ကၠာသၞာံဟွံအိုတ်ဏံ သွက်ဂွံကၠောန်အာပေဲါရုဲမာဲနွံတုဲ သၟာကမၠောန်ဆုဲပြံင်တအ် ဂွံကဵုမာဲပ္ဍဲဒေသမန်ဂွံဂှ် ဂစာန်ကၠောန်ပ္တိတ်ဒၟံင်ကဵု ကာတ်ကောန်ဍုင်မန်ဖိုဟ်ရောင် ပရိုင်ကြပ်ကဵု ကမ္မေယှန်ပေဲါရုဲမာဲမွဲတၠဂှ် ဟီုလဴထ္ၜးရ။

ကွဳစက်၊ ကွဳလိုန်ဓာတ် ပ္ဍဲဍုင်မန် လုပ်သၞောဝ်ကီု ဟွံလုပ်သၞောဝ်ကီုဂှ် ဒှ်လတေၚ်ပၞော်ဩန်လုပ် သွက်စက်ယန်ကံင်သဳပၞာန် ဂွံဂေတ်ခိုဟ်ခိုဟ်မွဲရောင် ညးရေင်တၠုင်သွံရာန်ကွဳစက်ပယျဵုသေံ ပၠုပ်ပ္ဍဲဍုင်မွဲတၠ ဟီုရ။

လဂွံကဵုတမ်ရိုဟ်ပရိုင် ဌာန်ပရိုင်ဗၠးၜးမန် မဟီုလဴကၠုင်လဝ်မ္ဂး ပြဟ်ဟ်ဏအ် နူကဵုဒပ်ကံင်ဇြဳပၞာန်တအ် လုပ်စိုပ်ကၠုင်မံင် ပ္ဍဲလ္တူဍုင်ကျာ်ပိပြဳပြဳနွံတုဲ ပ္ဍဲကဵုဂှ်မ္ဂး ကောန်သ္ဂံင်၊ ညးတာလျိုင်တအ်  ပါလုပ်မံင်ရောင် ဂးရ။