ညးဍုၚ်ကွာန်အဝဲကၠောန်ကမၠောန်တအ် တိတ်အာကၠောန်စဍုၚ်မ္ၚးဂၠိုၚ်တုဲ ဇၟာပ် စိုပ်အခိၚ်ဗတမ်မဏံ ဂၠာဲကောန်ကမၠောန်ဝါတ်မံၚ်ရောၚ် တၠဝါဗ္ၚတအ်ဟီုရ။

ခြာဟွံလအ် ပေါဲရုဲမာဲမေန်အံၚ်လှာၚ်တံဒှ်ကၠုၚ်မ္ဂး အကာဲအရာ သ္ကိုပ်ဗိုလ်ပၞာန်ဂမၠိုၚ် ဒှ်အာဗီုကဵု လောန်ကၠုၚ် ၁၅ သၞာံတေံပၠန်ရောၚ်။ ပေါဲရုဲမာဲ ၂၀၁၀ လောန်ကၠုၚ်တေံ ပ္ဍဲဒပ်ပၞာန်ဂှ် ညးဂှ်သှ်ေပ္ဍဲဒပ်တုဲ ညးဂှ်လုပ်ပေါဲရုဲမာဲဂှ် ဒှ်ကၠုၚ်ပဟေဠိမွဲရ။ လၟုဟ်လေဝ် က္ဍိုပ်သ္ကိုပ်ပၞာန် မေန်အံၚ်လှာၚ်ဂှ် ညးတာလျိုၚ်ပၞာန်ဇၞော်ဇၞော် ပ္ဍဲရုၚ်ပၞာန်တံ ညးဂှ် စိုတ်လုပ်စကဵုပေါဲရုဲမာဲကီုရောဂှ် ဗက်သၟာန်ကေတ်မံၚ်စရၚ်ရောၚ် နူကဵုတမ်ရိုဟ်ပရိုၚ် နေပျဳဒဝ်တံ သ္ဂးရ။

ဒပ်မန်မွဲဂကောံ သွက်ဂွံလုပ်ပံၚ်တောဲ ပ္ဍဲဗော်ဍုၚ်မန်တၟိ (ဗတိုက်သရိုဟ်တၠအဝဵုပၞာန်) /ဒပ်မန်ရာမညဂှ် တုပ်လဝ်စိုတ် ဗွဲအပြောံနွံမံၚ်ရောၚ် ဥက္ကဌ ကမ္မတဳက္ဍိုက်ပ် ပရေၚ်ဍုၚ်ကွာန်၊ ပရေၚ်ပၞာန် နာဲဇဲယ ဟီုဓမံက်ကၠုၚ်ရ။

မၞိဟ်ဂၠံက်ဒးမာဲယိုက်ဂၠေၚ်ပၞာန် ယဝ်ပဲါဓလေတ်အာဍုၚ်မ္ၚးတုဲ ကော်ပေၚ်ပိဝါ ဟွံကလေၚ်စိုပ်မ္ဂး ပ္တိတ်ဝရာန်တုဲ ရပ်စပ်ကေတ်အာဒုဟ်ဒဏ်ရောၚ် ကံၚ်သဳပၞာန်ဟီုပဠလဝ်ရ။

စတမ်နူဂိတုဂျောန်မံက်တုဲကၠုၚ်ဏံ အလုံမွဲကၟိန်ဍုၚ်ဂှ် စရပ်အာကွဳစက်ယာန် လိုၚ်ဇြေန်ဟွံမွဲ (without) ဂှ်တုဲ ပ္ဍဲကဵုကိုန်စဳဇန် စၟဳစၟတ် ရပ်စပ်ကွဳစက်ယာန်ဂှ် ပရေၚ်ကၠးဖ္ဍးဟွံမွဲရောၚ် ညးဍုၚ်ကွာန်မၚ်ရံၚ်အခါတ်အကာဲဂမၠိုၚ် ဟီုအိုတ်ရ။

သၟတ်ကွးဘာဗွဲမဂၠိုၚ် အခိၚ်နွံဒၟံၚ်ပ္ဍဲသ္ၚိဂှ် ကဵုအခိၚ် အခိၚ်ဗှ်လိက်အောန်တုဲ ကဵုအခိၚ်ဝေၚ် (Game) ဂၠိုၚ်ဂှ်ရ ဒှ်ဒၟံၚ်တၚ်ကော်ဆဴဇၞော်ဇၞော် သွက်ဘဝသၟတ်ကွးဘာတအ် အနာဂတ်မွဲရောၚ် မိမဗွဲမဂၠိုၚ် ဟီုကရောတ်တဴအိုတ်ရ။