ပ္ဍဲကဵုပ္ၚံက်ဂၠံင်တရဴရပ်လွဟ် ပေါဲဗတိုက်ပၠန်ဂတးတ္ၚဲဏံဂှ် နကဵုဇြဟတ်အလုံဂကူမန် ကွပ်ဇဳ သ္ဂောံပါလုပ်မာန် ဟွံမွဲကၠုင်ဏီဂှ်တုဲ ပ္ၚံက်ပၠန်ဂတးမန်တံ အသိင်ဂွံသၠုင်တိုန် ဗီုဇွိုန်လပှ်ဍာ်ဒဳ မွဲချိုန်ခဏဍောတ်ဓဝ် ဒှ်ဟွံမာန်ရ။

ဗွဲကြဴနူကဵုဂကောံပၠန်ဂတးမန်ဂမၠိုင် ပံင်တောဲချဳဒရာင်သၠုင်တိုန်အသိင်ပေါဲပၞာန်ဂှ်တုဲ လ္ပာ်ဒပ်ပၞာန်ဗၟာကံင်ဇြဳပၞာန်တံ ဒပ်သၞေဟ်ကင်ဂမၠိုင်၊ ဗဒိုပ်ယာယဳဖျေံလဝ်တၟိဂမၠိုင် သိုင်ခၞံပခိုင်ကၟောန်ပတိုန်တုဲ ဗက်ကေတ်မံင် ကပေါတ်သိုင်ခၞံ နူ ညးဍုင်ကွာန်တံရောင် ညးဒေသတံဟီုရ။

ပ္ဍဲစင်အသေအဟာန်တ္ၚဲကောန်ဂကူမန် လ္ဒောဝ်တပ်တပ်ဂှ် ဒးပစူသၠုင်လဝ်အလာံကၟိန်ဍုင်ရောင် ဂျာန်နဝါရဳ ၃ တုဲ ကၠုင်ဂှ် နူကမ္မတဳကၠောန်ဗဒှ်တ္ၚဲကောန်ဂကူမန် ဗဟဵုတအ် ပတိတ်ကၠုင်လိက်စေဝ်ပၞောန် စပ်ကဵုအလာံတုဲ မၞိဟ်လ္ၚဵုဟွံ ပေင်စိုတ်ရ။