ဂိတုဇှ်ေ (၈) စွေက်၊ အခိင်နူဂယးဂှ်ဝွံ ပ္ဍဲကၟိန်ဍုင်သေံ ဍုင်ကမ္မရဳ ဗၠာဲသၟိင်သေံတအ် ရပ်ဂွံ ကောန်ဍုင်ဗၟာရဲညးကၠတ်လုပ်ဍုင်သေံ လၟိဟ် (၃၃) တၠနွံရောင် ဂွံဆဵုကေတ်ပရိုင်ရ။
တ္ၚဲဏံ အခိင်နူဂယး ၜိုတ်အကြာ (၁၀) နာဍဳ ကဵု (၁၁) နာဍဳဂှ် ညးတာလျိုင်သေံဍုင်ကမ္မရဳတအ် လုပ်စၟဳစၟတ်ပ္ဍဲဘာလကျာ်ဂှ် ဂွံဆဵုကေတ် ကောန်ဍုင်ဗၟာ ကၠတ်လုပ်ဍုင်သေံ လၟိဟ် (၃၃) တၠတုဲ မၞိဟ်တြုံ (၂၁) တၠ ကဵု မၞိဟ်ဗြဴ (၁၂) တၠ သီုကဵုကောန်ၚ္ၚာ် နကဵုလကျာ်ဂှ်လေဝ် စၟဳစၟတ်ကေတ်မံင်အရေဝ်နွံရောင် ဂွံတီကေတ်ရ။
ကိစ္စဏံဂှ် ဟိုတ်နူဃံင်ထပၠုပ်မၞိဟ်တအ် သာသ္ပအ်ကၠဟ်စွံလဝ်ပြးဇးဂှ်ရ ပ္ဍဲကဵုဘာလကျာ်လေဝ် ဗၠာဲသၟိင်သေံတအ် ဗီုပြင်လုပ်ရပ်စပ်စၟဳစၟတ်မံင်နွံရောင် ဂွံဆဵုကေတ်ရ။
ပ္ဍဲကဵုပွိုင်ဍုင်သၚ်္ခဠၜူရဳ (ကွာန်ဝၚ်္က) ကဵု ပယျဵုဒေသကျာ်ပိဂှ်ဝွံ သွက်ကောန်ဍုင်မန်ဗၟာတအ်မ္ဂးတှ်ေ ဒှ်ပၞော်ဂၠံင်လုပ်တိတ်အဓိကမွဲရ။
ပ္ဍဲကၟိန်ဍုင်သေံ သၞာံ ၂၀၂၅ စနူဂိတုဂျောန်ဏံမံက်တုဲဂှ်ဝွံ အကြာကွာန်ဝၚ်္က ကဵု ကွာန်ထံက်ခၞောန်သၟးဂှ် ဗၠာဲသၟိင်သေံ ဒပ်ပၞာန်မင်ဂီုကၠီုတအ် ရပ်ဂွံမံင်ကောန်ဍုင်ဗၟာကၠတ်ရဲညးကၠတ်လုပ်ဍုင်သေံတအ် လၟိဟ် ဗ္ဒါဲ (၂၀၀) တၠ နွံကၠုင်ယျရောင် ဂွံတီကေတ်ရ။
