူအကာဲအရာဂှ် ကေတ်အရီုအဗင် အလဵုအသဳဍုင်ကြုက်တုဲ ဂိုတ်ဂစာန် ပတိတ်အစောန် သွက်သ္ဂောံကလေင် ထိင်ဒဝ်ကေတ် ဂကောံ ERO မဖျေံလဝ်သဇိုင် အကြာပယျဵုကြုက်ရ။ အတိုင်ဂိုတ်ဂစာန် ပတိတ်ကၠုင်အစောန်ဂှ် ၜိုတ်ထေက်ကြိုက် ကလိဂွံပေါဲဇၞးနွံတုဲ သွက်သ္ဂောံကလေင်ထိင်ဒဝ်ကၠေံ ပရေင်ချဳဓရာင် ဒပ် AA ဂှ် နကဵုနဲကဲဇဳ မေန်အံင်လှာင် ဂစာန်ကေတ်ဒၟံင်အရီုအဗင် အလဵုအသဳအိန္ဒိယျ ကေုာံ အလဵုအသဳ ၜင်္ဂလာဒေတ်တံပၠန်ရ။ အဓိက စောဲစပ်ဒပ်ပၞာန် AA တအ် နကဵုပရေင်ကူသာန်သွံရာန် ဂဥုဲၜူမာဲရ။ နူကဵုပးဒၞက်ဏအ် က္ဍိုပ်သကိုပ် ဒပ်ပၞာန် AA ထောန်မျာတ်နာင် နကဵုဓဝ်သတိဇၞော်ဇၞော် ညံင်သ္ဂောံတတ်ကၠောံၜက်အာမာန်ဂှ် ပၟိက်ဇၞော်တဴရ။

ပ္ဍဲကဵု “သ္ဘၚ်ကဝါ်ဇံၚ် ကေုာံ ထ္ၜးပျးအခိုက်ကၞာယေန်သၞာၚ်” လ္တူဍုၚ်ဖူကေတ်ဂှ် ဂကူမန်တအ် တိုန်စိုပ်ဂၠိုၚ်အိုတ်ရောၚ်ဂး

ပ္ဍဲကဵု “သ္ဘၚ်ကဝါ်ဇံၚ် ကေုာံ ထ္ၜးပျးအခိုက်ကၞာယေန်သၞာၚ်” လ္တူဍုၚ်ဖူကေတ်ဂှ် ဂကူမန်တအ် တိုန်စိုပ်ဂၠိုၚ်အိုတ်ရောၚ်ဂး

ပ္ဍဲကၟိန်ဍုၚ်သေံ လ္တူဍုၚ်ဖူကေတ်၊ ပ္ဍဲကဵုဘာမိုဝ်နေတ်ဂှ် ကျာ်ဇၞော်အ္စာဘာမိုဝ်နေတ် ကေုာံ ညးတာလျိုၚ် ကဆံၚ်ကဆံၚ်တအ် က္ဍိုက်က္ဍိုပ်ပၠတရဴတုဲ ကၠောန်ဗဒှ်ကၠုၚ်လဝ် ဘဘၚ်ကဝါ်ဇံၚ် ကေုာံ ထ္ၜးပျးအခိုက်ကၞာယေန်သၞာၚ်ဂကူဂှ်မ္ဂး ကောန်ဂကူမန်တအ် ပါလုပ်တိုန်စိုပ်လဝ်ဂၠိုၚ်အိုတ်ရောၚ် ဂွံတီကေတ်ရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.