သွက်ဂွံဂွံအခေါင် ပရေင်ပူဂဵုတုဲ မၞိဟ်လုပ်ဗ္ဒဗ္ဒာဲ ပံင်ကဵုကမ္မယှေန်ပၞာန် ဂၠိုင်ကၠုင်

by | Aug 4, 2025 | ပရိုၚ် | 0 comments

ပ္ဍဲကဵုအကာဲအရာပရေင်ဍုင်ကွာန်ကာလတ္ရဲဏအ်ဝွံ သွက်ဂွံဂွံအခေါင်အရာ ပရေင်ပူဂဵုတုဲ မၞိဟ်လ္ၚဵုလုပ်ပံင်ဗ္ဒဗ္ဒာဲ ကဵုကမ္မယှေန်ပၞာန်ဂၠိုင်ကၠုင်မံင်ရောင် ဂကောံဒပ်မင်ကင်ကွာန် နူတွဵုရးဍုင်မန်မွဲတၠ ဟီုထ္ၜးရ။

သွက်ဂွံဗလးကဵုအခေါင် ဗလးကဵုပရေင်ဒးယိုက်ဂၠေင်ပၞာန်ဗၟာကီု၊ သွက်ဂွံရပ်စပ်သုင်စောဲကွဳစက် လိုင်ဇြေန်ဟွံမွဲ without ဂှ်ကီု နာနာသာ်ဂှ် သွက်ဂွံဂွံအခေါင်ပူဂဵုတုဲ ညးဍုင်ကွာန်လ္ၚဵု လုပ်ပံင်ဗ္ဒဗ္ဒာဲကၠုင်ကဵု ကမ္မယှေန်ပၞာန်နွံရ။

“မွဲကာလဍေံကေတ်ကောန်ပၞာန်တေင်ကၠုင်ဏံကီု မွဲအဆက်ဂှ်တှ်ေ ဍေံရပ်ကရေပ်ဂရတ်တိုန် ကာကွဳစက်ဂှ်ကီုဂှ် မၞိဟ် ပံင်လုပ်ဗ္ဒဗ္ဒာဲကၠုင်ကဵု ကမ္မယှေန်ပၞာန်တအ် ဒှ်ကၠုင်၊ လုပ်ပံင်ဗ္ဒဗ္ဒဟီုဂှ် မုဍေံစကာဂွံတှ်ေ ဒုင်စကာကဵုဍေံ လုပ်ဂကောံ သၟဝ်ဍေံမွဲမွဲသာ်ဟာ၊ လုပ်ဂကောံဗတိုက်သရိုဟ်ရဲဒစဵုဒစးဒေသဟာ ဗီုဏံ မၞိဟ်လ္ၚဵုဂှ် ဍေံဒှ်ကၠုင်” သာ်ဝွံ ဂကောံဒပ်မင်ကင်ကွာန်ဂှ် ဟီုထ္ၜးရ။

အခိင်ကမ္မယှေန်ပၞာန်ဗၟာတအ် သၠုင်ပတိုန်အသိင် ပရေင်ဍုင်ကွာန် ပရေင်ပၞာန်သွာင်ညးတအ်ဏံဂှ် မွဲလ္ပာ်ဂှ် ကရေပ်ဂ ရတ်ညးဍုင်ကွာန်တအ် ပရေင်ကေတ်ကောန်ပၞာန်ဂှ်ကီု၊ ရပ်စပ်စၟဳစၟတ် ညးဍုင်ကွာန်တအ် ဟွံမွဲကဵုသၞောဝ်ဓဝ်တေင် ဂြတ်ဂှ်ကီု၊ ရပ်စပ်ကၟာတ်လဒဵုကၠုင် ပရေင်သုင်စောဲကွဳစက်ယာန်ဂှ်ကီု နဲနာနာသာဂှ် ကရေပ်ဂရတ်တေင်ကၠုင်ရ။

