Tag: သၟဟ်သၟန်

“သၞာံဏံဂှ် ဒုၚ်သ္ဇိုၚ်ကဵုယဲကဝ်ဝေဒ်တုဲ အခန်ကၞာနွံမံၚ်ကီု၊ အခန်ကၞာအရၚ်ဂွံဗလး Live ဏောၚ်။ ပ္ဍဲအခန်ကၞာဂှ်တှ်ေ တုပ်ပ်ကဵုလၟေၚ်ၚ်သၞာံကၠောန်ကၠုၚ်လဝ်ဂှ်ရ (ဂိတုဒဳဇြေမ်ဗာ) ၂၇ ဂှ်တှ်ေ ပေဲါပြိုၚ်ဟီုအရေဝ်နွံဏောၚ်။ စၟတ်တ္ၚဲ (၂၈) ဂှ်တှ်ေ ရှ်ေသှ်ေအလာံနွံဏောၚ်။ သဘာပတိတံ ဟီုဂလာန်နွံဏောၚ်။ သၞာံဏံတၟေၚ်မွဲဂှ်တှ်ေ ပေဲါပြိုၚ်ချူလိက် နွံမံၚ်ဏောၚ်”သာ်ဝွံ ညးနွံအခေါၚ်ဟီုဂး ကမ္မတဳကၠောန်ဗဒှ်တ္ၚဲသၟတ်မန် နာဲမန်ထဝ် ဟီုရ။

“ပိုဲဒးသ္ၚဳဂၠိပ်ကေတ်တှ်ေ ဟိုတ်နူကဵုကဝ်ဝေဒ်ရဟာ။ ပ္ဍဲကဵုသၞာံဏံ ၚုဟ်မးထ္ၜိုတ်ဂှ် ၜိုတ်ဒးတိုန်ထေက်ဂှ် ဟွံတိုန်ကၠုၚ်ဏီ ၜိုတ်ပိုဲဒးချိၚ်ဆကေတ်တှ်ေလေဝ်။ အဓိကဂှ် ပ္ဍဲကဵုဍုၚ်ပိုဲဏံ ထ္ၜိုတ်ဂှ် အကာဲအရာဂွံစကာ အိုတ်အာမာန်ဂှ် ပိုဲဟွံညာတ်ဏီ။ ပိုဲဒးစွံမံၚ်အဓိကကဵု ဗွဝ်ဖျာဍုၚ်ကြုက်၊ ဒးဗဒဗဒဲါမံၚ်ညးတံဖိုဟ်ရ” သာ်ဝွံ တၠကၠအ်ထ္ၜိုတ် နာဲကျဳဝေန် ရဲကွာန်ဇီုသာဲဂှ် ဟီုထ္ၜးရ။

ဟိုတ်နူကဵုယဲကပ်ကဝ်ဝေဒ်တုဲ ပရေၚ်ပကောံမၞိဟ်တံ ကၠောန်သ္ပဟွံလောဲဂှ်ရ ညံၚ်ညးဂမၠိုၚ်ဂွံတီအာ ပရေၚ်ချဳဓရာၚ် (၁၆)တ္ၚဲဏံဂှ် ကၠောန်သ္ပပေဲါဍိုက်ကွဳလိုန်ရောၚ် ညးတာလျိုၚ်ဂကောံညးဗြဴမန် ဟီုထ္ၜးရ။

ပ္ဍဲကဵုတွဵုရးဍုၚ်မန်လေဝ် မၞိဟ်ယဲကဝ်ဝေဒ်ဂှ် (၁၀၀၀) တၠပြၚ်တုဲ မၞိဟ်ဒးချိုတ်အာဂှ် (၁၀) တၠရောၚ်။ မၞိဟ်ဒးတိုန်မံၚ်ရုၚ်ဂဥုဲလၟုဟ်ဂှ် ဗၞတ် (၃၀၀) တၠနွံတုဲ အတိုၚ်အသိၚ်ဏံ မၞိဟ်ယဲကၠောံထၞာန်အာမ္ဂး သွက်ဂွံစွံမၞိဟ်ယဲဂှ် ခက်ခုဲဒၞာဲဒှ်အာမာန်ရောၚ် ဌာနထတ်ယုက်တွဵုရးဍုၚ်မန် ဂးလဝ်ရ။

သွက်ဂွံဒှ်ပရေၚ်စဵုဒၞာဲယဲကပ်ကဝ်ဝေဒ်ကီု ယဲကဝ်ဝေဒ်ဏံ ညံၚ်ဟွံဂွံကၠောန်ထၞာန်အာလၟိဟ်ဂၠိုၚ်ၚ်ဂှ် ညးဍုၚ်ကွာန် ပၟိက်ဟွံဇၞော်မ္ဂး ညံၚ်ဟွံဂွံတိတ်မ္ၚးကီု ပွမပကောံမၞိဟ်တံ ဟွံကၠောန်သ္ပမွဲသာ် အတိုၚ်စၞောန်ဌာနပရေၚ်ထတ်ယုက်ဂှ် ဒၟံၚ်စံၚ်အာညိဂှ် ဌာနပရေၚ်ထတ်ယုက်တံ ပ္ဍဲကဵုဂိတုနဝ်ဝေမ်ဗာ ၁၉ ဂှ် ပတိတ်လဝ်လိက်အာတ်မိက်ရ။