ကြဴနူကံင်ဇြဳပၞာန်တအ် ပ္တိတ်လိက်လလောင်တြးဒေါံပန်ပှော် နဗ္ၜတ်အခိင်ကာလ အပ္ဍဲပွိုင် (၂၀) တ္ရဲဂှ် ပွဖံက်ပ္ကဝ်အခေါင်အရာမၞိဟ် ဟွံအောန်နူ (၁၀၇) အလန် က္လိလောန်ကၠုင်လဝ်နွံတုဲ လိက်လလောင်တြး ဒေါံပန်ပှော် ကံင်ဇြဳပၞာန်ဂှ် “ကွက်က္ဍိုပ်ဗ္ၜေံတုဲ သွံဖျုန်ကၠဵု” ရောင် ဗော်သွးကောန်ဂကူကရေင် KNU ဟီုဂးကၠုင်ရ။

ပ္ဍဲဒေသမန် ပေဲါဗ္တိုက်ညိၚ်ဝတ်တုဲ ပရေၚ်ဂစိုတ်မၞိဟ် ပၠံၚ်ၜးကေတ်ဏာကွဳလိုန်ဓာတ် က္တဵူဒှ်ကၠုၚ်နွံရောၚ် ဂွံပရိုၚ်ရ။

နူကဵုတိုက်ဩန်ဗေန်တံ ဗၞတ်ဗ္ၜတ်ကၠုၚ် ပရေၚ်ပ္တိတ်ဩန်ပၠန်တုဲ ရဲကမၠောန်ပြၚ်ပလံၚ်ဩန် ကေပေ Kpay ဂမၠိုၚ် ဒှ်ခက်ခုဲကဵု ပရေၚ်ကမၠောန်နွံရောၚ် နူကဵုဆေၚ်ပြၚ်ပလံၚ်ဩန်ဂမၠိုၚ် ဟီုထ္ၜးဂှ် ဂွံတီကေတ်ရ။

တွဵုရးဍုင်သေံ ဍုင်လာယှဵုဝွံ တုဲကၠုင်အေပရဴ (၂၂) ဂှ်စတုဲ နူကဵုဒပ်ကံင်သဳပၞာန်ဗၟာ ၜိုတ် (၂၀၀) ကွဳစက် နကဵုဇြ ဟတ်ဗၞတ် (၂၀၀၀၀) လုပ်ကၠုင်ဍုင်လာယှဵုတုဲ ကလေင်ပြေင်ဖျေံဒၞာဲဗီုပြင်ပရေင်အုပ်ဓုပ် ကောပ်ကာဲ အာဍုင်ပၠန် ဏောင် ဂွံဗှ်လ္ရတ်ကေတ် ပ္ဍဲမုက်လိက်ပရိုင်ဂမၠိုင်ရ။

ကောံဓရီုပရေင်ဂကူမန် သၞာံ ၂၀၂၅ မကၠောန်ဗဒှ် ပွိုင် (၄) တ္ၚဲ ပ္ဍဲဌာနဘာဓာတုမာလာ အရာပ်သေဂျိုဝ် ဍုင်မတ်မလီု တုဲဒှ်အာ ၜိုဟ်ဟ်သိုဟ်ဟ်ရ။ မၞိဟ်စၞးတိုန်စိုပ် အကြာ (၂၅၀) တၠနွံရောင် ဂွံတီကေတ်ရ။ ကောံဓရီုဂှ် ဗော်ဍုင်မန်တၟိ က္ဍိုက်ပ်တုဲ ကၠောန်လဝ်ရောင် နူကဵုလိက်လလောင်တြး ကောံဓရီုပတိတ်လဝ်လလောင်တြးရ။

သွက်ဘာခၟဳသင်မန် ကေုာံ ညးဍုင်ကွာန် ဒးလဝ်ဘဲဒဏ်တိချဳ ဒေသရးအင်ဝကဵု နေပျဳဒဝ်ဂှ် ဂကောံပရဟိတဂမၠိုင် ဗက်ဒုင်ဒၟံင်ဒါန်ဩန်တုဲ ပလံင်ဗစိုပ်ဒၟံင် မဒါန်နွံရောင် ဂွံတီကေတ် ပရိုင် နူညးက္ဍိုက်ပ်ဂကောံဆဝ်ဗ္ၚုဟ်မဒါန်တံရ။

ကြဴနူကဵု ဒပ်မန် (၄) ဒပ်ဂှ် ပံက်ကၠုင် “ကရောင်ပၞာန်ပံင်တောဲရာမည” တုဲကၠုင်ဂိတုဂျာန်နဝါရဳ ၁၉ (၂၀၂၅) ဏံတုဲ ခြာဟွံလအ်မ္ဂး သၠုင်ပတိုန်အသိင်ပေါဲဗတိုက် ဒေသဍုင်မန်ရောင် ညးမၞုံအခေါင်ဟီုဂး နာဲသဳရိမန်ဆာန် ဟီုပတိတ် ပရိုင်ရ။ ကြဴနူဂှ်တုဲ ပေါဲဗတိုက်ဒေသဍုင်မန်ဂှ် ညိင်သ္ၚိတ်အာ ဒဵုတ္ၚဲဏံရ။

အသိင်ဒးလဝ်ဘဲဗမ်က္ၜင်ကျာ နူတနေံတေံ (စဲ ၃ စွေက်) တုဲ ညးဍုင်ကွာန် ကွာန်ကအ်ဗိုတ်တံ ဂြိပ်ပါဲဒဴတိတ်အာ နူကွာန်ကြပ်အိုတ်ရောင် မၞိဟ်တြုံမွဲတၠ ဟီုလဴနင်ရ။

ပ္ဍဲအရာဒေသမုက်ပၞာန် ဒှ်ဒၟံင်ပေါဲဗတိုက်ကီု၊ ပေါဲဗတိုက်ဟွံဒှ်မွဲသာ် ဒေသဂကောံပၠန်ဂတးတံ ချဳဒရာင်ကီု ကံင်ဇြဳပၞာန် တအ် စကာကၠုင်ပၞာန်ကျာဂၠိုင်တိုန်တုဲ သုင်စောဲထောံဖျေံဗမ်ဇၞော်ဂၠိုင်တိုန်ကၠုင်မံင်ဂှ် ဂွံဆဵုကေတ်ရ။

အခိၚ်ဗၞတ်ပွိုၚ်သတ္တဟပြၚ်ညိဓဝ် ၚုဟ်ထၜိုတ်ဒတုံစှေ်အာဂှ် တၠကမၠောန်ခြိုၚ်ကၠောန်ဂဒဵု ဂတှ်ေထၜိုတ်တအ် ကျဆောံဗြမ်အာ ဂိဂိရောၚ် တၠကမၠောန်ဂဒဵုထၜိုတ်တအ် ဟီုထ္ၜးရ။