ပ္ဍဲကဵုအခိၚ်ကာလပေဲါရုဲမာဲ နူကဵုဂိတုနဝ်ဝေမ်ဗာ ရ စဵုကဵု ၉ ပွိုၚ် (၃) တ္ၚဲဂှ် ရန်ကဵုညးဍုၚ်ကွာန်တံ ဂွံစုတ်မာဲ ဗွဲမသၠးပွးမာန်တုဲ သၞောဝ်ဖျေံလဝ် စပ်ကဵုယဲကပ်ဂှ် သၠးကဵုအခေါၚ်အာတရဴရောၚ် နကဵုကမ္မတဳစဵုဒၞာဲယဲကပ်ကဝ်ဝေဒ် (ဗဟဵု) ပတိတ်လဝ် လိက်စၞောန်မွဲရောၚ် ဂွံတီကေတ်ရ။
ပ္ဍဲဒေသဗော်ဍုၚ်မန်တၟိ သြဇာတဴတအ်ဂှ် ရန်တၟံကဵု ဂွံစဵုဒၞာဲယဲကပ်ကဝ်ဝေဒ်-၁၉တုဲ ဖျေံလဝ်သၞောဝ်သၞောဝ် လ္တူကွဳစက်၊ ကွဳစက်ဖ္ဍိုက်မၞိဟ် ကေုာံ ညးကွာ်တရဴတံ တတ်ကၠောံအာကၠုၚ်မွဲကွာန်ကဵုမွဲကွာန်နွံကၠုၚ်လဝ်ရောၚ်။
ပ္ဍဲကဵုတိဍာ်ဗော်ဍုၚ်မန်တၟိ သြဇာတဴတံဂှ် ကွဳစက်ဓရိပ်လာၚ်တံဂှ် မွဲဖ္ဍိုက်မ္ဂး ဂၠိုၚ်အိုတ်မၞိဟ် (၅) တၠကဵု ကွဳလိုန်ဓာတ် (၂) တၠဟေၚ် ကဵုအခေါၚ်အာကၠုၚ် နကဵုလိက်ထံက်ဂလာန်အုပ်ဓုပ်ကွာန်တံရောၚ် ပ္ဍဲကဵုဂိတုသေပ်တေမ်ဗာ (၁၁) ဂှ် ပတိတ်ကၠုၚ်လဝ်လိက်နွံရ။
မွဲသာ်ပၠန်ဂှ် သွက်ရဲစန်ဒက်မာဲ ညးစၞးအလံၚ်အမာတ်တံဂှ် ကိုပ်ကၠာတေံ မၞိဟ်ပ္ဍဲကဵုဒေသတံဂှ်ဟေၚ် ကဵုအခေါၚ်စန်ဒက်မာဲ ပ္ဍဲကဵုပွိုၚ်ဍုၚ်လှာဒကှ်တုဲ ဗွဲကြဴဏံ သၟာပရေၚ်ဍုၚ်ကွာန်တံဂှ် အတိုၚ်သၞောဝ်ပရေၚ်ထတ်ယုက်ဂှ် စန်ဒက်မာဲ ဗွဲမသၠးပွးမာန်ရောၚ် ကလေၚ်ပ္တိတ်လဝ်လိက်နွံရောၚ် ဂွံတီကေတ်ရ။
