Tag: သၟဟ်သၟန်

အလုံကၟိန်ဍုၚ်ဗၟာဝွံ ဟိုတ်နူကဵုယဲကပ်ကဝ်ဝေဒ်တုဲ ပရေၚ်ကမၠောန်ကၟိတ်တံ အောန်စှ်ေကၠုၚ်ဂှ်ရ သွက်ညးဒိုက်ဝါတ်တံဂှ် နကဵုအလဵုအသဳကဵုလဝ်မံၚ်အထံက်အပၚ်ဂှ် ဟွံဂွံမ္ဂး အခေါၚ်တေၚ်နွံရောၚ် အလဵုအသဳတံ သီုကဵုလဝ်မဂၞန်ဖုၚ် သွက်ဂွံဆက်စၠောံရ။

သွက်ဂွံဒှ်ပရေၚ်စဵုဒၞာဲယဲကပ်ကဝ်ဝေဒ်မာန်ဂှ် ပံက်ကၠုၚ်လဝ်သၞေဟ်ကၚ်စၟဳစၟတ် ပါၚ်လုပ်ပွို်ၚ်ဍုၚ်ရေဝ် ပါၚ်ဂၠံၚ်သၞေဟ်ခြေၚ်ဂှ် ပ္ဍဲကဵုအခိၚ်ပေဲါရုဲမာဲဂှ် နူကဵုဂိတုနဝ်ဝေမ်ဗာ ၆ တေံ ကၟာတ်ထောံလဝ်တုဲ ညံၚ်ဂွံကလေၚ်ပံက်ကဵုမာန် ရေၚ်တၠုၚ်မံၚ်ဖိုဟ်ရောၚ် ဂွံတီကေတ်ရ။

ဌာနပရေၚ်ထတ်ယုက်ကၟိန်ဍုၚ်ဂှ် ဒုၚ်သ္ဇိုၚ်ကဵု သၞောဝ်ဥပဒေ မၚ်မွဲစဵုဒၞာဲယဲကၠောံထၞာန်တုဲ ကလေၚ်ပတိတ်လဝ်အမိၚ်ဏံတုဲ ယဝ်ရဟွံဒ္ဂေတ်ဗက်မ္ဂး အတိုၚ်သၞောဝ်ဥပဒေ ယဲကၠောံထၞာန်ဂှ် ရပ်စပ်ကေတ်အာ အရေဝ်ရောၚ် ဌာနပရေၚ်ထတ်ယုက် ကဵုကၠုၚ်လဝ်သတိပၠန်ရ။

ပ္ဍဲကဵုပါၚ်ရုၚ်မာဲဂှ် ဒၞာဲစမ်ဂမ္တဴကီု ဒၞာဲကြာတ်တဲ၊ ဂစတ်ဍာ်ဗံၚ်တံကီု မၞိဟ်မွဲကဵုမွဲ ညံၚ်ဂွံဒၟံၚ်တၞဟ်ခြာဂွံဂှ် ကၠောန်လဝ်ကဵုဒၞာဲနွံမံၚ်ရောၚ်။

“အဓိကဂှ် နူကဵုတွဵုရးတေံ စၞောန်နၚ်ကဵုပံက်ထောံဂုက် (သၞေဟ်ကၚ်) ဂှ်ရ။ အခိၚ်ကၠောန်တေံလေဝ် အဆံၚ်တွဵုရးဂှ် ကဵုလဝ်အခေါၚ်ဟွံသေၚ်ပုဟ်။ ဍေံဗဒေံါဟွံဂွံဏောၚ်၊ ကၠောန်ဏာလဝ်လေဝ်။ ရုဲမာဲဏံတုဲ ဆက်ကၠောန်၊ ဟွံကၠောန်ဂှ် ဍေံဟွံချိုတ်ပၠိုတ်ပုဟ်။ လၟုဟ်ဍေံကဵုနၚ်စၞောန်ဂှ် ကဵုလိက်ဟွံသေၚ်ပုဟ်။ နူကဵုတွဵုရးဂှ် ဟီုကဵုပွိုၚ်ဍုၚ်၊ ပွိုၚ်ဍုၚ်ဂှ် ဟီုကဵုပိုဲတှ်ေ ဒးကၟာတ်ထောံ”