ပိုဲမၞိဟ်တံဂှ် ကာလရေင်တၠုင် သွက်သ္ဂောံက္လိဂွံ တင်ရန်တၟံမွဲမွဲမ္ဂး အခိင်စရေင်တၠုင် ကၠောန်ကမၠောန်တၟိတၟိတေံ ၜိုန်ရက္လိတ်က္လောတ်မံင်ကီုလေဝ် စိုပ်ဂွံဘာ်တရဴ လဒေါဝ်ဂၞဴမ္ဂး ဆဵုဂဗတင်ဆိုအ်ဗခက်ခုဲ (ဟွံသေင်မ္ဂး) ဂၠံင်တရဴသွက်ဂွံဆက်ကွာ်အာ အနာဂတ်ဂတတေံ နွံမံင်တရဴတၟာသ္ၚောဲဏီရောင် ဒှ်ကၠုင်သၠေဟ်ပၟာတုဲ စိုတ်ဓာတ်စှ်ေ ကတဵုဒှ်ကၠုင်မာန်ရ။

နူကဵုဒပ်ပၞာန်ဗမာတံ သီအဝဵုတုဲဂှ် မွဲဒမြိပ်ဂစာန်ကၟာတ်လဒဵုကၠုၚ် ညးဍုၚ်ကွာန်တံ ညံၚ်ရပ်စပ်သုၚ်စောဲ သဵုယှေဝ် မဳဒဳယာ Socialmedia ဟွံဂွံဂှ် ပ္ဍဲသၞာံ ၂၀၂၅ မံက်ဏံ သီုကဵုလလောၚ်ပတိတ် ဥပဒေသာဲဝှာ (Cyber) တုဲ နကဵုညးဍုၚ် ကွာန်တံ သာတုဲဒှ်ခက်ခုဲကၠုၚ်ကဵု ပရေၚ်သုၚ်စောဲ သဵုယှေဝ်မဳဒဳယာ Social media အိုတ်ရ။

သၞာံ ၂၀၂၄ အိုတ် ကၠောံကၠုင် သၞာံတၟိ ၂၀၂၅ ပၠန်ရ။ ပ္ဍဲပွိုင်သၞာံ ၂၀၂၄ တုဲကၠုင်ဏံဂှ် အကာဲအရာ ပရေင်ဍုင်ကွာန်၊ အကာဲအရာပရေင်ပၞာန် ညးဍုင်ကွာန်ဂမၠိုင်တအ် ဒးတတ်ထပါ်ကၠုင် အကြာပ္ရံက် ပရေင်ဍုင်ကွာန်ပရေံ၊ အကြာဘဲပေါဲပၞာန်၊ အကြာဘဲအန္တရာဲနာနာသာ် တုဲအာမွဲသၞာံပၠန်ရ။