Eng
ဗမာ
နူကဵုတၠအဝဵုပၞာန်ဗမာတံ ပ္ကင်ရင်သီကေတ်လဝ်အဝဵုအုပ်ဓုပ်ဍုင် နူသၞာံ ၂၀၂၁ ဂိတုဖေဖဝ်ဝါရဳတေံတုဲ ပ္ဍဲသၞာံ ၂၀၂၃-၂၀၂၄ ဂှ် ဒေသရးဇၞော်လ္ၚဵုကီု၊ ဒေသကောန်ဂကူကောန်ဍုင်အရၚ်သကုတ်သၠုၚ်ကျာ သေံသၟဝ်ကျာတံကီု၊ ဒေသရခေင်ကီု၊ ဒေသချေင် ကေုာံ ကချေင်၊ ကရေင်ဍာဲတံကီု ပေါဲပၞာန်သီတမ်ဒပ် သီဍုင်ကတဵုဒှ်တုဲ ဂကောံပၠန်ဂတးတံ သီုကဵုသီကၠုင် ဌာန်ဂအုပ်ပၞာန် ၂ ဒၞါဲကီု ကတဵုဒှ်ကၠုင်ရ။
ပၠန်ဂတးရပ်လွဟ်ခေတ်တၟိ မမံက်ဒှ်ကၠုင်ကြဴနူပၞာန်သီအဝဵု စနူသၞာံ ၂၀၂၁ ဂှ် တင်ရန်တၟအ် နွံ (၂) သာ်ရ။ ယင်တံဂှ်ဝွံ (၁) သွက်ဂွံဗ္တိုက်သရိုဟ်ကၠေံ သၞောတ်တၠအဝဵုပၞာန် ကေုာံ သွက်ဂွံဖ္အိုတ်ကၠေံ သၞောတ်တၠအဝဵုအိုဿီုကီု (၂) သွက်ဂွံဒက်ပ္တန်ကၟိန်ဍုင်ဖေဝ်ဒရေဝ် (ဟွံသေင်) ဍုင်ဗၠးၜး ပ္ဍဲကာလအနာဂတ်တေံရ။
ညးဍုင်ကွာန်နွံတန်တဴဒၟံင် ပ္ဍဲမုက်ဒပ်မၠံက်ဇၞော်ကံင်ဇြဳပၞာန်ဗၟာတံဂှ် ဟိုတ်နူမကမ်မၠံက်ဇၞော်ဒတုံဒးတုဲ ကတဵုဒှ်မံင်ဘဲအန္တရာဲ၊ ဒးပံင်မံင်လမျီုဘဲမကမ်မၠံက်ဇၞော်ရောင် ညးဒေသတံ ဟီုရ။