ဟိုတ်နူကဵုဒဒန် (စံပယ်ဂူတံတား) ဒှ်ကၠုၚ်တုဲ တၠကမၠောန်ဂၠုၚ်ဂဒိုအ်တံ ဒးဒေါံဇူ

by | Dec 3, 2020 | ပရိုၚ် | 0 comments

ဗညာပိုၚ်၊ နဝ်ဝေမ်ဗာ ၂၈၊ ၂၀၂၀

ပ္ဍဲပွိုၚ်ဍုၚ်ကျာ်မြဟ် ကွာန်မွဲဂြဝ်ကဵု ကွာန်ကအ်ဒုန်တံဂှ် ဟိုတ်နူကဵုဒဒန် (စံပယ်ဂူတံတား) ဒှ်ကၠုၚ်တုဲ ညးမကၠောန်ဒၟံၚ် ကမၠောန်ဂၠုၚ်ဂဒိုအ်တံဂှ် ဒးဒေါံဇူကၠုၚ်တုဲ ဒှ်ကၠုၚ်ဒၟံၚ် အခက်အခုဲရောၚ် ကောန်ကွာန်မွဲဂြဝ် ညးကၠောန်မံၚ်ကမၠောန်ဂဒိုအ် နာဲမျေအ်ထောန် ဟီုရ။
“ဠတေံဂှ်တှေ် ပိုဲတံဂှ် သွံစမံၚ်ဖျာအဏံညိညိ စၠောံအာမံၚ် ဂဒိုအ်ညိညိ၊ လၟုဟ်တှေ် မုလေဝ်သံက်ကၠောန်ဟွံမွဲရ ကမၠောန်လေဝ်ဟွံမွဲရ၊ ပ္ဍဲၜဳဏံဂှ်တှေ် မၞိဟ်လေဝ်ဟွံကၠုၚ်ရ ဂၠုၚ်လေဝ် ပ္တိုန်လဝ်လတူဒဵုရလေဝ်၊ တုဲပၠန် ကောန်ၚာ်တံလေဝ် နွံမံၚ်တှေ် ကၠောန်စလေဝ် ဟွံဂွံရတှေ် ဒှ်အခက်ခုဲမာဟလိုၚ်ရ” သာ်ဏံ နာဲမျေအ်ထောန် ဂးရ။
စနူကဵုဂိတုအံက်တဝ်ဗာ (၃) ဂှ်တုဲ စဵုကဵုစိုပ် အခိၚ်လၟုဟ် ဒးဒေါံဇူကၠုၚ်လဝ်ရရောၚ် ညးဆက်ဟီုရ။
တုဲကၠုၚ်ကၠာတေံ သ္ဂောံစၠောံဒၟံၚ် ဂၠုၚ်ဂဒိုအ်ဂှ် မွဲတ္ၚဲမ္ဂး (၂) ဠက်၊ (၃) ဠက် ဂွံဒၟံၚ်တုဲ လၟုဟ်ကာလကိုဝ်ဝေဒ်ဏံဂှ် မွဲတ္ၚဲမ္ဂး ဂွံဒၟံၚ် (၇) လ္ၚီဒကေဝ်ရတုဲ ဒဒန်လေဝ် တတ်ကၠောံအာဂွံဂှ်ရ ကမၠောန်လေဝ် ဒးဒေါံဇူကၠုၚ်လဝ်ရရောၚ် ဂွံတီကေတ်ရ။
လၟုဟ်ဝွံ ဟိုတ်နူဒးဒေါံဇူကၠုၚ် ဂၠုၚ်ဂဒိုအ်ဏံတုဲ ပရေၚ်စသုၚ်မံၚ်စံၚ်တံကီု၊ ပရေၚ်ပညာကောန်ၚာ်တံကီုဂှ် ဒှ်ကၠုၚ်အခက်အခုဲရောၚ် ညးမကၠောန်ဒၟံၚ် ကမၠောန်ဂဒိုအ် နာဲမျေအ်ထောန် ဟီုရ။
“အခိၚ်တေံဂှ် ဍေံပြေပြံၚ်မံၚ်ညိ၊ လၟုဟ်ဂှ် ဒဒန်ဏံ ဒှ်ကၠုၚ်တုဲတှေ် လှုဲလုပ်လေဝ် ဍေံအောန်ကၠုၚ်ရ၊ ကမၠောန်ဇကုလေဝ် ဍေံပိုတ်အာယျတှေ် ကောန်ၚာ်တံ ဂွံမံၚ်အာဘာဂှ် ဍေံဒှ်ကၠုၚ် အခက်အခုဲရ” သာ်ဏံ နာဲမျေအ်ထောန် ဂးရ။
တုဲကၠုၚ်တေံဝွံ ပ္ဍဲကဵုၜဳကဍတ်ဂှ် ကျာ်မြဟ်ကဵု ကွာန်မွဲဂြဝ်၊ ကွာန်ကအ်ဒုန်တံဂှ် သ္ဂောံစၠောံဒၟံၚ်ကဵု ဂဒိုအ်တံရတုဲ သွက်ရဲတၠဂၠုၚ်ဂဒိုအ်တံဂှ် ပြေပြံၚ်ကၠုၚ်မံၚ်ရရောၚ်။
တုဲကၠုၚ်ဂိတုနဝ်ဝေမ်ဗာ (၃) ဂှ် ဒဒန် (စံပယ်ဂူတံတား) ဆက်စၠောံလဝ်ကဵု ဍုၚ်ကျာ်မြဟ်ကဵု ကွာန်ကအ်ဒုန်တံဂှ် တတ်ကၠောံဂွံဒၟံၚ်ဂှ်ရတုဲ ညးမကၠောန်ဒၟံၚ် ကမၠောန်ဂဒိုအ်တံဂှ် ကမၠောန်ဟွံမွဲကၠုၚ်တုဲ ဒှ်ကၠုၚ်ဒၟံၚ် အခက်ခုဲရရောၚ် ဂွံတီကေတ်ရ။

