ဆန္ဒပရေၚ်ညဳသၟဟ်ဟွံမွဲမ္ဂး ဗော်မန်တံ သှေ်အာမာန်ရောၚ် သဘာပတိ MAU ဗွိုၚ်အပ္ဍဲဍုၚ် ဟီု

by ဌာန်ပရိုၚ်ဗၠးၜးမန် | Mar 30, 2016 | ပရိုၚ် | 0 comments

တုဲကၠုၚ်ကောံဓရီုဒစးဒုၚ်ကောံဓရီုဇၞော်ပရေၚ်ဂကူမန် ပ္ဍဲကဵုဍုၚ်မတ်မလီုဂှ် ဗော်ပရေၚ်ပရေၚ်ဍုၚ်ကွာန်မန် (အပ္ဍဲဍုၚ်) သီုပိဗော်ဂှ် ဟွံတိုန်စိုပ်တုဲ ဆန္ဒပရေၚ်ညဳသၟဟ်ဟွံမွဲမ္ဂး ဗော်မန်တံ သှေ်အာမာန်ရောၚ် သဘာ ပတိ ဂကောံပံၚ်ကောံပရေၚ်ဂကူမန် (MAU) ဗွိုၚ်အပ္ဍဲဍုၚ် နာဲဗညာဂ္ဇံ ဟီုရ။

“သဳကၠဳကောံဓရီုပရေၚ်ညဳသၟဟ်ဂကူမန်ရ ဗော်ပရေၚ်ဍုၚ်ကွာန်တံဆန္ဒပရေၚ်ညဳသၟဟ်ဂကူဟွံမွဲတှေ် ခမဳ သၚ်ညးဍုၚ်ကွာန်တံညာတ်အာလ္တူဗော်တံမွဲဗီုမာန်ရောၚ်၊ ညးတံဟွံစှေ်စိုတ်ကဵုရဲကၠောန်တံမုဟွံဒှ်ပုဟ်၊ ညးတံဟွံပကာကဵု ခမဳသၚ် ညးဍုၚ်ကွာန်မဟာဇန်တံဒှ်အာသာ်ဂှ်မာန်ဏောၚ်” သာ်ဏံ သဘာပတိ (MAU) ဂှ် ဟီုထ္ၜးရ။

တုဲကၠုၚ်ကောံဓရီုဒစးဒုၚ်ကောံဓရီုဇၞော်ပရေၚ်ဂကူမန်ဂှ် ဂကောံခမဳသၚ်၊ ဂကောံမဟာဇန်မန်သွာၚ်စုၚ် ကဵု ပူဂဵုတၠပညာညးမပါလုပ်ထေက်ကီု၊ ဗော်ပရေၚ်ဍုၚ်ကွာန်တံကီု ပံၚ်တောဲတုဲ သွက်ဂွံဒက်ပ္တန်အာဂကောံပၠ တရဴအလုံဂကူမန်မွဲဂှ် သ္ပဏာဒတန်ပ္ဍဲကဵုလိက်စံၚ် ‘ပရေၚ်ညဳသၟဟ်အလုံဂကူမန်’ သွက်ဂွံပ္တိုန်ထ္ၜးအာပ္ဍဲကဵု ကောံဓရီုဇၞော်ပရေၚ်ဂကူမန်တေံရ။

သဘာပတိဂကောံပံၚ်ကောံပရေၚ်ဂကူမန် ဗွိုၚ်အပ္ဋဲဍုၚ် ဃောဟီုမံၚ်ဂလာန်

ဆက်တုဲ သဘာပတိဂကောံပံၚ်ကောံပရေၚ်ဂကူမန် နာဲဗညာဂ္ဇံဂှ် ပ္ဍဲကဵုကောံဓရီုဇၞော်တေံလေဝ် ခမဳသၚ် တံကဵု ညးဍုၚ်ကွာန်မဟာဇန်တံကဵုလဝ်ဒမြိပ်အရေဝ်ဂှ် ဇၟာပ်ဗော်ဂှ်ညံၚ်ဂွံကဵုလိက်ဘိက်ကဵုညးတံကီုတုဲ ဗော်တံတိုန် ဟွံတိုန်ဂှ် တာလျိုၚ်ဗော်တံဏောၚ် ညးဆက်ဟီုထ္ၜးရ။

