ပ္ဍဲကၟိန်ဍုင်သေံ ကွာန်ထံက်ခၞောန် ဗၠာဲသၟိင်သေံဍုင်ကမ္မရဳတအ် ထပ်ရပ်ဂွံ ကောန်ဍုင်ဗၟာရဲညးကၠတ်လုပ်ဍုင် လၟိဟ် (၄၄) တၠပၠန်ရောင် ဂွံဆဵုကေတ် ပရိုင်သေံတအ်ချူဓမံက်လဝ်ရ။

ပ္ဍဲအခိၚ်ဗြဲတမ်သၞာံဏံ မၞိဟ်ဇၞော်၊ မၞိဟ်ဍောတ် က္တဵုဒှ်ယဲမနက် (တုပ်ကွေး) ဂၠိုၚ်တုဲ ပ္ဍဲရုၚ်ဂဥုဲတအ်လေဝ် မၞိဟ်ယဲပေၚ်ဒၟံၚ်ရောၚ် ညးတာလျိုၚ်ရုၚ်ဂဥုဲပုဂ္ဂလိက လ္တူဍုၚ်မတ်မလီုမွဲတၠ ဟီုရ။

ကိုန်စဳဇန်ရပ်စပ်ကွဳစက်ယာန်တ္ၚဲဏံဂှ် ညးဍုၚ်ကွာန်တအ် ကေမၠာန်ကၟိတ်လီု၊ အာကၠုၚ်ဒှ်ခက်ခုဲ၊ ဒးဒုၚ်ရပ်ပၠန်လေဝ် ဒးနုက်ဩန်အိုတ်ဟွံသာ၊ လ္ၚဵုဂှ် သီုဒးဒုၚ်စုတ်ထံၚ်တုဲ ညးဍုၚ်ကွာန်တအ် က္တဵုဒှ်ဒဒိုက် ဇၞော်ကဵုဇြဟတ်အိုတ်ရ။

ပ္ဍဲအခိၚ်ကိုန်စဳဇန် ရပ်စပ်ကွဳစက်ယာန်ဏံ ပရေၚ်ဇက်ပလံၚ်ကပေါတ်သတ်ဆုနာနာဂှ် ဒှ်ပရေၚ်ခက်ခုဲတုဲ သတ်ဒူရေန်လေဝ် ၚုဟ်အောန်စှ်ေအာ ကြပ်ကဝက်ဒှ်ရောၚ် တၠကၠအ်ဒူရေန်တအ် ဟီုရ။

ဂကောံရပ်ကွဳစက်ယာန်ပံၚ်ကောံတအ် သၠုၚ်အသိၚ်တုဲ ဗက်စှ်ေရပ်ဒၟံၚ် ဒဵုကဵုကွာန်ဂှ်ရ ကွဳလိုန်ဓာတ်ဒးဒုၚ်ရပ်အာ ဗွဲမဂၠိုၚ်၊ ကွဳတၟိတၟိမွဲဖ္ဍိုက်မ္ဂး ဒဵုကဵု (၃၀) ကိုဋ်ဒကေဝ် တက်ဒန်တုဲ ဒးနုက်မံၚ်ရောၚ် မၞိဟ်ဒးဒုၚ်ရပ်တအ် ဟီုရ။