ပ္ဍဲမွဲဒမြိပ်ဂၠံင်ဇၞော် ပွိုင်ဍုင်သၚ်္ခဠၜူရဳကဵု ဒေသပယျဵုဍုင်ကျာ်ပိဂှ် နူကဵုဗၠာဲသၟိင်သေံသၚ်္ခဠၜူရဳ (ကွာန်ဝၚ်္က) တအ် စၟဳစၟတ်ရပ်သီဂွံလဝ် ကွဳစက်ဖ္ဍိုက်ကပေါတ်ဟွံလုပ်သၞောဝ် လ္ပါ်ဒေသပယျဵုကျာ်ပိတေံ (၆) ဖ္ဍိုက်နွံရောင် ဂွံဆဵုကေတ်ပရိုင်ရ။

နူကဏေံတေံ (ဂိတုမေ စၟတ်တ္ရဲ ၁) ဂှ် နူကဵုကမ္မတဳမာဲရာမညတအ် ကၠောန်သ္ပအခန်ကၞာ ပံက်မဂၞန်မာဲ မာဲရာမည အလန် (၃) ဝါတုဲ လာဘ်ပထမ (၃၀၀) ကိုဋ်ဒ္ကေဝ်ဂှ် မိဥာဏ်တၟး ညးမဒှ်ဂအုပ်ဘာ ဘာကောန်ဂကူမန် တန်ဒေါဝ် ကွာန်ပုပ္ဖဝတဳ ပွိုင်ဍုင်ရေဝ်သၟဝ်ကျာ က္လိဂွံဏာရောင် ဂွံတီကေတ်ရ။

မွဲဒမြိပ်ဂၠံၚ်ဇၞော်စၟတ် (၈) ပွိုၚ်ဍုၚ်ဇြပ်ဗုကဵု ရးတနၚ်သဳဂှ် ဂကောံဒပ်ပၠန်ဂတးဂမၠိုၚ်တအ်ကဵု ဒပ်ကံၚ်သဳပၞာန်တအ် ဗီုညးကဵုညး ဂစာန်ၜေတ်လုပ်ဖျေံသဇိုၚ်နွံကၠုၚ်ဂှ်တုဲ ညးဒေသတအ် ဒှ်ဂဝိၚ် ဂွိၚ်ဖေက်ပေါဲဗတိုက်က္တဵုဒှ်ကၠုၚ် သ္ဂးရ။