ဘာကောန်ဂကူမန်တန်လ္ဒောဝ် ကွာန်ကအ်ဝါန် သွက်ဂွံဆက်သိုၚ်အာ ဒၞာဲဟီုတွံ ပ္ဍဲဘာနွံ

by | Oct 8, 2021 | ပရိုၚ် | 0 comments

မာံသုခ၊ ဂိတုသေပ်တေမ်ဗာ ၂၅၊ ၂၀၂၁

ဘာကောန်ဂကူမန်တန်လ္ဒောဝ် ပ္ဍဲကွာန်ကအ်ဝါန် ပွိုၚ်ဍုၚ်ကျာ်မြဟ်ဝွံ ရုၚ်ဒၞာဲဟီုတွံ ကဵုလညာတ်ကုကွးဘာတအ် သိုၚ်ဂွံလဝ်သ္ဇိုၚ်ဗွဲသၟဝ်ညိတုဲ ပ္ဍဲဂိတုအံက်တဝ်ဗာမံက်ဏံ သွက်ဂွံဆက်သိုၚ် ဓမံက်အာရုပ်ရဴနွံပၠန်ရောၚ် ဂွံတီကေတ်ရ။
“ပိုဲဂှ် ရန်လဝ်စၚ်ဟီုတွံရ၊ တုဲဒှ်အိုတ်တှ်လေဝ် စၚ်ဟီုတွံဂှ် လဆောဝ်လဆောဝ်မှ ပိုဲဒးသုၚ်စောဲတှေ် အကြာကြာဂှ် ပိုဲသုၚ်စောဲအာ အရၚ်ဗ္တောန်လိက်လေဝ်ဂွံ ပိုဲရန်လဝ်ဗီုဂှ်၊ ဂိတုစှ်ဏံတှေ် ညံၚ်ဂွံဓမံက်ရုပ်ရဴကမၠောန်၊ လၟုဟ် အပိုၚ်အ္စာၝောံတအ်ဂှ်တှေ် ဗက်ဂၠာဲသၟာန်လဝ်ၚုဟ်မးကပေါတ်တအ်ဂှ်ဖိုဟ်” သာ်ဏံ ဂအုပ်ဘာ မိသိုက်နန်လွဳ ဟီုရ။
စၚ်ဟီုတွံဏံဂှ်ဝွံ သ္ဇိုၚ်နူသၟဝ်ဂှ် ဂကောံတၠဒါန် နူကွာန်ကအ်ဝါန်တအ် စသိုၚ်ပ္တန်ကၠုၚ်လဝ်တုဲ သှေ်မံၚ်ဗ္ဒၚ်ကၟဳတအ်ဂှ် တၠဒါန်နူမ္ၚး ဘိုၚ်ရီုဗၚ်ကဵု ကိုဋ်အကြာ (၄၀) ကီု တၠဒါန်အကြာကွာန်တအ်လေဝ် သွက်ဂွံထပ်ဆဝ်မ္ၚုဟ်အာပၠန်နွံရ၊ စၚ်ဟီုတွံဏံဝွံ စဵုတုဲဒှ်မ္ဂး ရန်လဝ်ဩန် ၜိုတ်ကၠံကိုဋ်ပြၚ်ပြၚ်ရ။
ရုၚ်ဒၞာဲဟီုတွံဏံဝွံ မ္ၚးနူဟီုတွံ သ္ပကောံဓရီု ကဵုလညာတ်ကုကွးဘာတအ်တုဲ ကာလစိုပ်အခိၚ်က္လေၚ်ပံက်ဘာပၠန်မ္ဂး သွက်ဂွံဗ္တောန်အာလိက် ကုကွးတအ် ဒၞာဲရုၚ်ဏံနွံကီု ရန်လဝ်နွံရ၊ ပ္ဍဲဘာကောန်ဂကူမန်တန်လ္ဒောဝ် ကွာန်ကအ်ဝါန်ဝွံ လၟေၚ်သၞာံ ကွးဘာ (၁၀၀) တၠပြၚ်ပြၚ် ကတ်ဗ္တောန်မံၚ်ပညာနွံတုဲ အ္စာဘာ (၉)တၠ ဗ္တောန်ကဵုမံၚ်နွံရ။

