ပွိုင်ဍုင်မုဟ်ဍုင်၊ ပ္ဍဲကွာန်ကၠအ်သတ်ဂှ် မၞိဟ်တြုံ အဝဲပၠိုင်င်ၜါတၠ ဒးဒုင်ပန်ကဵုလွဟ်တုဲ လောတ်ဒေါမ်ချိုတ်မံင် ဗ္ဒါဲရုင် အုပ်ဓုပ်ကွာန် (ကၠအ်သတ်) ဂှ်ရောင် ဂွံတီကေတ်ရ။

ဒပ်ပၞာန် ကေုာံ ဗၠာဲသၟိၚ်တအ် ဖေက်ဂကောံပၠန်ဂတးတအ် လုပ်ပန်ဗတိုက် သၞေဟ်ကၚ်ဒဵုဟလဲတုဲ ကၟာတ်ဆိုအ်သ္ပဒၞန်ကဵု ညးဍုၚ်ကွာန်အာတရဴနွံ
ဌာန်ပရိုင်ဗၠးၜးမန်၊ ဖဝ်ရဂိုန် (၁၂) မံက်၊ ၁၃၈၆ သၞာံ
ပ္ဍဲသၞေဟ်ကၚ်ဒဵုဟလဲ ပယျဵုဍုၚ်မန်ကဵု ရးတနၚ်သဳဂှ် ဒပ်ပၞာန် ကေုာံ ဒပ်ဗၠာဲသၟိၚ်တအ် ဖေက်ဂကောံပၠန်ဂတးတအ် လုပ်ပန်ဗတိုက်တုဲ ကၟာတ်ဆိုအ်သ္ပဒၞန်ကဵု ညးဍုၚ်ကွာန်အာတရဴတအ်နွံရောၚ် ညးဒေသတအ်ဟီုရ။
သၞေဟ်ကၚ်ဒဵုဟလဲဂှ် ဒပ်ပၞာန် ကေုာံ ဒပ်ဗၠာဲသၟိၚ် ဒးတာလျိုၚ်တအ် ဖေက်ဒပ်ပၠန်ဂတးတအ် လုပ်ပန်ဗတိုက်ကီု၊ ဖေက်မခတိုဟ် ဗမ်ဒရုၚ်ကီုဂှ်ရ ကၟာတ်ဆိုအ်လဝ်ကွဳစက်အာတရဴတအ် လအ်တုဲမှ ပံက်ကဵုတတ်ရ။ ဟိုတ်နူကၟာတ်ဆိုအ်လဝ် ကွဳစက်ညးဍုၚ်ကွာန်အာတရဴတအ် လအ်ကဵုအခိၚ်တုဲ ညးဍုၚ်ကွာန်တအ် အိုတ်အခိၚ်ကွေံကွေံရောၚ် ညးဍုၚ်ကွာန် နူပွိုၚ်ဍုၚ်ဍာ်ဗု မွဲတၠ ဟီုထ္ၜးဗီုဏံရ။
“ဍေံတအ် (ဒပ်ပၞာန်၊ ဗၠာဲသၟိၚ်) မံၚ်ဒၟံၚ်လတူဒဵုတေံ သၞေဟ်ကၚ်ဂှ် ဍေံကၟာတ်လဝ်၊ ကာဆိုအ်ဂၠိုၚ်ကၠုၚ်တှ်ေ ဍေံတအ် စှ်ေကၠုၚ်ပံက်ကဵု ပံက်ကဵုပၠန်လေဝ် မွဲဏှေအ်မွဲမ မွဲဏှေအ်မွဲမ ဍေံကဵုအာဆက်ဆက်ဗီုဂှ်ဟွံသေၚ်ပုဟ်၊ ကဵုအာဆက်ဆက်တှ်ေ ကာဆိုအ်ဂှ် အိုတ်အာတှ်ေ ဍေံတေအ်ဖေက်ဒးဒရုၚ်၊ ဍေံသ္ပ ကာဗာ(သ္ပဒၞန်)ကဵု ညးဍုၚ်ကွာန်၊ ကာတအ်ရ” ညးဍုၚ်ကွာန် နူကွာန်ဍာ်ဂမ္တဴ ပွိုၚ်ဍုၚ်ဍာ်ဗု မွဲတၠ ဟီုထ္ၜးရ။
