မှာဇန်ညးဍုၚ်ကွာန်တံ ရီုဗၚ်ထံက်ပၚ် ကုညးဒးဒုၚ်ဘဲသ္ၚိတူပၟတ် ဒၞာဲကွာန်သၞေဟ်ဗ္ဒဝ်

by ဌာန်ပရိုၚ်ဗၠးၜးမန် | Jan 10, 2015 | ပရိုၚ် | 0 comments

ဟိုတ်နူသ္ၚိတူအာပၟတ်တုဲ မၞိဟ်သှေ်မံၚ်တံ ဂွံမံၚ်စံၚ်တန်တဴအာမာန်ဂှ် မှာဇန်ညးဍုၚ်ကွာန်တံ ကဵုမံၚ်အရီုဗၚ်ထံက်ပၚ် ကပေါတ်နာနာ သီုကဵုသြန် ဗၞတ်ထေက်ကြိုက်နွံရောၚ် သာ်ဝွံ ဥက္ကဌ ဂကောံသၟတ်ကွာန်သၞေဟ်ဗ္ဒဝ် နာဲနာၚ် ဟီုကဵုဌာန်ပရိုၚ်ဗၠးၜးမန် (IMNA) ရ။

ဂိတုဂျာန်နဝါရဳ ၃ အခိၚ်ဗ္တံ ၜိုတ် ရ နာဍဳ ပြၚ်ၚ်ဂှ် ဟိုတ်နူပၟတ်ၜံက် ပြဟ်စှေ်အာလ္တူဖုန်ဂှ် ကၠောံအာသီုသ္ၚိတုဲ ဒၞာဲကွာန်သၞေဟ်ဗ္ဒဝ် အရာပ်ပလိုတ် သ္ၚိတူအာပၟတ် ၜိုတ် ၁၂ မ ဂွံတီကေတ်ရ။

နာဲနာၚ် ဂှ်＂ပိုယ်တံဂှ်တှေ် တၠဒါန်နူတၞဟ်ဟ်တံကၠုၚ်မ္ဂး ပိုယ်တံဘိုၚ်ရေၚ်တၠုၚ်ကဵုညးတံ၊ လၟုဟ်ပြဟ်ဟ်ဏံ သွက်မၞိဟ်သ္ၚိဟွံမွဲတံဂှ် ပိုယ်တံ တက်လဝ်ကဵုသ္ၚိတာဲ၊ တော်ကဵုအလန်ကၠာကၠတေံတှေ် လၟုဟ်မၞိဟ်ကဵုဒါန်ဂၠိုၚ်ကၠုၚ်လေဝ်၊ မၞိဟ်မွဲဒှ်ဒဒိုက် ကောန်ဂကူဇကုဒှ်ဒဒိုက်တှေ် ဘိုၚ်ရီုဗၚ်ထံက်ပၚ်ကဵုညိ＂သာ်ဝွံ ညးဟီုရ။

ပ္ဍဲအရာဏံဂှ်တှေ် နူတဏေံတေံ ဂကောံသၚ်သၟတ်အနာဂတ်မန် ကၠုၚ်ကဵုဒါန် ထံက်ပၚ်သြန်၊ လၟုဟ်ပြဟ်ဟ်ဏံ ဂကောံကၠုၚ်ကဵု လဝ်စရၚ်ဂှ်တှေ် ဂကောံမိစဴဗု ညးတံကဵုဒါန်သ္ၚုဏောၚ်၊ ဂကောံပွိုၚ်ဍုၚ်တေံလေဝ် ညးတံ ကဵုဒါန်ဂၠိက်ယာတ် ထၟာဲပုၚ် သြန်တံဏောၚ်၊ တော်ကဵုကၠာကၠာ တေံတှေ် လၟုဟ်ဂှ် မၞိဟ်ဒှ်ဓဝ်ဆာန်ဍူတံဂၠိုၚ်ကၠုၚ်၊ တၠဒါန်တံ ဂၠိုၚ်တိုန်ရဂှ် နာဲနာၚ် ဆက်ဟီုရ။

နူကဵုဂကောံကၠုၚ်ကဵုဒါန် ကုညးဒှ်ဒဒိုက်သ္ၚိတူပၟတ် ဂကောံသၚ်သၟတ်မန်မွဲဇကု တၠဂုဏ်ချေတ်ဂှ်＂ဂကောံသၚ်သၟတ် အနာဂတ်မန်ပိုယ်တံကီု၊ သီုပူဂိုလ်လေဝ်ပါ ၜိုတ်ထေက်ကြိုက် ၜိုတ်ပိုယ်ရီုဗၚ်မာန်ဂှ် ပိုယ်ရီုဗၚ်ကဵု၊ ဆဂး မၞိဟ်တၠဒါန်တံ အောန်မံၚ်ဏီ၊ ပိုယ်တံဂှ်တှေ် မိက်ဂွံဆဝ်မ္ၚုဟ်ကဵု ညးတၠဒါန်တံလေဝ်၊ ပိုယ်မိက်ဂွံဟီုဂှ် လ္ပရုဲဂကူ လ္ပရုဲဒကာညိ၊ မၞိဟ်မွဲဒှ်ဒဒိုက်တှေ် ဒးရီုဗၚ်ထေက်ဏောၚ်＂ သာ်ဝွံ မြော်ဟီုရ။