ပ္ဍဲကဵုကောံဓရီုဒစးဒုၚ်တုဲကၠုၚ်ဂှ် ဥက္ကဌဂကောံရာမညဓမ္မာစာရိယ ကျာ်ဇၞော်အ္စာကြေဝ်ဏာ၊ ဒုဥက္ကဌ ကျာ် ဇၞော်အ္စာ သဳလာစာရ ဘာဗ္ဂောသၟဝ်ဍုၚ်မတ်မလီု၊ ကျာ်ဇၞော်အ္စာ ကေတုမာလာ၊ ကျာ်ဇၞော်အ္စာဘာဒေါဝ် ကွာန်ပြဳ၊ ကျာ်ဇၞော်အ္စာ သဳလဝန္တ ဘာဟံသာထဝ် ဍုၚ်ဇြပ်ဗု သာ်ဝွံ ကျာ်ဇၞော်အ္စာသြဇာပ္ဍဲကောန်ဂကူမန် ဂၠိုၚ်ကဵုဇကုက္ညတိုန်စိုပ်ရ။

‘ပိုဲကၠောန်ကေၚ်ကာမွဲမွဲသာ်တှေ် ပိုဲပပၠုပ်ပ္ဍဲက္ဍဟ်ဗော်တံဂှ်ရ ပရေၚ်ကောန်ဂကူရပိုဲဟီု ပိုဲပမံၚ်ကဵုဗော်တံဂှ် တှေ်မုလေဝ်ကမၠောန်ဟွံဒှ်ပုဟ် လၟုဟ်လေဝ်ပိုဲဟီုအရၚ်ကောန်ဂကူပိုဲဏောဝ် ပ္ဍဲလိက်စံၚ်ပိုဲသဳကၠဳမံၚ်လၟုဟ် ဂှ်တှေ် ပိုဲပညဳမံၚ်ဗော်တံဟွံသေၚ်ပိုဲ အရၚ်ကောန်ဂကူမန်ပိုဲသွက်အနာဂတ်ဗီုလဵုပိုဲဂွံပ္တဝ်ရန်အာ ပိုဲချပ်သဳကၠဳ မံၚ်ဗီုဂှ်’ သာ်ဝွံ ကျာ်ဇၞော်အ္စာ ပညိန္ဒ တၠဋ္ဌာန်ဒၞာဲသ္ပကောံဓရီု ဘာဓါတုမာလာဍုၚ်မတ်မလီု ဂှ်ဟီုမြော်ရ။

ပ္ဍဲကဵုလိက်စံၚ်ပရေၚ်ညဳသၟဟ်အလုံဂကူမန် ဗွိုၚ်ဂကောံခမဳသၚ် ကဵု ဂကောံမဟာဇန်တံချူဓဇက်လဝ်ဂှ် ပ္ဍဲ ကဵုဗွိုၚ်သၞာံ ၂၀၁၆ ဏံဗော်မန်ညံၚ်ဂွံဒှ်မွဲဂှ် သွက်ဂွံဖန်ဇန်ညံၚ်ညးတံဆဵုဂဗအာညးသ္ကံမာန်တုဲ ယဝ်ခါရ ဗော်တံရေၚ်တၠုၚ်ဓမံက်ရုပ်ရဴဟွံမာန်မ္ဂး ခမဳသၚ် ညးဍုၚ်ကွာန်မဟာဇန်တံကော်ကောံဓရီုဇၞော်မွဲတုဲ ဆက် ကမၠောန်ဒတုဲဖဵုသွက်ဂကူမန်ဂှ် ဆက်ရေၚ်တၠုၚ်ဓမံက်အာရုပ်ရဴရောၚ် သ္ပဏာဒတန်ပ္ဍဲလိက်စံၚ်ဂှ်ရ။