သၞေဟ်ကၚ်(ဒဵုဟလဲ) ပယျဵုတွဵုရးဍုၚ်မန်ကဵု ရးတနၚ်သဳဂှ် ဒပ်ပၞာန် ကေုာံ ဒပ်ဗၠာဲသၟိၚ်တအ် ဇြဟတ် ဗၞတ် (၂၀-၃၀) ဂှ် ဖေက်ဂကောံပၠန်ဂတးတအ် လုပ်ဗတိုက်တုဲ ကေတ်လဝ်ဒၞာဲလတူက္ဍဟ်ဒဵုရ။ အခိၚ်ကွဳစက်ဆိုအ်ဂၠိုၚ်တိုန်မှ စှ်ေပံက်ကဵုသၞေဟ်ကၚ်တုဲ ကဵုကွဳစက်ကာတအ် တတ်အာ မွဲဏှေအ်မွဲဖ္ဍိုက် မွဲဏှေအ်မွဲဖ္ဍိုက်(ပၠအ်မံၚ်အခိၚ်) ရ။
“ဍေံတအ် ဂွံမံၚ်ဂွံဂှ်တှ်ေ သ္ပဒၞန်ကဵု ညးဍုၚ်ကွာန်တအ်ရ၊ ယဝ်ဟဂှ်ဟွံသေၚ်တှ်ေ ရဲမ္ၚး (ဂကောံပၠန်ဂတး) တအ် လုပ်ပန်မွဲဏှေအ်မွဲဏှေအ် ဒုၚ်ဟွံမာန်၊ စုက်တဝ်ကဵု(ဒဵုဟလဲ)ဂှ်တှ်ေ ဍေံဖျေံလဝ်ဒုန်(ဒုန်ကၚ်)ဍေံ ညံၚ်ကာတတ်ဟွံဂွံ၊ ကာဆိုအ်ဂၠိုၚ်တိုန်တှ်ေ ဍေံတအ်စှ်ေကၠုၚ်ပံက်ကဵုရ၊ တ္ၚဲသဝ်ပၠန်တှ်ေ (၄) နာဍဳပြၚ် (၅) နာဍဳတှ်ေ ဍေံဟွံကဵုတတ်ရ၊ ကာအာတရဴ လ္ပာ်တိုန် လ္ပာ်စှ်ေတှ်ေ ဒးတိက်အဂှ်ရ၊ ဍေံကေတ် ကာဗာ(သ္ပဒၞန်)ကဵု ညးဍုၚ်ကွာန်တအ်ရ” ညးကွာန်ဍာ်ဂမ္တဴဂှ် ဆက်ဟီုရ။
ဒၞာဲသၞေဟ်ကၚ်(ဒဵုဟလဲ)ဂှ်ဝွံ သွက်ဂွံကုတ်ထပိုတ်ကၠေံဂၠံၚ်ဍာန် ကေၚ်ကာပၞာန် သွက်ကံၚ်သဳပၞာန်တအ် အဓိကမွဲတုဲ ဂကောံပၠန်ဂတးဂမၠိုၚ်တအ် လုပ်ပန်ဗတိုက်၊ ထောံဖျေံဒၟံၚ်မခတိုဟ် နကဵုဒရုၚ် မွဲဏှေအ်မွဲဏှေအ်နွံရ။