Written by

Related Posts

ပ္ဍဲမဟာၛာဲ ဟိုတ်နူကွဳစက်ပၟတ်လိုန်ဒးတုဲ သၟာကမၠောန်ကောန်ဍုင်မန်ဗၟာမွဲတၠ ဒးချိုတ်

ပ္ဍဲမဟာၛာဲ ဟိုတ်နူကွဳစက်ပၟတ်လိုန်ဒးတုဲ သၟာကမၠောန်ကောန်ဍုင်မန်ဗၟာမွဲတၠ ဒးချိုတ်

ပ္ဍဲခရိုင်သမုတ်သဃန် ကၟိန်ဍုင်သေံ၊ ဍုင်မဟာၛာဲဂှ် ဟိုတ်နူကွဳစက်ပၟတ်လိုန်ဒးတုဲ သၟာကမၠောန်ကောန်ဍုင်မန်ဗၟာ မၞိဟ်ဗြဴမွဲတၠ ဒးချိုတ်အာလဝ်ရောင် ပရိုင်သေံဂမၠိုင် ချူဓမံက်လဝ်ရ။

ဒေသဍုၚ်မန်သ္ကုတ်လ္တူ ဒပ်ကံၚ်သဳပၞာန်ထ္ပက်ပၞာန်တုဲ ရဲကၠောန်ကၠအ် နူဒေသသ္ကုတ်သၠုၚ်ကျာတအ် ဒးက္လေၚ်စဴ

ဒေသဍုၚ်မန်သ္ကုတ်လ္တူ ဒပ်ကံၚ်သဳပၞာန်ထ္ပက်ပၞာန်တုဲ ရဲကၠောန်ကၠအ် နူဒေသသ္ကုတ်သၠုၚ်ကျာတအ် ဒးက္လေၚ်စဴ

ဒေသဍုၚ်မန်သကုတ်လ္တူ ပွိုၚ်ဍုၚ်သဓီုကဵု ပွိုၚ်ဍုၚ်ၜဳကလေၚ်ဂှ် ဒၟာနူဒပ်ကံၚ်သဳပၞာန်တအ် ထ္ပက်လုပ်ကၠုၚ်နကဵုဇြဟတ်ဂၠိုၚ်ဂၠိုၚ်တုဲ ရဲနူကဵုမတ်မလီု၊ မုဟ်ဍုၚ်၊ ဇြပ်ဗု အာကၠောန်မံၚ်ကၠအ်ဒေသဂှ်ဝွံ ဒးကလေၚ်စဴကၠုၚ်အိုတ်ရောၚ် ညးမကၠောန်မံၚ်ကၠအ်မွဲတၠ ဟီုထ္ၜးရ။

ညးမပြာပ်အာစိုပ်ဌာနစှ်ေဘာဥတုကညၚ် အလုံဒေသရးမန်တအ် သ္ဂောံဂီုကၠီုမာန်ဂှ် ဂကောံဗ္တောန်လိက်ပတ်မန်ကေုာံယေန်သၞာၚ်ဗုဒ္ဓဘာသာအလုံဒေသရးမန်တအ် ဖန်ဇန်ဒၟံၚ်နွံ

ညးမပြာပ်အာစိုပ်ဌာနစှ်ေဘာဥတုကညၚ် အလုံဒေသရးမန်တအ် သ္ဂောံဂီုကၠီုမာန်ဂှ် ဂကောံဗ္တောန်လိက်ပတ်မန်ကေုာံယေန်သၞာၚ်ဗုဒ္ဓဘာသာအလုံဒေသရးမန်တအ် ဖန်ဇန်ဒၟံၚ်နွံ

တၠဳပိုန်သၚ်တၠပညာဂမၠိုၚ်၊ ကွးဘာဂမၠိၚ် ကေုာံ မိမညးဍုၚ်ကွာန်မန်တအ် သ္ဂောံအာစိုပ်သဘၚ်စှ်ေဘာဥတုကညၚ် အလုံဒေသရးမန် ပ္ဍဲဘာသာံလှေဝ်တေံမာန်ဂှ် နကဵုညးတာလျိုၚ်ဂကောံဗ္တောန်လိက်ပတ်မန်ကေုာံယေန်သၞာၚ်ဗုဒ္ဓဘာသာအလုံဒေသရးမန်တအ် ဖန်ဇန်ဒၟံၚ်ရောၚ် ဂွံတီကေတ်ရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.