ၚုဟ်ထၜိုတ်ပံက်မံၚ်တ္ၚဲဏံဂှ် ၚုဟ်အတိုၚ်သၞာံတုဲကၠုၚ်တေံဏီဖိုဟ်တုဲ တၠကၠအ်ထၜိုတ်တအ် သာတုဲဂၠာဲရဲသၟာကမၠောန်ခွါတ်ထၜိုတ်ဝါတ်မံၚ်ရောၚ် တၠကၠအ်ထၜိုတ်တအ် ဟီုကရောတ်တဴရ။

ညးမဒှ်ကၠုင်လဝ် ညးတိုင်ခဳ ပ္ဍဲဂကောံပၞာန်အဆက်က် သ္ကိုပ်ဗိုလ်ပၞာန်တြေံ ဥုမျေအ်ဇြိုဲဂှ် ပါဲဒလေတ်ကၠေံ နူပရေင်ဓဝ်ဍာံတုဲ ပ္ဍဲဂိတုအဝ်ဂုက်(၇)ဂှ် စုတိချိုတ်အာတုဲရ။ နကဵုယၟုလီုလီု ပရေင်ပကီုပရာပ်ကီု၊ ပရေင်ဓဇန်ကြမ်ကြကီု၊ ပရေင်စလာဘ်ဗ္ဇဴကီု၊ ပရေင်သ္ပမာန်ပ္ဍဵုပ္ဍိုက်ကီု ၜိုန်ရက္လိလောန်ကၠုင်လဝ် လအ်ကဵုစှ်ောသၞာံကီုလေဝ် မုလေဝ်ဟွံဒးဒုင်ကေတ်ဒုဟ်ဒဏ်မွဲသာ်ရ။

အစဳဇန် ရပ်သီကွဳစက်ယာန်ဂှ် ဆက်ရပ်မံၚ်ဖိုဟ်တုဲ ကွဳလိုန်ဓာတ်မၞုံကဵုလိုၚ်ဇြေန်တအ် ၚုဟ်က္ဍၚ်တိုန်အာ ဟွံသာရဂှ် ဂွံတီကေတ် နူညးသွံရာန်ကွဳလိုန်ဓာတ်တအ်ရ။

ဟိုတ်နူအသိင်ပေါဲဗ္တိုက် မက္တဵုဒှ်ဒၟံင် ပ္ဍဲမွဲဒမြိပ်ဂၠံင်ဇၞော်ကၟိန်ဍုင် စၟတ် (၁၈) သ္ကုတ်ဍုင်ကလိင်အံင်-ဒဵုဟလဲ ပွိုင်ဍုင်ဍာ်ဗု ရးဒေသတၞင်သဳဂှ်တုဲ ညးဍုင်ကွာန်ဂမၠိုင် ဗၞတ် ၇၀၀ တၠပြင် ပါဲဒဴဘဲပၞာန် စိုပ်မံင်လ္ပာ်ဒေသအုပ်ဓုပ် ခရိုင်ထဝါဲ ဗော်ဍုင်မန်တၟိရောင် တ္ရဲဏအ် (အဝ်ဂေတ် ၂၆) ဂကောံတိုင်ခဳရီုဗင်ဘဲပၞာန် ပ္တိတ်လလောင်ကၠုင်ရ။

သၞေဟ်ကင် သွက်ဂွံတတ်ပယျဵု တွဵုရးဍုင်မန် ကဵု ကရေင် ပါင်ဒပ်အမၠံက် ၃၀၈ မၞုံဗမံက်ကွာန်အၜေတ် ပွိုင်ဍုင်မုဟ်ဍုင်ဂှ် ကြဴနူပတေင်ဂရတ်ပတိုန်လဝ် ပရေင်အာကၠုင်တုဲ ညးအာတရဴတအ် ဒှ်ခက်ခုဲတၟာဂလိုင်ရောင် ညးဒေသတအ် ဟီုရ။

နူကဵုအခိင်လၟုဟ်ဏံ ၚုဟ်ထၜိုတ်ဂှ် နွံမံင်အတိုင်တြေံဖိုဟ်တုဲ အခိင်လိုက်ဝှ်တိကှ်တေံလေဝ် ၚုဟ်ထၜိုတ် သွက်ဂွံတိုန်ဂှ် အကာဲအရာနွံအောန်ရောင် တၠကမၠောန် သွံရာန်ထၜိုတ်လ္ၚဵုတအ် ဟီုရ။

ပေါဲရုဲမာဲ အလန်ပထမ ဒကုတ် (၁) ဂှ်ဝွံ ပ္ဍဲတွဵုရးဍုၚ်မန် လ္ပာ်လတူ (၅) ပွိုၚ်ဍုၚ်ဂှ် သွက်ဂွံကၠောန်ဗဒှ်အာကၠာတုဲ သှ်ေ (၅) ပွိုၚ်ဍုၚ်ဂှ် ရံၚ်အကာဲအရာပၞာန်တုဲမှ ဆက်ကၠောန်အာပၠန် ဒှ်မာန်ရောၚ် ညးအခါတ်ကာဲပရေၚ်ဍုၚ်ကွာန်မန်မွဲတၠ ဟီုရ။

ပေါဲရုဲမာဲ သၞာံ ၂၀၂၅ ဒကုတ်ပထမ မရန်လဝ် ပ္ဍဲဂိတုဒဳဇြေမ်ဗါ စၟတ်တ္ရဲ ၂၈ တေံဂှ် ကဵုဖျုန် လ္တူဍုင်ဂမၠိုင်တုဲ ကၠောန်ဗဒှ်အာဗွဲကိုပ်ကၠာဏောင် သ္ကိုပ်ပၞာန် မေန်အံင်လှာင် ဟီုရ။

အခိုက်ကၞာမန်ဂှ် နွံတဴဗွဲမဂၠိုၚ်ရောၚ် “အခိုက်မန်ယဝ်ပလေဝ် ကျေဝ်အာဏောၚ်ထေၚ်” နကဵုသာမညဟေၚ် တၚ်လဝ်ယၟုက္ဍိုပ်လိက်တုဲ အခိုက်မန်ၜိုတ်နွံ သ္ဒးပလေဝ်သီုဖအိုတ်ဟာ တၚ်သၟာန်မံက်ကၠုၚ်ရ။ လိက်ပရေၚ်ဝွံ ညးချူလိက်ဏံ ရန်တၟံကဵုပရေၚ်ဍုၚ်ကွာန်မန်တုဲ ချူလဝ်ရ။ ဟိုတ်ဒှ်သာ်ဂှ်တုဲ ပ္ဍဲအရာပလေဝ်အခိုက်ကၞာဏံ သွာၚ်ပရေၚ်ဍုၚ်ကွာန်မန် ယဝ်သ္ဂောံပလေဝ်မ္ဂး ကျေဝ်အာဏောၚ် စှ်ေစိုတ်ဂှ်ရ တၚ်လဝ်ယၟု လိက်ပရေၚ်သာ်ဝွံရ။

ကမ္မယှေန်ပေါဲရုဲမာဲကၟိန်ဍုင်တအ် လလောင်ပ္တိတ်စၟတ်တ္ၚဲကၠောန်ပေါဲရုဲမာဲတုဲအာကီုလေဝ် နကဵုညးဍုင်ကွာန်တအ် စိုတ် ဟွံလုပ်စကဵုပရေင်ပေါဲရုဲမာဲရောင် ညးမင်ရံင်အခါတ်အကာဲပရေင်ဍုင်ကွာန်မန် မွဲတၠ ဟီုရ။