ဒြပ်ရတ်လေၚ်အာတံဂှ် တော်ကဵုဗွဲယေဘုယျတှေ် ၜိုတ် အကြာ ၅ လ္ၚီကိုဋ်ကဵု ၆ လ္ၚီကိုဋ်ဒှ်ဏောၚ်၊ ညးတံဂှ် ဒှ်မံၚ်မၞိဟ်ဇၞော်ဇၞော်ဖအိုတ်တှေ် အာယုက်လေဝ် ၅၀ လ္ပာ်လ္တူသၟးဂၠိုၚ်၊ တော်ကဵုအကာဲ အရာတ္ၚဲဏံ ကၠောန်ကေတ်တၟိလေဝ် ဂွံစိုပ်သၞောတ်တြေံဂှ် ဍေံဟွံဒှ်၊ ၜိုတ်ပမာန်ကဵုမာန် ဒးဘိုၚ်ရီုဗၚ်ထေက်ဏောၚ်ဂှ် ကျာ်ဇၞော်အ္စာဆက်မြော်ဟီုရ။

နူဂိတုတုဲဒဳဇြေမ်ဗာ ၃၀၊ သၞာံ ၂၀၁၄ လောန်ကၠုၚ်ဏံ လ္တူဍုၚ်မတ်မလီု အရာပ်ဇြေဂျဵုဂှ် ဆေၚ်ကၠေၚ် KS ကေၚ်တူလဝ်ပၟတ်နွံတုဲ လၟုဟ်ဒၞာဲကွာန်သၞေဟ်ဗ္ဒဝ် ပွိုၚ်ဍုၚ်မုဟ်ဍုၚ်ဏံ သ္ၚိကလေၚ်တူအာ ၁၂ မပၠန်ရောၚ် ဂွံတီကေတ်ရ။

← စၟဳစၟတ်မံၚ် ဂကောံရပ်လွဟ် လုပ်ပၠံၚ်ဗတိုက်လဝ်သ္ၚိလ္တူဍုၚ်မတ်မလီု ကမ္မတဳတ္ၚဲကောန်ဂကူဗဟဵု ဟွံဒုၚ်တဲသြန်အထံက်ပၚ် ကာန်ပဏဳ Toyo Thai →

Written by

နူကဵုတ္ရဲသၟတ်မန် (၁၃)ဝါဏံ ဗဒှ်ပတိုန်ဇြဟတ်သၟတ် သွက်ဂွံဇက်တိုန်ဍုင်မန်

by ဌာန်ပရိုၚ်ဗၠးၜးမန် | Dec 27, 2024 | ပရိုၚ်

တ္ၚဲသၟတ်မန်ဝွံ သ္ပအစာံကဵုသၟတ်ခေတ်တၟိကၠောန်ဗဒှ်ကၠုင် ကောံဓရီုလၟေင်ကၠာအိုတ် ပ္ဍဲကျာ်သုက် ဍုၚ်မတ်မလီု သၞာံ (၁၉၄၆) ဂိတုဒဳဇြေမ်ဗာ (၂၈) သွက်ဂွံဒစးဒုင်ဂၠာဲဂၠံင်ကောန်ဂကူ သွက်ဂွံဗၠးၜး၊ နကဵုဂၠံင်တရဴပေါဲဗတိုက်ရပ်လွဟ် သၟဝ်တၠအဝဵု (ပဆပလ)တုဲ ပ္ဍဲပေါဲသၠာဲဂတးလညာတ်သၟတ်မန် အလန်တတိယ ပ္ဍဲသၞာံ ၂၀၁၂၊ ဂိတုအေဗရေဝ် (၂၁) စဵုစိုပ် (၂၄) ဗၞတ် (၃) တ္ရဲ ဒၞာဲကွာန်ဝါဗိုင် ပွိုင်ဍုင်ရေဝ်သၠုင်ကျာဂှ် သ္ပကၠုင်ဒတန် တ္ရဲသၟတ်မန် ရ။

ဗော်ပရေင်ဍုင်ကွာန် မလုပ်ပေါဲရုဲမာဲတၠအဝဵုပၞာန်ကၠောန်ဂှ် တုပ်သၟဟ်ကဵုပၠောပ်လမျီုကၠချိုတ်တ်

by ဌာန်ပရိုၚ်ဗၠးၜးမန် | Dec 26, 2024 | ပရိုၚ်

ကၠာအိုတ်ဂှ် ဂရိခေတ်တြေံ၊ ရဝ်မခေတ်တြေံ စိုပ်ကၠုင်ခေတ်လဒေါဝ်ဂှ် ဨကရာဇ်ရဝ်မ ကေုာံ သွက်သ္ဂောံရုဲစှ်ပတိုန် က္ဍိုပ်သ္ကိုပ် စပ်ကဵုပရေင်အုပ်ဓုပ် ညံင်ရဴသၟိင်လကျာ်ပုက် (သၟိင်လကျာ်ခရေတ်) စသုင်စောဲကၠုင် ပေါဲရုဲမာဲရ။ သ္အာင်နူဂှ် အိန္ဒိယျခေတ်တြေံ က္ဍိုပ်သ္ကိုပ် ပရေင်ဘာသာ မောတ်သလေန်ဂမၠိုင်ကီု၊ အောတ်မန် ကေုာံ အလဳ၊ က္ဍိုပ်သ္ကိုပ်ဘာသာ ရာယှဳဒေါန်ဂမၠိုင် ပ္ဍဲအရာပရေင်အုပ်ဓုပ်မ္ဂး ဂါနတံ ရုဲစှ်ရာဇာကီု၊ အခိင်ခေတ်လဒေါဝ်စတမ်တေံ ရုဲစှ်ဨကရာဇ်ပါလ ဂိုဝ်ပါလ ပ္ဍဲကဵုဗေန်ဂဝ် စသုင်စောဲကၠုင်လဝ် ပရေင်ရုဲစှ်မာဲ ဂွံဆဵုကေတ်ဝင်ရ။

0 Comments

Submit a Comment Cancel reply

This site uses Akismet to reduce spam. Learn how your comment data is processed.