ဟိုတ်နူအကာဲအရာပရေင်ဍုင်ကွာန်တုဲ တ္ၚဲညးဗြဴမန် ဗွိုင်အပ္ဍဲဍုင်ဂှ် ကၠောန်ဟွံမာန်ဏီရောင် ညးချဳဒရာင် ဂကောံညးဗြဴမန်မွဲတၠ ဟီုထ္ၜးရ။

က္ဍိုပ်သ္ကိုပ်ပၞာန် မေန်အံင်လှာင် အဃောအာစိုပ်ဝေင်မံင် ဍုင်ဗဳဠာရုတ်ဂှ် ဟီုဓမံက်ကၠုင် ပ္ဍဲဂိတုလဵု ကၠောန်ဗဒှ်ကဵုပေါဲရုဲမာဲရ။

လၟေင်အရိုဟ်ဟ်သၞာံ စိုပ်ကၠုင်ဂိတုမာ်၊ ဖဝ်ရဂိုန်မ္ဂး ဒှ်အခိင်သွံကွဳလိုန်ဓာတ်ခိုဟ်ကီုလေဝ် သၞာံဏံဂှ် ဟိုတ်နူသၟတ်တအ် ဂြိပ်ပါဲဒဴ နကဵုအသိင်ဘဲဒးသ္ပကောန်ပၞာန်ဂှ်တုဲ သၟတ်ဒၟံင်တန်တဴ ပ္ဍဲဍုင်ကွာန်တအ် အောန်ဂှ်ရ သွံရာန်ကွဳလိုန်ဓာတ် လေဝ် ပရေံမံင်ရောၚ် တၠဆေင်သွံရာန်ကွဳလိုန်ဓာတ် လတူဍုင်ဇြပ်ဗုမွဲတၠ ဟီုရ။

တိကၠအ်ဝါ မၞုံဇိုင်ဍုင် ကရပ်ကွာန်တအ်ဂှ် ကံင်ဇြဳပၞာန်တအ် ပ္တိတ်လဝ်ပၟိင်စၞောန် အခေါင်သွံဂအာင်သ္ရိ ကၟာတ်လဝ်ကီု လေဝ် ပ္ဍဲတွဵုရးဍုင်မန် ဇၟာပ်ပွိုင်ဍုင်ဂှ် ပညဳပညပ်ကဵုကေတ်ဩန်တုဲ ပါ်သွံဒၟံင်ဂအာၚ်သ္ၚိ အတိုင်သၞောတ်တြေံရောင် သ္ဂောံတီကေတ် နူဗွိုင်ညးမရေင်တၠုင်သွံရာန်ဂအာင်သ္ၚိဂမၠိုင်ရ။

အကြာတ္ၚဲတဏံဝွံ ပ္ဍဲကဵုဂိတုဖဝ်ရဂိုန်မံက်ဏံ နူကဵုဗၠာဲသၟိင်သေံ သၚ်္ခဠဗူရဳ (ကွာန်ဝၚ်္က)တံ ထပ်ရပ်ဂွံကောန်ဍုင်ဗၟာ ရဲကၠတ်လုပ်ဍုင်သေံ လၟိဟ် (၅၅) တၠပၠန်ရောင် ဂွံတီကေတ်ရ။

အကြာပွိုင်မွဲၜါတ္ရဲဏအ်ဝွံ ပ္ဍဲဍုင်မတ်မလီု ဒၞါဲပါင်လုပ် တိတ်ဍုင်ကီု၊ အဒေါဝ်ဍုင်ကီု နကဵုကိုန်စဳဇန်တၟေင်တုဲ စၟဳစၟတ်ရပ်ဒၟံင် ကွဳစက်ယာန်၊ ကွဳလိုန် ဓာတ်တံ ဇၞော်ကဵုဇြတဟ်နွံရောင် ညးဒးဒုင်ရပ်စၟဳစၟတ်လဝ် လတူဍုင်မတ်မလီုမွဲတၠ ဟီုလဴထ္ၜးရ။

ပ္ဍဲဒေသရးမန် ဒၞါဲပွိုင်ဍုင်လ္ရဵု နူဂကောံကံင်ဇြဳပၞာန်တံ ကဵုလဝ်အခေါင် ပွမပံက်ဒၟံင် ဝိုင်ဝေင်ၛင်လံင်ဩန်တံဂှ် သွက်ဂွံပြံင်ကၠေံအာရီုပရေင်ပၠန်ဂတးရောၚ် ညးဒေသလ္ၚဵု သ္ၚဳဂၠိပ်ရ။

ဌာန်သ္ဇိုၚ်ပရေၚ်ပညာ ပုပ္ဖဟံသာ ဖျေံသ္ဇိုၚ်ဍုၚ်ဇြပ်ဗုဝွံ ရန်တၟအ်ကဵုသၟတ်ကွးဘာမန်တအ် သ္ဂောံကတ်လ္ရတ်အာ လိက်ပတ်မန် ကေုာံ ပညာဂတာပ်ခေတ်ဂမၠိုၚ်တုဲ ပံက်ဗ္တောန်အာကဵုတန်ဗ္တောန်ဥတုကညၚ် ပညာဒါနနွံရောၚ် ဂွံတီကေတ်ရ။