ဒေသကွာန်မွဲဒမြိပ်ဂၠံၚ်ကျာ်ပိ ကဵု ဇြပ်ဗုဂှ်ဝွံ ပေဲါပၞာန်ကတဵုဒှ်ဒၟံၚ် အခိၚ်လအ်ကၠုၚ် ကြပ်ပေၚ်ကဵုသၞာံဒှ်တုဲ ညးဍုၚ်ကွာန်ရဲဒးဂြိပ်ပဲါဒဴဘဲပေဲါပၞာန်တံ ပရေၚ်ရီုဗၚ်ဟွံမွဲတုဲ ဒှ်မံၚ်ခက်ခုဲကဵု ပရေၚ်စသုၚ်မံၚ်စံၚ်ရောၚ် ညးဘိုၚ်ရေၚ်တၠုၚ်မံၚ်မွဲတၠဂှ် ဟီုထ္ၜးရ။

ပေါဲဗ္တိုက်ရပ်လွဟ် မမံက်တိတ်ကၠုင်နူပေါဲဗ္တိုက်ညးဍုင်ကွာန် သၞာံ ၂၀၂၁ တေံဂှ် စိုပ်သၞာံ ၂၀၂၄ စဵုကဵုဂိတုဒဳဇြေမ်ဗါဏအ် သာတုဲ ဖန်ဗဒှ် ဂရုပ္တိုန်ကဵုစိုတ် ကုညးမပါလုပ်အပ္ဍဲပၠန်ဂတးတအ်ရ။

ဗွဲကြဴနူကဵု ဂကောံပၠန်ဂတးပံၚ်တောဲဂမၠိုၚ်တံ လုပ်ပန်ဗတိုက်လဝ် ဒပ်ကံၚ်ဇြဳပၞာန်(ယာယဳ) ပ္ဍဲကွာန်ကျာ် ဗဒဲါကွာန်တၟံကၞေၚ်ဂှ်တုဲ အာဂတဏံ ဂကောံပၠန်ဂတးဂမၠိုၚ်တံ ယဝ်ရ လုပ်ပန်ဗတိုက် တမ်ဒပ်ကံၚ်ဇြဳပၞာန်တံမ္ဂး ထောံဖျေံဗမ်ပ္ဍဲကွာန်ဂမၠိုၚ်ရောၚ် ကံၚ်ဇြဳပၞာန်တံ ဟီုဘကၠုၚ်နွံရ။