“ညးဍုင်ကွာန်ဟွံဗက်စလ္ပာ်ဍေံ(ကမ္မယှေန်ပၞာန်)ဂှ်တှ်ေ ဍေံရပ်စပ်ကရေပ်ဂရတ်တိုန်ဏောင်၊ လုပ်ပံင်တောဲကဵုဍေံ တှ်ေ ဍေံကဵုအခေါင်အရာပူဂဵုဏောင် ဗီုဏံ ဍေံပံက်ကၠုင်ကဵုဂှ် မၞိဟ်လ္ၚဵု ညာတ်သာၝဏံတုဲတှ်ေ လုပ်ကၠုင်ဍေံနွံ၊ လ္ၚဵုဂှ် တှ်ေ သီုကဵုဍေံကဵုလဝ် လွဟ် နွံမံင်၊ အခေါင်ပူဂဵုတၟေင်လေဝ် ဍေံကဵုလဝ်တှ်ေ မၞိဟ်တအ်ဂှ် ဗီုလဵုဟီုဟီုရ ဍုဟ်လေဝ် ဒး ဆာန်ဂှ်ရ” ဂကောံဒပ်မင်ကင်ကွာန်ဂှ် ဆက်ဟီုထ္ၜးရ။

မွဲကာလကမ္မယှေန်ပၞာန်တအ် သၠုင်ပတိုန်အသိင်ပရေင်ဍုင်ကွာန် ပရေင်ပၞာန်တုဲဂှ် မွဲလ္ပာ်ဂှ် ကရေပ်ဂရတ်ဂၠိုင်တိုန်၊ မွဲလ္ပာ်ဂှ် စန်ဒက် ညံင်ဂွံပံင်တောဲကၠောန်ကမၠောန် မွဲကရောံကုကမ္မယှေန်ပၞာန်တအ်တုဲ ပံက်ကဵုကၠုင်အခေါင်အရာ ပရေင်ပူဂဵု ကိစ္စဗလးကဵုအခေါင် နူဒးကေတ်တာလျိုင်ယိုက်ဂၠေင်ပၞာန်ဂှ်ကီု၊ ကဵုအခေါင်ဍိုက်သုင်စောဲကွဳစက်ယာန် လိုင်ဇြေန်ဟွံမွဲဂှ်ကီု နွံကၠုင်ရ။

နကဵုညးဍုင်ကွာန်တအ် ညံင်ဂွံလုပ်ဗ္ဒဗ္ဒာဲပံင်တောဲကၠုင်ကဵု ကမ္မယှေန်ပၞာန်တအ်ဂှ် ပံက်ကၠုင်ဂကောံသွက်ဂွံပံင်တောဲ ကၠောန်ကမၠောန် သၟဝ်လစှ်ေကမ္မယှေန်ပၞာန် သွက်ဂွံဗတိုက်သရိုဟ် ဂကောံပၠန်ဂတးတအ် ဂၠိုင်ကဵုဂကောံတုဲ မၞိဟ်ပါ လုပ်ဗ္ဒဗ္ဒာဲပံင်တောဲတအ်ဂှ် ကၠောန်ကဵုတၞးလိက်ထံက်ဂလာန်၊ တၞးကာဒ်စၟတ်သမ္တီတၟေင်တုဲ ဗလးကဵုအခေါင် ဒးကေတ် တာလျိုင်လုပ်သ္ပပၞာန်ကီု၊ ကဵုအခေါင်ဍိုက်သုင်စောဲကွဳစက်ယာန် လိုင်ဇြေန်ဟွံမွဲကီု၊ အခေါင်ပူဂဵုတၟေင် နာနာသာ်ဂှ် ကဵု ကၠုင်အခေါင်အရာတုဲ ညးဍုင်ကွာန်ဓမ္မတာလ္ၚဵုတအ်လေဝ် လုပ်ပံင်တောဲဗ္ဒဗ္ဒာဲမွဲကရောံကုကမ္မယှေန်ပၞာန် နွံကၠုင်မံင် ရောင် ဂွံတီကေတ်ရ။ 

