ကာလလၟုဟ်ဏံ အလုံဍုင်ဗၟာမွဲ ကတဵုဒှ်ဒၟံင်ပရေင်ပၠန်ဂတး က္လေင်တဝ်စၞေဟ်ဒၟံင်ကဵုကံင်ဇြဳပၞာန်ဂှ် အတိုင်ဂွံဆဵုကေတ်မံင်ဂှ်ရ။ နူကဵုဂကူဗၟာတံ က္လိဂွံဗၠးၜး သၞာံ ၁၉၄၈ တုဲကၠုင်တေံ ပရေင်ဒစဵုဒစး ပၠန်ဂတး ၜိုတ်အဆံင်ဏံ ဟွံမွဲကၠုင်မွဲလှ်ေဏီရ။ ပ္ဍဲကဵုသၞာံ ၁၉၄၈၊ ၁၉၄၉ တေံ ပရေင်ပၠန်ဂတး ဒစဵုဒစးဒှ်ကၠုင်တုဲ ဍုင်သ္အာင်တံ စဵုကဵုသ္ဒးကော် ထ္ၜုတ်ပတိုန်ယၟု အလဵုအသဳလ္ဂုင် နွံကၠုင်ကီုလေဝ် အလုံဍုင်မွဲ ဂွံဒစဵုဒစး ပၠန်ဂတးကၠုင် ဗီုအဆံင်လၟုဟ်ဏံ ဟွံစိုပ်ရ။

သွက်ဂွံပံင်တောဲအာပရေင်ချဳဒရာင်ပၞာန်သကုတ်သၠုင်ကျာဂှ် ကရေင်ဍာဲ၊ ကရေင်၊ မန် ဂကောံကောဒေံပိတအ် ထ္ပက် စၟတ်တဲတုပ်စိုတ်နွံရောင် ဥက္ကဌ ကမ္မတဳပရေင်ဍုင်ကွာန် ပရေင်ပၞာန် ဗော်ဍုင်မန်တၟိ (ဗတိုက်သရိုဟ်တၠအဝဵုပၞာန်) နာဲ ဇဲယ ဟီုဓမံက်ကၠုင်ရ။