အခိၚ်ကာလ ကိုန်စဳဇန်ရပ်စပ်ဒၟံၚ် ကွဳစက်ယာန်တ္ၚဲဏံဂှ် သၞာဲဒဴကံၚ်သဳပၞာန်ဌာနလ္ၚဵုတအ် ဗက်ရာန်ဒၟံၚ်ကွဳစက် without လိုၚ်ဇြေန်ဟွံမွဲဂှ်နွံရောၚ် မၞိဟ်ကြပ်ကဵု ညးတာလျိုၚ် ဂကောံကံၚ်သဳတွဵုရးဍုၚ်မန်မွဲတၠ ဟီုလဴထ္ၜးရ။

နူတနေံဏံ ဂိတုဂျောန်စၟတ်တ္ၚဲ (၂၂) အခိင်ဗ္တံ  ပ္ဍဲကၟိန်ဍုင်သေံ ကွာန်ထံက်ခၞောန်ဂှ် ဗၠာဲသၟိင်သေံဍုင်ကမ္မရဳတအ် ဗက်အာစိုပ်ရပ်ဂွံလဝ် ကောန်ဍုင်ဗၟာရဲညးကၠတ်လုပ်ဍုင်လၟိဟ် (၄၁) တၠ သွက်ဂွံလုပ်အာကၠောန်ကမၠောန် ပ္ဍဲဍုင်မလေဝ်ယှာ ကဵု ဍုင်သေံတေံရောင် ဂွံတီကေတ်ရ။

သၟာကမၠောန်ဆုဲပြံၚ်တအ်တက်က္ဍိုပ်တုဲ ဗက်ကၠတ်ၜှ်ပလှ်သတ်ဆု အကြာကၠအ်ညးဍုၚ်ကွာန်တအ် က္တဵုဒှ်ဂၠိုၚ်တိုန်ကၠုၚ်ကွေံကွေံရောၚ် တၠကၠအ်သတ်ဆု နူပွိုၚ်ဍုၚ်ရေဝ်မွဲတၠ ဟီုရ။

ကွးဘာနူဘာကောန်ဂကူလ္ၚဵု ပြံၚ်ကၠောံဘာတန်အလဵုအသဳဂှ် ဂအုပ်ဘာတအ်ဟွံဒုၚ်တဲတုဲ ကွးဘာတအ် ဂွံဆက်တိုန်ဘာဂှ် ဒှ်ဒၟံၚ်ပရေၚ်ခက်ခုဲဖိုဟ်ရောၚ် ညးတာလျိုၚ် ဂကောံ ကေၚ်ကာပွိုၚ်ဍုၚ် (ဗွိုၚ်ပ္ဍဲဍုၚ်) မွဲတၠ ဟီုလဴထ္ၜးရ။

အာယုက်ဇၞော်ကၠုင် ဗျုကၠုင်မ္ဂး ပ္ဍဲခန္ဓကာယပိုဲဏံ မွဲသာ်လေဝ် ဟွံခိုဟ်ရ။ အာယုက်အကြာ ၄၅ – ကဵု – ၆၀ ဂှ် လက်သဏ်ယဲ ထေက်ကဵုပိုဲတံ မ္ဒးစွံသတိ ညံင်ရဴသ္ဂောံစွံသတိမာန်တုဲ သွက်ရသ္ဂောံစဵုဒၞါ သ္ဂောံလွဳပရာမာန်ဂှ် လိက်ပရေင် မဒှ်ဗဟုသုတ စပ်ကဵုပရေင်ထတ်ယုက်ဏံ ဗှ်လ္ၚတ်လဝ်တုဲ မ္ဒးပါ်ပရအ်ဏာကဵုကောန်ဂကူမန် ညးမဗှ်လိက်တံရ။

ကိုန်စဳဇန်ရပ်ကွဳစက်ယာန် ဟွံရုပ်သီဏီဂှ်ရ ကွဳလိုန်ဓာတ်၊ ကွဳစက်တအ် ဟိုတ်နူဒေါံဇူကမၠောန်လအ် ဒှ်ခက်ခုဲတုဲ ဒးတိတ်ကမၠောန်အကြာဘဲအန္တရာဲ ဒးဒုၚ်ရပ်ဂှ်ရောၚ် ညးသွံခၞေဝ်ကေဝ် အကြာကွာန် ပွိုၚ်ဍုၚ်မုဟ်ဍုၚ်မွဲတၠ ဟီုရ။

ဂိတုဇှ်ေ (၈) စွေက်၊ အခိင်နူဂယးဂှ်ဝွံ ပ္ဍဲကၟိန်ဍုင်သေံ ဍုင်ကမ္မရဳ ဗၠာဲသၟိင်သေံတအ် ရပ်ဂွံ ကောန်ဍုင်ဗၟာရဲညးကၠတ်လုပ်ဍုင်သေံ လၟိဟ် (၃၃) တၠနွံရောင် ဂွံဆဵုကေတ်ပရိုင်ရ။

