မိက်ဂွံကဵုကောန်ၚာ်ဇကု ဍိုဟ်ကေက်ဇိပ်ဂၠိပ်မ္ဂး ဒးစွံဍေံ ပ္ဍဲဘာထိၚ်ဒဝ်ကောန်ၚာ် ဒၞာဲဟီုအရေဝ်ဘာသာဍေံ(မန်) ရောၚ် ညးတာလျိုၚ်ပရေၚ်ပညာကောန်ဂကူမန် မွဲတၠ ဟီုရ။

လတူဂကောံၜိုဟ်လလမ် (၇) ဂကောံ (7 EAO Alliance) တအ် ပ္တိုန်လဝ်ဂလာန်ဂှ် ကံင်သဳပၞာန်ဟွံသ္ပကာရောင် ကမ္မတဳရေင်တၠုင်ကေင်ကာဗဟဵု ဗော်ညဳသၟဟ်မန်မွဲတၠ ဟီုရ။

ရပ်လွဟ်တုဲ မင်မွဲစဵုဒၞါ လမျီု၊ ပိုန်ဒြပ် ညးဍုင်ကွာန်ဂှ် ဒှ်ပၞာန်ဗဗွဲဓဝ်ရ။ ရပ်လွဟ်တုဲ သ္ပမာန်ပ္ဍဵုပ္ဍိုက် ညးဍုင်ကွာန် ဟွံမွဲကဵုဒုဟ်ဒဏ်ဂှ် ဒှ်ပၞာန်မိစ္ဆာရ။ ရပ်လွဟ်တုဲ မင်မွဲစဵုဒၞါ အလဵုအသဳ ညးဍုင်ကွာန် မရုဲစှ်ပတိုန်လဝ်ဂှ် ဒှ်ပၞာန်ဗဗွဲဓဝ်ရ။ ရပ်လွဟ်တုဲ ရုပ်သီပလီုကၠေံ အဝဵုအလဵုအသဳ မကၠုင်နူဆန္ဒမာဲ ညးဍုင်ကွာန်ဂှ် ဒှ်ပၞာန်မိစ္ဆာရ။ ရပ်လွဟ်တုဲ မင်မွဲစဵုဒၞါ ပယျဵုဒၞက်တိဍာ်ကၟိန်ဍုင် ညံင်ရဴညးဍုင်သ္အာင် ဟွံဂွံၜက်ၜေတ်လုပ် တိဍာ်ကၟိန်ဍုင်ဇကုဂှ် ဒှ်ပၞာန်ဗဗွဲဓဝ်ရ။ ရပ်လွဟ်တုဲ ကၟာတ်လဒဵု အခေါင်အရာမၞိဟ် အခေါင်အရာကောန်ဂကူ ကောန်ဍုင်အရင်တံဂှ် ဒှ်ပၞာန်မိစ္ဆာရ။