Written by

Related Posts

ဒပ်ကမ္မယှေန်ပၞာန်တအ် ထ္ပက်ကၠုၚ်ပၞာန် ဒေသမန်၊ ကရေၚ် ဆက်စပ်ပွိုၚ်ဍုၚ် မုဟ်ဍုၚ်ကဵု လှာဒကှ်တုဲ ကၠအ်လ္ၚဵု ဟွံဂံၚ်ခွါတ်ထ္ၜိုတ်

ဒပ်ကမ္မယှေန်ပၞာန်တအ် ထ္ပက်ကၠုၚ်ပၞာန် ဒေသမန်၊ ကရေၚ် ဆက်စပ်ပွိုၚ်ဍုၚ် မုဟ်ဍုၚ်ကဵု လှာဒကှ်တုဲ ကၠအ်လ္ၚဵု ဟွံဂံၚ်ခွါတ်ထ္ၜိုတ်

ဟိုတ်နူဒပ်ကမ္မယှေန်ပၞာန်တအ် ထ္ပက်ကၠုၚ်ကရောၚ်ပၞာန် ဒေသမန်၊ ကရေၚ် ဆက်စပ် ပွိုၚ်ဍုၚ်မုဟ်ဍုၚ်ကဵု ပွိုၚ်ဍုၚ်လှာဒကှ်ဂှ်တုဲ ကၠအ်လ္ၚဵု ဟွံဂံၚ်ခွါတ်ထ္ၜိုတ်နွံရောၚ် ညးဒေသတအ် ဟီုရ။

အလံၚ်အမာတ် လုပ်ပြိုၚ်ပေဲါရုဲမာဲတအ် ဒဵုလၟုဟ် ဟွံဂွံထ္ၜးမုက်မတ်ဏီ

အလံၚ်အမာတ် လုပ်ပြိုၚ်ပေဲါရုဲမာဲတအ် ဒဵုလၟုဟ် ဟွံဂွံထ္ၜးမုက်မတ်ဏီ

ပ္ဍဲကဵုပေါဲရုဲမာဲ (၂၀၂၅) ကမ္မယှေန်ပၞာန်ဗၟာတအ် ရန်လဝ်သွက်ဂွံကၠောန်အာ ပ္ဍဲဂိတုဒဳဇြေမ်ဗာဏံဂှ် အလံၚ်အမာတ် သွက်ဂွံလုပ်ရုဲစှ်ဂမၠိုၚ် ဒဵုလၟုဟ် ဟွံဂွံထ္ၜးမုက်မတ်ဏီရောၚ် ညးမၚ်ရံၚ်အခါတ်ကာဲ ပေါဲရုဲမာဲတွဵုရးဍုၚ်မန်မွဲတၠ ဟီုရ။

လိက်ကသုက် NCA ဂှ် မုရော?

လိက်ကသုက် NCA ဂှ် မုရော?

NCA မ္ဂးဂှ် ဒှ်ဝေါဟာဗွဲခ္ဍန် မကၠုင်နူ Nationwide Ceasefire Agreement မဒှ်တုဲ ကၠာဲပတိတ် နကဵုဘာသာမန်ပေင်င်မ္ဂး လိက်ကသုက် တင်တုပ်စိုတ် ပရေင်ဒေါံတ္ၚီုပန်ပှော် အလုံမွဲဍုင် သာ်ဝွံ ဂွံအဓိပ္ပါဲရ။ ပိုဲတအ် ဟီုဂးစဂၠိုင်ဂှ်မ္ဂး လိက်ကသုက် ဒေါဴပန်ပှော် အလုံဍုင် (ဝါ) NCA မဒှ်ရ။ ပ္ဍဲကဵုသၞာံ ၂၀၂၅ ၊ ဂိတုအံက်တိုဝ်ပါ ၁၅ ဂှ် NCA ပေင်ကၠုင် ၁၀ သၞာံတုဲ အလဵုအသဳသီလဝ်အဝဵုတအ် ကၠောန်ဗဒှ် သဘင်စၟတ်သမ္တီရ။ ဒၟာနူညးစၞး နူဗော်ဍုင်မန်တၟိတအ် တိုန်စိုပ်လဝ်ဂှ် ကောန်ဂကူမန်လ္ၚဵုတအ် ပါ်ပါဲ ဟီုဂး ချူဆာဲဒၟံင်လ္တူအေန်တာနေတ် ဟီုကြာန်န်လေဝ်နွံတုဲ သွက်ဂကူမန်ပိုဲတအ် ဂွံဒှ်ဗဟုသုတ ဒှ်ချူကၠုင်လိက်ပရေင်ဝွံရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.