ပ္ဍဲတွဵုရးဍုၚ်မန် သၟာကမၠောန်မၞိဟ်အဇာတမ်ရိုဟ်ဟွံမွဲ ဂမၠိုၚ်ဂှ် စၟဳဒၟံၚ်အစဳဇန်ထံက်ပၚ်သြန် အလန်ဒုတိယ နူကဵုကၟိန်ဍုၚ်တေံရောၚ်ဂှ် ဂွံတီကေတ်ရ။
“အာယုက်ဂှ်လေဝ်ဇၞော်မံၚ်တုဲ သြန်လုပ်လေဝ်ဟွံမွဲ ဂွံမိၚ်ထံက်ပၚ်ကဵု ဗီုဏံဂှ် မိပ်မံၚ်စိုတ်လေဝ်။ စရၚ်ဂှ် ကၠုၚ်ကံက်လဝ်တုဲယျ ဆလအ်မှကၠုၚ်ထံက်ပၚ်ဂှ် ဟွံလဴလဝ်ပုဟ်။ ပိုဲတံဂှ် စၟဳမံၚ်ဖိုဟ်ရ” သာ်ဏံ သၟာကမၠောန်မၞိဟ်အဇာတမ်ရိုဟ်ဟွံမွဲ အာယုက် ၆၂ သၞာံ မိယ ဟီုရ။
ပ္ဍဲကဵုကာလ ကိုဝ်ဗေဒ် ၁၉ ဏံဂှ် မၞိဟ်မွဲကဵုမွဲ ဒးမံၚ်ခြာညးသ္ကအ်၊ လ္ပပကောံမၞိဟ်ကီု၊ ပၟိက်ဟွံမွဲမ္ဂး လ္ပတိတ်အာကၠုၚ်မ္ၚးဂှ် အလဵုသဳတံ လလောၚ်လဝ်ဂှ်တုဲ သ္ဂောံကၠောန်အာ ကမၠောန်ဂှ် ဒှ်ကၠုၚ်မံၚ်အခက်ခုဲရောၚ် သၟာကမၠောန်မၞိဟ်အဇာတမ်ရိုဟ်ဟွံမွဲ ဂမၠိုၚ်တံ ဂးရ။

နာဲအံၚ်ဇၞး (ရုတ်တံၚ်) ပ္ဍဲခေတ်ဇွိုန်လပှ်တတိယဏံ သၟတ်ဂကူမန်တံ ဒးမံၚ်ယဲကပ် ဂဥုဲၜူမာဲ ပလီုက္ဍဟ်၊ ကမၠက်အဆက်တၞောဝ်က္ဍိုပ် သ္ကိုပ် ရေၚ်တၠုၚ်ပရေၚ်ဂကူမန် အနာဂတ်ရောၚ်ဂှ် ဥက္ကဌဗော်ဍုၚ်မန်တၟိ နာဲဟံသာ ဟီုမြော်ပံက်ဂလာန်ကဵုသတိ ကုသၟတ်မန်တံ ပ္ဍဲအသေအဟာန် တ္ၚဲကောန်ဂကူမန် မရနုက် (၇၃) ဝါ...