Eng
ဗမာ
“မၞိဟ်ပါလုပ်မံၚ် ပ္ဍဲဂကောံဟံၚ်ပြာ် ညးရေၚ်တၠုၚ်စေတနာတံဂှ် ညးမွဲလေဝ် ဟွံဂွံလဝ်ပုဟ်။ ပိုဲတံသၟာန် အုပ်ဓုပ်ပွိုၚ်ဍုၚ်မတ်မလီု ဂှ်တှ်ေ ဂကောံဟံၚ်ပြာ်တံတှ်ေ ညးတံကဵု ကာတ်မွဲရ၊ သှ်ေမံၚ် ညးရေၚ်တၠုၚ်စေတနာတၞဟ်တၞဟ်တံဂှ်တှ်ေ ညးတံကဵုဖအိုတ် ညးတံဟီုရ” သာ်ဏံ ဥုဗိုလ်ဗိုလ်ဝေန် ပ္ဍဲကဵုမုက်လိက် Facebook ညးဗလးလဝ် Live ဂှ် ဂွံတီကေတ်ရ။
မၞိဟ်ယဲဏံဂှ် ၜိုန်ရစွံလဝ် ပ္ဍဲကဵုဟဒမ်တၞဟ်ခြာကီုလေဝ် အကာဲအရာပရေၚ်ထတ်ခိုဟ်မံၚ်တုဲ ပ္ဍဲကဵုဂိတုအဝ်ဂါတ် (၉)ဏံ သွက်ဂွံစၟဳစၟတ်အာစၟယဲ အလန်ဒုတိယကီု ပ္ဍဲကဵုဂိတုအဝ်ဂါတ် (၁၁) တေံ သွက်ဂွံစၟဳစၟတ်အာစၟယဲ အလန်တတိယ နွံပၠန်ရောၚ် ညးက္ဍိုက်ပ်ဌာနပရေၚ်ထတ်ယုက်တွဵုရး ဒံက်တာဝေါတ်မှုၚ် ဟီုလဝ်ကဵုသၞံၚ်တိုၚ်ရ။
သြန်ထံက်ပၚ်ဏံဂှ် ဂကောံရပ်လွဟ်ကောန်ဍုၚ်အရၚ် ထပက်လဝ် NCA တုဲ ဗော်ဍုၚ်မန်တၟိ၊ ဗော်ကရေၚ် (KNU/KNLA-PC) ၊ ဗော်ကရေၚ်ဒဳကေဗဳအေတံဂှ် မွဲဂကောံ (၁၀၀၀) ကိုတ်ကီု ဗော်ချေၚ် (CNF)၊ ဗော်ပအိုဝ် (PNLO), ဗော်ရခေၚ် (ALP) ကေုာံ ဒပ်ပၞာန်ကွးဘာဗၟာ (ADSBF) တံဂှ် မွဲဂကောံ (၅၀၀) ကိုတ်ကီု ဗော်လာဟူ (LDU) ဂှ် (၂၅၀) ကိုတ် ထံက်ပၚ်ကဵုလဝ်ရောၚ်။