နူကဵုအခိင်လၟုဟ်ဏံ ၚုဟ်ထၜိုတ်ဂှ် နွံမံင်အတိုင်တြေံဖိုဟ်တုဲ အခိင်လိုက်ဝှ်တိကှ်တေံလေဝ် ၚုဟ်ထၜိုတ် သွက်ဂွံတိုန်ဂှ် အကာဲအရာနွံအောန်ရောင် တၠကမၠောန် သွံရာန်ထၜိုတ်လ္ၚဵုတအ် ဟီုရ။

ပေါဲရုဲမာဲ အလန်ပထမ ဒကုတ် (၁) ဂှ်ဝွံ ပ္ဍဲတွဵုရးဍုၚ်မန် လ္ပာ်လတူ (၅) ပွိုၚ်ဍုၚ်ဂှ် သွက်ဂွံကၠောန်ဗဒှ်အာကၠာတုဲ သှ်ေ (၅) ပွိုၚ်ဍုၚ်ဂှ် ရံၚ်အကာဲအရာပၞာန်တုဲမှ ဆက်ကၠောန်အာပၠန် ဒှ်မာန်ရောၚ် ညးအခါတ်ကာဲပရေၚ်ဍုၚ်ကွာန်မန်မွဲတၠ ဟီုရ။

ပေါဲရုဲမာဲ သၞာံ ၂၀၂၅ ဒကုတ်ပထမ မရန်လဝ် ပ္ဍဲဂိတုဒဳဇြေမ်ဗါ စၟတ်တ္ရဲ ၂၈ တေံဂှ် ကဵုဖျုန် လ္တူဍုင်ဂမၠိုင်တုဲ ကၠောန်ဗဒှ်အာဗွဲကိုပ်ကၠာဏောင် သ္ကိုပ်ပၞာန် မေန်အံင်လှာင် ဟီုရ။

အခိုက်ကၞာမန်ဂှ် နွံတဴဗွဲမဂၠိုၚ်ရောၚ် “အခိုက်မန်ယဝ်ပလေဝ် ကျေဝ်အာဏောၚ်ထေၚ်” နကဵုသာမညဟေၚ် တၚ်လဝ်ယၟုက္ဍိုပ်လိက်တုဲ အခိုက်မန်ၜိုတ်နွံ သ္ဒးပလေဝ်သီုဖအိုတ်ဟာ တၚ်သၟာန်မံက်ကၠုၚ်ရ။ လိက်ပရေၚ်ဝွံ ညးချူလိက်ဏံ ရန်တၟံကဵုပရေၚ်ဍုၚ်ကွာန်မန်တုဲ ချူလဝ်ရ။ ဟိုတ်ဒှ်သာ်ဂှ်တုဲ ပ္ဍဲအရာပလေဝ်အခိုက်ကၞာဏံ သွာၚ်ပရေၚ်ဍုၚ်ကွာန်မန် ယဝ်သ္ဂောံပလေဝ်မ္ဂး ကျေဝ်အာဏောၚ် စှ်ေစိုတ်ဂှ်ရ တၚ်လဝ်ယၟု လိက်ပရေၚ်သာ်ဝွံရ။

ကမ္မယှေန်ပေါဲရုဲမာဲကၟိန်ဍုင်တအ် လလောင်ပ္တိတ်စၟတ်တ္ၚဲကၠောန်ပေါဲရုဲမာဲတုဲအာကီုလေဝ် နကဵုညးဍုင်ကွာန်တအ် စိုတ် ဟွံလုပ်စကဵုပရေင်ပေါဲရုဲမာဲရောင် ညးမင်ရံင်အခါတ်အကာဲပရေင်ဍုင်ကွာန်မန် မွဲတၠ ဟီုရ။

ကၠအ်ထၜိုတ်သ္ၚောဲကြပ်သီုဖအိုတ်ဂှ် ဒးပါ်ပရအ်ကဵု သၟာကမၠောန်ခွါတ်ထၜိုတ်တအ် ကဝက်ဖအိုတ်ကီုလေဝ် ဇၟာပ်စိုပ်အခိၚ်ဂၠာဲသၟာကမၠောန်ခွာတ်ထၜိုတ်ဂှ် ဂၠာဲရဲ ခွါတ်ထၜိုတ်ဝါတ်တိုန်မံၚ်ဇၟာပ်သၞာံရောၚ် တၠကၠအ်ထၜိုတ်တအ် ဟီုရ။

ဂကောံလိက်ပတ်ယေန်သၞာၚ်မန် တက္ကသဵုကွတ်နဲပညာ(မတ်မလီု)ဝွံ သ္ပသမ္တီကဵုအယုက်ဂကောံပေၚ်(၄၀)သၞာံတုဲ သွက်ဂွံကၠောန်ဗဒှ်အာသဘၚ်ရတုမၞိက်နွံရောၚ် ဂွံတီကေတ်ရ။

ဂကောံပၠန်ဂတးဂမၠိုင်တအ် ဒၟာနူပရေင်ဝေင်ပၞာန် နကဵုဒရုင် Drone မာန်ဂှ်တုဲ ဍုင်မၞုံဒေသသေံသၟဝ်ကျာဂမၠိုင် ကံင်သဳ ပၞာန်-ကမ္မယှေန်ပၞာန်ဗၟာတအ် ဒးဗလးကၠုင်တဲ ဍုင်ဗွဲမဂၠိုင်ရ။

ပေါဲရုဲမာဲကမ္မယှေန်ပၞာန်ဗၟာတံ ရန်လဝ် သွက်ဂွံကၠောန်ကၠာသၞာံ (၂၀၂၅) ဟွံအိုတ်ဏံဂှ် ပါ်ကၠောန်အာ မွဲဒေသတုဲမွဲဒေသ အဆံၚ်ဆံၚ်နွံရောၚ် ညးကြပ်ကဵု ကမ္မယှေန်ပေါဲရုဲမာဲ တွဵုရးဍုၚ်မန်မွဲတၠ ဟီုထ္ၜးရ။

ပ္ဍဲတွဵုရးဍုၚ်မန်ဝွံ ဟိုတ်နူပေဲါပၞာန်သိၚ်ဂှ်တုဲ ဗော်ပရေၚ်ဍုၚ်ကွာန်နူရးတၞဟ်တၞဟ်တအ် ပလေဝ်ပလေတ်ကၠုၚ် သွက်ဂွံလုပ်ပေဲါရုဲမာဲနွံဂၠိုၚ်မံၚ်ရောၚ် ညးတာလျိုၚ်ဗော်ညဳသၟဟ်မန် မွဲတၠ ဟီုရ။