သၞောတ်ဒဳမဝ်ကရေသဳ ဗြေဝ်တိုန် ပ္ဍဲကၟိန်ဍုင်တုဲ စိုပ်အခိင်ဂကောံရပ်လွဟ်ကောန်ဍုင်အရင်ဂမၠိုင် ဟွံမွဲမှ ဖအောန်ဖျေံ ပရေင်ဒပ်ပၞာန်တအ် မပါလုပ်ဒၟံင် အပ္ဍဲဗွိုင်ကၠတ်ထဝ်အဆံင်င်ဏောင် က္ဍိုပ်သ္ကိုပ်ပၞာန်ဗၟာ မေန်အံင်လှာင် ဟီုဂးကၠုင်ရ။

အကြာဒပ်ပၞာန်ဗၟာတအ် ကဵု ဂကောံပၠန်ဂတးတအ် ကတဵုဒှ်ပေါဲဗတိုက်တုဲ ညးဍုင်ကွာန်အလုံကွာန်ကၠာင်ထဝ် ပ္ဍဲပွိုင်ဍုင်ဇြပ်ဗုတအ် နူတနေံတေံ ဒးဂြိပ်ပါဲဘဲပၞာန် အလုံမွဲကွာန်နွံရောင် ညးပါဲဒဴတိတ်နူကွာန်မွဲတၠ ဟီုလဴထ္ၜးရ။

ပေါဲရုဲမာဲကမ္မယှေန်ပၞာန် မကၠောန်ဗဒှ်ဂှ် ကြပ်ကၠုင် ကြပ်ကၠုင်ရ။ ဗော်ညဳသၟဟ်မန် မဒုင်လဝ်ယၟု သ္ပစၞးကဵုဂကူဂှ် လုပ်ပြိုင်ပေါဲမာဲ နကဵုလၟိဟ်ညးစၞးအလံင်အမာတ် ၃၈ တၠ၊ ဗော်မန်တောတက် ပ္ဍဲတွဵုရးကရေင်ဂှ် ၃ တၠရောင်ဂှ် လလောင်တြးလဝ်ရ။ ညးမလုပ်ပြိုင်ပေါဲရုဲမာဲ ကေုာံ ညးတာလျိုင်ဗော်တအ် ညိညဟေင် ချဳဒၟံင်တုဲ ညးဍုင်ကွာန်ဂကူမန်တအ်လေဝ် သ္ၚိတ်တဴဒၟံင်အိုတ်ရ။ ပေါဲရုဲမာဲ အလန်ဏအ် ညိလေဝ်ဟွံတုပ်ကဵု ပေါဲရုဲမာဲလောန်ကၠုင်တေံ လးလးရ။