ပ္ဍဲသ္ကုတ်ရေဝ်သၟဝ်ကျာ ဒပ်ကမ္မယှေန်ပၞာန် ထပ်ဗပေင်ဇြဟတ်၊ ပရေင်ပၞာန်ၜါလ္ပာ် ကြံင်မ္ၚိုဟ်ဒၟံင်

by | Mar 27, 2026 | ပရိုၚ် | 0 comments

ပ္ဍဲလ္ပာ်ကွာန် သ္ကုတ်ရေဝ်သၟဝ်ကျာ၊ ပွိုင်ဍုင်ရေဝ်၊ တွဵုရးဍုင်မန်ဂှ်ဝွံ ဒပ်ကမ္မယှေန်ပၞာန်တံ ထပ်ဗပေင်ကၠုင်ဇြဟတ်ဂှ်ရ ပရေင်ပၞာန်ကြံင်မ္ၚိုဟ်ဒၟံင်ကဵု ဂကောံဒပ်ပၠန်ဂတးတံရောင် အတိုင်ဂကောံဒပ်ပၠန်ဂတးကဵု တမ်ရိုဟ်ပရိုင်ဒေသတံ ဟီုဂးလဝ်ဂှ် ဂွံတီကေတ်ရ။

ကရောင်ပၞာန်ကမ္မယှေန်ပၞာန် ဇြဟတ်ၜိုတ် (၁၅၀) မထ္ပက်ကၠုင်လဝ်ကရောင်ပၞာန် အပ္ဍဲဂိတုဖေဖဝ်ဝါရဳတုဲကၠုင်ဂှ်ဝွံ စဵုကဵုပွိုင်မွဲဂိတုပြင်ဏံ ဟွံက္လေင်ဆုတ်တိတ်အာမွဲသာ်တုဲ သၟာင်နူကေတ်လဝ်ဒၞာဲ ပ္ဍဲပွဳဗွိုင်ဗဒဲါကွာန်အံင်တာယာ၊ သ္ကုတ်ရေဝ်သၟဝ်ကျာဂှ်မ္ဂး ထပ်ဗပေင်ဒၟံင်ဇြဟတ်လေဝ်နွံရ။

“စဵုကဵုလၟုဟ် ကရောင်ပၞာန်နွံမံင်ဖိုဟ်။ ဇြဟတ်ၜိုတ် (၁၅၀) နွံရ။ တုဲတှ်ေ ဍေံတံ ထပ်ဗပေင်လဝ်ဇြဟတ်နွံရ။ အကြာပွဳဗွိုင်ဗဒဲါကွာန်ဟေင် ဆက်ချဳဓရာင်မံင်ရ။ အကာဲအရာပၞာန်လေဝ် ကြံင်မ္ၚိုဟ်မံင်ဖိုဟ်” သာ်ဝွံ ညးမၞုံအခေါင်ဟီုဂး ဒပ်ပၠန်ဂတးဍုင်မန် (MSRF) မိတၠညာဏ် ဟီုရ။

ပ္ဍဲပွဳဗွိုင်ဗဒဲါကွာန်ကၠအ်လိမဴ ကေုာံ အံင်တာယာ ကရောင်ပၞာန်ကမ္မယှေန်ပၞာန် ကေတ်လဝ်ဒၞာဲဂှ်ဝွံ အပ္ဍဲဂိတုမာတ်ဏံ ကတဵုဒှ်အာပေဲါဗ္တိုက်ၜါလ္ပာ် ဟွံအောန်နူ (၅) ဝါနွံရ။

ဂိတုမာတ် စၟတ် (၁၉၊ ၂၀၊ ၂၁) တုဲကၠုင်ဏံဂှ်လေဝ် ကရောင်ပၞာန်ကမ္မယှေန်ပၞာန်ဂှ် ဒပ်ပံင်ကောံကောဒေံဒရုင် မန် – တၞင်သဳ ကေုာံ ဂကောံဒပ်ပံင်ကောံမဟာမိတ်ပၠန်ဂတးတံ ပန်ဗ္တိုက်ထောံဖျေံဗမ်ကုဒရုင် ဗဒဲါ (၂၀) မရ။