← ဂကောံရပ်လွဟ်ကောန်ဍုၚ်အရၚ်တံ ပံၚ်ကောံစဵုဒၞါအာ ပဋိပက္ခရးသေံသၟဝ်ကျာတေံဏောၚ် နူကောံဓရီု ပါန်ခါန် လလောၚ်တြး ဒေသရေဝ်သမၠုၚ်ကျာ ပရေၚ်ၜိုဟ်လလမ် ဟွံမွဲဏီ →

Written by

ပ္ဍဲအရာလိင်မၞိဟ်သ္ပကောန်ပၞာန်ဗၟာစၞးအရာပ်ကွာန်ဂှ် ဂကောံအုပ်ဓုပ်အရာပ်-ကွာန်လ္ၚဵု ဒးကၠတ်ဗပေင်စုတ်လဝ်ဩန် သွာင်ပရဟိတကွာန်

by ဌာန်ပရိုၚ်ဗၠးၜးမန် | Jul 3, 2025 | ပရိုၚ်

သွက်ဂွံဗပေင်လဝ်ဩန် ဒၞာဲလိင်မၞိဟ်သ္ပကောန်ပၞာန်ဗၟာစၞးအရာပ်-ကွာန်ဂှ် ဂကောံအုပ်ဓုပ်အရာပ်-ကွာန်လ္ၚဵု မ္ဒးကၠတ်ဗ ပေင်စုတ်လဝ်ဩန် သွာင်ပရဟိတကွာန်နွံမံင်ရောင် ညးလုပ်ဂကောံအုပ်ဓုပ်ကွာန် ဒေသဍုင်မန်မွဲတၠ ဟီုလဴ ထ္ၜးရ။

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

by ဌာန်ပရိုၚ်ဗၠးၜးမန် | Jun 30, 2025 | ပရိုၚ်

ပိုဲမၞိဟ်တံမ္ဂးဂှ် ဇၟာပ်ပ်တ္ၚဲ မ္ဒးဆဵုဂဗမံင်ကဵုပြသၞာဂမၠိုင်တုဲ ဇၟာပ်ပ်တ္ၚဲ ပိုဲမၞိဟ်တံ မ္ဒးပသောင်ဒၟံင် ပြသၞာရ။ စပ်ကဵုပသောင်ပြသၞာဂှ် ယဝ်ရစိစောန်မံင်အရာဇဳသာ်မ္ဂး က္လိဂွံဂုဏ်ဖဵု ဗွဲမဂၠိုင်မာန်ရ။ ပြသၞာလ္ၚဵု မဆဵုဂဗလၟုဟ်ဂှ် ကြံင်မ္ၚိုဟ်နူကဵု ပြသၞာကေင်ဆဵုဂဗလဝ် လောန်ကၠုင်တုဲတုဲတေံ ဂၠိုင်ကဵုဆလေဝ်ဒှ်မာန်ရ။ ပြသၞာဂှ် ဗွဲမဂတာပ်တဲ သီုဟွံမွဲကဵုပရေင်ခက်ခုဲ သောင်က္လးမာန်မ္ဂး ဒှ်ညးမၞုံကဵုအစောန်စရာဲခိုဟ်ရ။ ဇၟာပ်ပ်ပြသၞာ နဲသောင်က္လးဍေံ နွံမွဲဗီုဓဝ်ဟွံသေင်ရ။ သွက်သ္ဂောံသောင်က္လးပြသၞာဂှ် ဗီုလဵုပိုဲပလေဝ်ပလေတ်လဝ်နွံနွံ အရာပိုဲဟွံတီလဝ်တံ နွံမံင်လၟိုန်ရ။ ဟိုတ်ဂှ်ရ ပြသၞာညံင်ဟွံဂွံဒှ်ဂှ် မ္ဒးစွံလဝ်သတိလၟိုန်တုဲ ဒှ်ပြသၞာရမ္ဂး မ္ဒးပသောင်ကၠေံ ဍေံပြဟ်ဟ်ရောင်။

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

by ဌာန်ပရိုၚ်ဗၠးၜးမန် | Jun 30, 2025 | ပရိုၚ်

ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

0 Comments

Submit a Comment Cancel reply

This site uses Akismet to reduce spam. Learn how your comment data is processed.