Eng
ဗမာ
ပ္ဍဲကၟိန်ဍုၚ်ဗၟာဝွံ ဟိုတ်နူရုၚ်ကလုတ်ဍုၚ်သၟာၚ်တအ် မွဲဍုၚ်တုဲမွဲဍုၚ် နုက်တိတ်ကၠုၚ်ဒၟံၚ်ဂှ်တုဲ စပ်ကဵုပရေၚ်ရီုဗၚ်မၞိဟ်ကီု ပရေၚ်ရီုဗၚ်ထံက်သွာၚ်နာနာတအ်လေဝ် ဒးဇီုကပိုက်ကၠုၚ်မံၚ်နွံရောၚ် ဂကောံချဳဒရာၚ် ဂွံလဝ်အရီုဗၚ်နူရုၚ်ကလုတ်အမေရိကာန် ပ္ဍဲဍုၚ်မန်မွဲတၠ ဟီုလဴထ္ၜးရ။
တုဲကၠုၚ်ဒဳဇြေမ်ဗာ (၃၁) ဏံဂှ် နူကဵုဌာနဝန်ဇၞော်ပရေၚ်ပိုန်ဒြပ်ကဵု သၠာဲဂတးသွံရာန် လစှေ်နူကမ္မယှေန်ပၞာန်တအ် ပ္တိတ်ကၠုၚ်မူဝါဒ ပရေၚ်ပၠုပ်ယာန်ကွဳစက်ဂှ် ပ္ဍဲသၞာံ (၂၀၂၆) ဏံလေဝ် ၚုဟ်ကွဳစက်သွက်ဂွံစှေ်အာ ဟွံမွဲဏီရောၚ် အကြာရဲသွံရာန် ကွဳစက်တအ် ဟီုမံၚ်အိုတ်ရ။
ပ္ဍဲအကြာကာလပေါဲရုဲမာဲ သကုတ် (၂) သွက်ဂွံကၠောန်ဗဒှ် ပ္ဍဲဂိတုဂျာန်နဝါရဳ (၁၁) ဏံဂှ် လ္ပာ်ဒပ်ပၞာန်ဗၟာတအ်ကီု၊ ဂကောံပၠန်ဂတးတအ်ကီု ချဳဒရာၚ်ကၠုၚ်ပရေၚ်ပၞာန်သီုၜါလ္ပာ်နွံတုဲ ညးဒေသပွိုၚ်ဍုၚ်ရေဝ်တအ် ဒှ်မံၚ်ဂဝိၚ်ဖေက်ဒှ်ပေဲါပၞာန်နွံရောၚ် ညးဍုၚ်ကွာန် လတူဍုၚ်ရေဝ်မွဲတၠ ဟီုရ။