နူကဵုကံၚ်သဳပၞာန်တအ် လးဖျေံကၠုၚ်ဥပဒေ ဇၟာပ်ညးဍုၚ်ကွာန်အာယုက်စိုပ်တအ် ဒးယိုက်ဂၠေၚ်သ္ပကောန်ပၞာန် (ဗၟာ) ဖအိုတ်ရောၚ်တုဲဂှ် ဒၠေၚ်ဣဝဵုညးဍုၚ်ကွာန်တအ် ဇြိုၚ်ကၠုၚ်ဘဲဟွံသာတုဲ လၟုဟ်မ္ဂး ညးဍုၚ်ကွာန်တအ် ရနုက်ဗပေၚ်ကၠုၚ် သွက်ဇြ ဟတ်ဒပ်ပၞာန်ဗၟာတအ် ပေၚ်ကၠုၚ် (၁၃) ဝါတုဲအာရ။

ကၠာသၞာံ ၂၀၂၅ ဟွံအိုတ်ဏံ ယဝ်ရပေါဲရုဲမာဲဒှ်ဍာံမ္ဂး ညးစၞးအလံင်အမာတ် ဗော်ညဳသၟဟ်မန် ဂၠာဲဝါတ်ညိရောင် ကမ္မတဳ ကေင်ကာဗဟဵုလ္ၚဵု အခါတ်အကာဲရ။

အလန်ဏံ ဍုင်အမေရိကာန် ကလေင်ဒှ်ပၞာန်အပ္ဍဲဍုင်မာန်မံင်ရောင်ဂှ် တၠပညာလ္ရဵုတအ် တော်ဆဗှ်လဝ်နိမိတ်ပရဟ်ဟီုလဝ်နွံဂှ် စွံရံင်သတိမဂး တီကေတ်မာန်ရ။ ပ္ဍဲပရိုင်ဍုင်အမေရိကာန်တ္ၚဲဏံ ချူလဝ်နာနာသာ်ဂှ် အကြာသမ္မတကဵုညးစဍုင်ကာလဳဝှဝ်နဳယျာ Governor အရေဝ်ဂၠိုင်ညးသကအ် စပ်ကဵုအရာစကာအဝဵုတွဵုရးကဵု အဝဵုကၟိန်ဍုင်၊ သမ္မတစကာအဝဵုကၟိန်ဍုင် ၜက်တိတ်အာနူ မပိုင်ကၞာတ်လဝ်ဂှ်တုဲ၊ အဝဵုတွဵုရးဂှ် ဒးဆောံလေင်အာ။ အရာမဒးစကာအဝဵု စပ်ကဵုဂွံစကာဇြဟတ်ဒပ်ပၞာန် ဂွံလိုန်ပိန်ကၠေံ ရဲထ္ၜးဆန္ဒတအ်ဂှ် ဒးတတ်ရုင်ညးစဍုင်ကာလဳဝှဝ်နဳယျာကၠာရောင်။ သၟိင်စဍုင်ကာလဳဝှဝ်နဳယျာ ဟွံအာတ်မိက်မွဲသာ် ပလံင်နင်ဒပ်ပၞာန်တအ်ဂှ် ဗၠေတ်နူသၞောဝ်ရောင် မပ္တံသာ်ဏံ သေက်ဇဵုကယျာန်ဓဝါတ်ညးသကအ်အိုတ်ရ။ ပိုဲကေင်တီလဝ်မွဲသာ်ဂှ် အဝဵုတွဵုရး ပ္ဍဲကၟိန်ဍုင်အမေရိကာန်ဂှ် ဇၞော်မံင်ဂှ်တုဲ အဝဵုကၟိန်ဍုင်ဂှ် ဍောတ်မံင်ရောင်။ တုဲပၠန် အကာဲအရာပစ္စုပ္ပန်ဝွံဂှ် ပိုဲသ္ရေဝ်မၠာ်ရံင်မဂး ဂတဏံ သွက်ဂွံလုပ်ပြိုင်သမ္မတပၠန်ဂှ် သၟိင်စဍုင်ကာလဳဝှဝ်နဳယျာဂှ် ဒှ်ပူဂဵုဒယှ်တှ်အိုတ်မွဲ သွက်ဂွံသ္ပစၞး ကဵုဗော်ဒဳမဝ်ကရိတ်ဂှ်တုဲ ယဝ်ရဟွံဖျေံကၠေံညးတေံ နူလၟုဟ်မဂး သွက်ဗော်ရဳပါဗ္ဗလဳကေန်ဂှ် အန္တရာဲနွံရောင်။