သွက်ဂွံဂၠာဲလိၚ်ဗပေၚ်သ္ပကောန်ပၞာန် (ဗၟာ) တၟိဂှ် ဌာနမဆေၚ်စပ် ကံၚ်သဳပၞာန်တံ ဒးဂၠာဲဗပေၚ်ဘဏ္ဍာ နကဵုနဲကဲနာနာသာ်နွံရောၚ် ညးလုက်စုက်ကဵု ဌာနဗၠာဲသၟိၚ် ဍုၚ်မတ်မလီုမွဲတၠ ဟီုလဴထ္ၜးရ။

ဂိတုအေဗြဴ စၟတ်တ္ၚဲ (၃) တ္ၚဲဏံဂှ်ဝွံ ပ္ဍဲကၟိန်ဍုင်ဗၟာ အသိင်ဘဲဒဏ်ကသဳတိ (တိချဳ) ကၠုင်လဝ် ပွိုင် (၆) တ္ၚဲတုဲ က္ဍိုပ်သ္ကိုပ်ပၞာန်မေန်အံင်လှာင် အာတိုန်စိုပ်ကောံဓရီု (BIMSTEC) ပ္ဍဲကဵုဍုင်ၜင်ကံက် ကၟိန်ဍုင်သေံဂှ်နွံရောင် ဂွံပရိုင်ရ။

ပ္ဍဲဍုင်ၜင်ကံက်၊ ကၟိန်ဍုင်သေံ တုဲကၠုင်ဂိတုမာတ်စၟတ်တ္ၚဲ (၂၈) တေံ၊ ဟိုတ်နူအသိင်ကသဳတိ (ချဳ) မထတ်သကာတ်ကၠုင်ဂှ်ရ ခဒမ်သ္ၚိတိုက်သိုင်ခၞံလဝ်တၟိ လၟိဟ်ထပ် (၃၀) ထပ်သရိုဟ်လာ်စှေ်တုဲ သၟာကမၠောန်ကောန်ဍုင်မန်ဗၟာပိုဲတံဗွဲမဂၠိုင် ကၠေံဒၟံင်အပ္ဍဲကဵုခဒမ်မသရိုဟ်ဂှ်ရောင် ဂွံတီကေတ်ရ။

၁၃၈၆ သၞာံ၊ ဂိတုစဲ ၅ မံက်၊ တ္ၚဲဗုဒ္ဓဝါ (2.4.2025) ဏံမ္ဂး ကောံဓရီုပရေင်ဂကူမန် သၞာံ- ၂၀၂၅ ကၠောန်ဗဒှ်အာပွိုင် ၅ တ္ၚဲ၊ ပ္ဍဲဌာနဘာဓာတုမာလာ အရာပ်ဇြေဂျိုဝ် ဍုင်မတ်မလီုရောင် ဂွံတီ ကေတ်ရ။ ကောံဓရီုဂှ် ကၠာတဲရန်လဝ် ကၠောန်ဗဒှ်အာ ပ္ဍဲကွာန်ကအ်ပလိုင် ခရိုင်သဓီုရ။ ကြပ်ကၠုင် ကဵု အခိင်ကၠောန်ကောံဓရီုဂှ် နာဲသြဆာန် က္ဍိုပ်သ္ကိုပ်ဒပ်ၜိုဟ်လလမ်ဂကူမန် (ပြည်သူ့ စစ်) ဒးဒုင်ပန်ဂစိုတ်တုဲ စဳဇန်လဝ် ကောံဓရီု ပ္ဍဲကွာန်ကအ်ပလိုင်ဂှ် ပြံင်စိုပ်ကၠုင် လ္တူဍုင်မတ်မလီုရ။

၁၃၈၆ သၞာံ၊ ဂိတုဖဝ်ရဂိုန်အိုတ် (28.3.2025) အခိင်ဒေါဝ်တ္ၚဲ (၁၂း၅၀) နာဍဳဂှ် တိချဳ M 7.7 ပ္ဍဲဒေသသဂါင်၊ မန္တလေဝ် မၞုံလဒေါဝ်ၝောံဍုင်ဗၟာတုဲ မပတံကျာ်စေတဳ၊ ဘုတ်၊ ဘာ၊ ရုင်၊ သ္ၚိဌာန်၊ ဒဒန်၊ ဂၠံင်ဍာန်ဂမၠိုင် လီုလာ်အာတုဲ သင်ပဝ်၊ မၞိဟ်ချိုတ်၊ ဒးဂွဵုဂွိုက် လၟိဟ်ဂၠိုင်ကဵုလ္ၚီရ။ ခေတ်ဏံ ဒှ်ဒၟံင်ခေတ်လပှ်ကျာ အေန်တာနေတ်တုဲ ဗီုရုပ်မၞိဟ်တံ ဒှ်မံင်ဒဒိုက် ဘဲဒဏ်သဘာဝ အလန်ဏံဂှ် မွဲဒမြိပ်ဓဝ် ပြးအလုံလိုက်မွဲရ။

အ္စာပရိုင် နူကဵုဍုင်သ္အာင်တအ် အာတ်မိက်ပ္တိုန်ထ္ၜးလဝ် သွက်ဂွံကၠုင်ကေတ်ပရိုင် ဆေင်ကဵုပရေင်ကသဳတိဍုင်ဗၟာဂှ် နူကဵုကံင်ဇြဳပၞာန်တအ် ထ္ၜးဟိုတ်ကဵု ဒၞါဲမံင်စံင် အာကၠုင်ဟွံပြေပြံင်ဂးတုဲ ကၟာတ်ဒၞါတဴအခေါင်ကေတ်ပရိုင်ရ။