လဂွံကဵုတမ်ရိုဟ်ပရိုင် ဌာန်ပရိုင်ဗၠးၜးမန် မဟီုလဴကၠုင်လဝ်မ္ဂး ပြဟ်ဟ်ဏအ် နူကဵုဒပ်ကံင်ဇြဳပၞာန်တအ် လုပ်စိုပ်ကၠုင်မံင် ပ္ဍဲလ္တူဍုင်ကျာ်ပိပြဳပြဳနွံတုဲ ပ္ဍဲကဵုဂှ်မ္ဂး ကောန်သ္ဂံင်၊ ညးတာလျိုင်တအ်  ပါလုပ်မံင်ရောင် ဂးရ။

အခိင်ဗြဲတမ်သၞာံဏံဂှ် ဒှ်အခိင်ပရေင်သွံရာန်ကွဳလိုန်ဓာတ်ပရေံကီုလေဝ် ဟိုတ်နူကေတ်ဖျေံနူပယျဵုဝါတ်တုဲ ၚုဟ်ကွဳလိုန်ဓာတ်က္ဍင်သၠုင်အာရောင် တၠဆေင်သွံရာန်ကွဳတအ် ဟီုရ။

တ္ၚဲဏံ ဂိတုပသာ် (၁၀) မံက်၊ အခိၚ်နူဂယးပြဟ် (၁) နာဍဳကဝိုက်ဍုၚ်သေံဂှ် နူကဵုဗၠာဲသၟိၚ်သေံပွိုၚ်ဍုၚ်သၚ်္ခဠၜူရဳ (ကွာန်ဝၚ်္က) တံ ထပ်ရပ်ဂွံကောန်ဍုၚ်ဗၟာ ရဲညးကၠတ်လုပ်ဍုၚ်သေံ လၟိဟ် (၇၁) တၠပၠန်ရောၚ် ဂွံဆဵုကေတ်ရ။

အခိင်ဗြဲကြပ်စိုပ်ကၠုင်ဏံဂှ် ၜဵုၚုဟ်ခိုဟ်တိုန် ကဝက်ပြင်ဒၟံင်တုဲ အခိင်ၚုဟ်ၜဵုခိုဟ်ဏံဂှ် ပ္ဍဲတဲ ၜဵုဟွံမွဲရရောင် တၠကမၠောန်ၜဵု နူပွိုင်ဍုင်ဇြပ်ဗုမွဲတၠ ဟီုထ္ၜးရ။

ဗၞိက်ဗွဝ်ဖျာနာနာက္ဍင်တိုန်မံင်တုဲ ၚုဟ်အနှေန်သြောံစှ်ေအာဂှ် သွက်တၠဝါဗ္ၚတအ် ကျဆောံဂတးဂတုန်ရောင် တၠဝါဗ္ၚတအ် ဟီုကရောတ်မံင်အိုတ်ရ။

သၟတ်လ္ၚဵုဂှ် ဝေၚ်ဂေမ် Game နကဵုဖုၚ် စောဲလာံၜက်သၞောတ်တုဲ က္ဍဟ်လီုဒှ်ကၠုၚ်နွံမံၚ်ရောၚ်ဂှ် မိမသၟတ် နူပွိုၚ်ဍုၚ်မုဟ်ဍုၚ် မွဲတၠဂှ်ကီု သီုကဵုညးချဳဒရာၚ်ပရေၚ်သၟတ်မန်မွဲတၠကီု ဟီုထ္ၜးရ။