ဗော်ဍုင်မန်တၟိ(ဗ္တိုက်သရိုဟ်တၠအဝဵုပၞါန်)/ဒပ်မန်ရာမည (NMSP-AD/RMA) သ္ကိုပ်သ္ကပံက်ဗ္တောန်ကၠုင် ဘာကွတ်ပၞာန်တၟေၚ် (CQB)လၟေၚ်(၁)တုဲ ကၠောန်ဗဒှ်ဏာလဝ် အသေအဟာန် ဖျေံဘာ ပ္ဍဲစၟတ်တ္ၚဲ ၃၁ ဂိတုအဝ်ဂေတ် သၞာံ၂၀၂၅ ဒၞဲါတိဍာ်ဗၠးၜးမွဲဒၞာဲရ။

ပ္ဍဲအသေအဟာန်ဖျေံဘာဂှ် နူကဵု ညးတာလျိုင် (NMSP-AD/RMA) ကဆံၚ်ၚ်တအ်ကီု၊ အ္စာတန်ဗ္တောန်တအ်ကီု သီုကဵု ညးဍုၚ်ကွာန်ဆာန်ဂကူဂမၠိုၚ်တအ် တိုန်စိုပ် ကဵုလဝ်ဇြဟတ်နွံရ။

ပ္ဍဲအသေအဟာန်ဂှ် ဒုညးဂအုပ်က္ဍိုက်ပ်ဒပ်ပၞာန်(၁) သ္ကိုပ်ဗိုလ်ဇၞော်သဵုဝေန်၊ ဒုညးဂအုပ်က္ဍိုက်ပ်ဒပ်ပၞာန် (၂) သ္ကိုပ်ဗိုလ်ဇၞော် ကျဳဇြာန် ကေုာံ ကမ္မတဳပရေၚ်ဍုၚ်ကွာန်ပရေၚ်ပၞာန် နာဲသူရဌေတအ် ဟီုဂလာန်ဗ္ကန်ကု ကွးဘာ စှေ်ဘာတအ် နွံရ။

နအစဳအဇန်လက္ကရဴအိုတ်ဂှ် သ္ဂံၚ်စှ်ေဘာတအ် ပ္ဍဲမွဲဒမြိပ်တန်ဗ္တောန်ဏအ် ပ္တိတ်ကၠုၚ်လဝ်ဇဲ ဝဳရိယ တတ်ကၠောံကၠုၚ်အခက်အခုဲတာဒၞာနာနာသာ်တုဲ သွက်ဂွံထ္ၜးစရာဲကွတ်ပၞာန်ဂှ် ကၠောန်ထ္ၜးဏာ ဗီုပြၚ်ကွတ်ပၞာန် ပ္ဍဲအသေအဟာန် ဖျေံဘာဂှ်နွံရ။