“ဍေံတံ ထ္ပက်မံင်ကရောင်ပၞာန်ဂှ် ၜိုတ်မွဲဂိတုနွံကၠုင်ရ။ ဆဂး ကရောင်ပၞာန်ဍေံတံဂှ် မံက်အာ ကၠေံအာ ဒှ်မံင်ဗီုဂှ်ရ။ ဨဇှ်တှ်ေ အခိင်ဍေံတံမံက်ကၠုင်ဂှ်တှ်ေ ဂကောံဒပ်ပၠန်ဂတးတံ ဗ္တိုက်ထောံဖျေံဗမ်ကဵုဒရုင်ရ။ ချဳဓရာင်မံင် ပရေင်ပၞာန်ဗီုဂှ်နွံ” သာ်ဝွံ မိတၠညာဏ် ဆက်ဟီုလဝ်ရ။

အပ္ဍဲကဵုပေဲါဗ္တိုက်ၜါလ္ပာ် ကတဵုဒှ်ဒၟံင် သ္ကုတ်ရေဝ်သၟဝ်ကျာဂှ်ဝွံ လ္ပာ်ဒပ်ကမ္မယှေန်ပၞာန်တံ ဒးဘဲဇီုကပိုက်ချိုတ်ဂျိုင်ဂၠိုင်တုဲ လ္ပာ်ဂကောံဒပ်ပၠန်ဂးတံလေဝ် ဒးဘဲဇီုကပိုက်နွံမံင်ကီုရောင် ဂွံတီကေတ် နူတမ်ရိုဟ်ပရိုင်အပ္ဍဲဒေသရ။

အဃောဒပ်ကမ္မယှေန်ပၞာန်တံ ထ္ပက်ကရောင်ပၞာန်ဂှ်မ္ဂး ပွမဘပဠ၊ ရပ်သီ ဖုင် ကေုာံ သြန် ညးဒေသ ကၠောန်ဒၟံင်ကၠအ်ဂူတံနွံရ။

ဟိုတ်နူထ္ပက်ကရောင်ပၞာန်ကဵု ပေဲါဗ္တိုက်ၜါလ္ပာ် ကတဵုဒှ်မံင်ဂှ်ရ ညးဒေသတံ သွက်ဂွံအာ ကၠအ်ဂူဂှ် ဒးဆဵုဂဗခက်ခုဲတုဲ ဒးဒေံါဇူလဝ်ကမၠောန်ရဂှ် ညးဒေသတံ ဟီုရ။

ဒပ်ကမ္မယှေန်ပၞာန်တံဝွံ သွက်ဂွံထိင်ဒဝ် သ္ကုတ်ဂၠံင်ဇၞော် စၟတ် (၈) အကြာဇြပ်ဗု-ရေဝ်၊ သ္ကုတ်သၟဝ်ကျာပွိုင်ဍုင်ရေဝ်ဂှ်မ္ဂး ပြုပြေင်ထ္ပက်မံင်ပၞာန် ဗွဲမသ္ကာတ်မြဟ်ဂှ်ရ ကတဵုဒှ်မံင်ပေဲါဗ္တိုက်ကဵု ဂကောံဒပ်ပံင်ကောံမဟာမိတ်ပၠန်ဂတးတံ မွဲနှေံမွဲနှေံရ။

နကဵုညးဍုင်ကွာန် ညးဒေသတံဝွံ အကြာသ္ကုတ်ဂၠံင် ရေဝ် – ဇြပ်ဗုကဵု သ္ကုတ်သၟဝ်ကျာ ပွိုင်ဍုင်ရေဝ်ဂှ် အခိင်ဟွံရုဲ ကတဵုဒှ်ကၠုင်ပေဲါဗ္တိုက်မာန်ဂှ်ရ မံင်စံင်အာကၠုင် နကဵုသတိညိဂှ် လ္ပာ်ဂကောံဒပ်ပၠန်ဂတးတံ ဖတိုက်ဖအောဝ်လဝ်ရ။

Written by

Related Posts

အတိုင်သၞောတ်ရာန်ကၠေင် ကမ္မယှေန်ပၞာန် ပတိတ်လဝ်တၟိဏံမ္ဂး ကွဳစက်၊ ကွဳလိုန်ဓာတ် လိုင်ဇြေန်ဟွံမွဲတအ် သွက်ဂွံဒှ်ခက်ခုဲနွံ