Written by

Related Posts

သၞေဟ်ကင်တတ်ပယျဵု မန်ကဵု ကရေင် ဗမံက်ကွာန်အၜေတ်ဂှ် ကြဴနူဂရတ်ပတေင်ပ္တိုန် ပရေင်စၟဳစၟတ်တုဲ ညးဒေသ တအ် ဒှ်ခက်ခုဲဂၠိုင်

သၞေဟ်ကင်တတ်ပယျဵု မန်ကဵု ကရေင် ဗမံက်ကွာန်အၜေတ်ဂှ် ကြဴနူဂရတ်ပတေင်ပ္တိုန် ပရေင်စၟဳစၟတ်တုဲ ညးဒေသ တအ် ဒှ်ခက်ခုဲဂၠိုင်

သၞေဟ်ကင် သွက်ဂွံတတ်ပယျဵု တွဵုရးဍုင်မန် ကဵု ကရေင် ပါင်ဒပ်အမၠံက် ၃၀၈ မၞုံဗမံက်ကွာန်အၜေတ် ပွိုင်ဍုင်မုဟ်ဍုင်ဂှ် ကြဴနူပတေင်ဂရတ်ပတိုန်လဝ် ပရေင်အာကၠုင်တုဲ ညးအာတရဴတအ် ဒှ်ခက်ခုဲတၟာဂလိုင်ရောင် ညးဒေသတအ် ဟီုရ။

လိုက်ဝှ်ဏံ ၚုဟ်ထၜိုတ်သွက်ဂွံတိုန် အကာဲအရာနွံအောန် တၠကမၠောန်သွံရာန်ထၜိုတ်တအ် ဟီု

လိုက်ဝှ်ဏံ ၚုဟ်ထၜိုတ်သွက်ဂွံတိုန် အကာဲအရာနွံအောန် တၠကမၠောန်သွံရာန်ထၜိုတ်တအ် ဟီု

နူကဵုအခိင်လၟုဟ်ဏံ ၚုဟ်ထၜိုတ်ဂှ် နွံမံင်အတိုင်တြေံဖိုဟ်တုဲ အခိင်လိုက်ဝှ်တိကှ်တေံလေဝ် ၚုဟ်ထၜိုတ် သွက်ဂွံတိုန်ဂှ် အကာဲအရာနွံအောန်ရောင် တၠကမၠောန် သွံရာန်ထၜိုတ်လ္ၚဵုတအ် ဟီုရ။

ပေါဲရုဲမာဲဒေသဍုၚ်မန် ဒကုတ်သှ်ေဂှ် ရံၚ်အကာဲအရာပၞာန်တုဲမှ ဆက်ကၠောန်အာဒှ်မာန်

ပေါဲရုဲမာဲဒေသဍုၚ်မန် ဒကုတ်သှ်ေဂှ် ရံၚ်အကာဲအရာပၞာန်တုဲမှ ဆက်ကၠောန်အာဒှ်မာန်

ပေါဲရုဲမာဲ အလန်ပထမ ဒကုတ် (၁) ဂှ်ဝွံ ပ္ဍဲတွဵုရးဍုၚ်မန် လ္ပာ်လတူ (၅) ပွိုၚ်ဍုၚ်ဂှ် သွက်ဂွံကၠောန်ဗဒှ်အာကၠာတုဲ သှ်ေ (၅) ပွိုၚ်ဍုၚ်ဂှ် ရံၚ်အကာဲအရာပၞာန်တုဲမှ ဆက်ကၠောန်အာပၠန် ဒှ်မာန်ရောၚ် ညးအခါတ်ကာဲပရေၚ်ဍုၚ်ကွာန်မန်မွဲတၠ ဟီုရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.