အတိုင်သၞောတ်ရာန်ကၠေင် ကမ္မယှေန်ပၞာန် ပတိတ်လဝ်တၟိဏံမ္ဂး ကွဳစက်၊ ကွဳလိုန်ဓာတ် လိုင်ဇြေန်ဟွံမွဲတအ် သွက်ဂွံဒှ်ခက်ခုဲနွံ

အတိုင်ဌာနဝန်ဇၞော်ဇြဟတ် (စွမ်းအၚ်ဝန်ကြီးဌာန) ကမ္မယှေန်ပၞာန်တအ် ပ္တိတ်လဝ်သၞောတ်ရာန် ကၠေင်တၟိဏံမ္ဂး ကွဳစက်၊ ကွဳလိုန်ဓာတ် လိုင်ဇြေန်ဟွံမွဲတအ် သွက်ဂွံဒှ်ခက်ခုဲကဵု ကၠေင်နွံမာန်ရောင် တၠကွဳစက်၊ တၠကွဳလိုန်ဓာတ်တအ် ဟီုရ။ ဗီုကဵုဒေသဍုင်မန်၊ ကရေင်မ္ဂး ဗွဲမဂၠိုင်ဂှ်...

ပ္ဍဲသတ္တဟဏအ် ကောန်ဍုင်မန်ဗၟာ ဒးဒုင်ပလံင်ဏာ လ္ပါ်ကအ်သံင်တေံ (၈၈) တၠ

ပ္ဍဲသတ္တဟဏအ် ကောန်ဍုင်မန်ဗၟာ ဒးဒုင်ပလံင်ဏာ လ္ပါ်ကအ်သံင်တေံ (၈၈) တၠ

ပ္ဍဲကၟိန်ဍုင်သေံ ခရိုင်ရနံင်ဂှ်ဝွံ စနူဂိတုမာတ် စၟတ်တ္ၚဲ (၂၂) စဵုစိုပ် (၂၆) ဏအ် ကောန်ဍုင်မန်ဗၟာ ဒးဒုင်ရပ်ထိင်တုဲ ဒုဟ်ပြေအာတံဂှ် ကလေင်ပလံင်ဏာ ဇရေင်ကၟိန်ဍုင်ဗၟာ လ္ပါ်ကဵုကအ်သံင်တေံ နွံလၟိဟ် (၈၈) တၠယျရောင် ဂွံတီကေတ်ရ။ ပ္ဍဲကဵုပလံင်ဏာလဝ် ကောန်ဍုင်မန်ဗၟာ (၈၈) တၠဂှ်ဝွံ...

ပ္ဍဲဒပ်ပၞာန်ဗၟာဂှ် သွက်ဂွံပြံင်သၠာဲ ညးအာက္ဍိုပ်နွံ ဒုက္ဍိုပ်သ္ကိုပ်ပၞာန် သဵုဝေန် ဟီု

ပ္ဍဲဒပ်ပၞာန်ဗၟာဂှ် သွက်ဂွံပြံင်သၠာဲ ညးအာက္ဍိုပ်နွံ ဒုက္ဍိုပ်သ္ကိုပ်ပၞာန် သဵုဝေန် ဟီု

ကၠောန်သ္ပတ္ရဲဒပ်ပၞာန်ဗၟာ ပေင် (၈၁) သၞာံတုဲမ္ဂး သွက်ဂွံပြံင်သၠာဲ အခန်ညးအာက္ဍိုပ် ပ္ဍဲဒပ်ပၞာန်နွံဏောင် ဂိတုမာတ် စၟတ်တ္ရဲ (၂၆) အခိင်လ္ဒောဝ်တ္ရဲဂှ် ကၠောန်ကေင်ကာမ္ရဵုသ္ပဂါရဝညးဇမၞော်ပၞာန်တြေံဂမၠိုင်တုဲ ဒုသ္ကိုပ်ပၞာန် သဵုဝေန် ဟီုပ္တိတ်လဝ်ရ။ ပ္ဍဲကဵုအခန်ကၞာ သ္ပဂါရဝဂှ်...