ၜိုန်ကဵုပညာ နဲကဲစုတ်မာဲကီုလေဝ် ညးဍုၚ်ကွာန်တံ ဟွံကၠိုဟ်

by | Sep 25, 2010 | ပရိုၚ် | 0 comments

နာဲစန် – ဗော်ပရေၚ်ဍုၚ်ကွာန် လုပ်ပြိုၚ်ပကာန် ပ္ဍဲတွဵုရးမန်တံ ၜိုန်ရကဵုမံၚ်ပညာ နဲကဲစုတ်မာဲ ကုညးဍုၚ်ကွာန်တံကီုလေဝ် ညးဍုၚ်ကွာန်တံ ဟွံကၠိုဟ် နဲကဲစုတ်မာဲအိုတ်ရောၚ် ဂွံတီကေတ်ရ။

ဗော်ဒဳမဝ်ကရေဇြဳ အလုံရးမန်၊ ဗော်ကၟိန်ဍုၚ်ခိုၚ်ကၠိုက် ဗောအ်ဗြေဝ် (ဗော်ကျဖောအ်) တံ နဲလဵုဂွံ စုတ်မာဲကဵု ညးစၞး စၠတ်ထဝ်ညးဍုၚ်ကွာန်၊ ညးစၞး စၠတ်ထဝ်ကောန်ဂကူ၊ ညးစၞး စၠတ်ထဝ် တွဵုရးတံဂှ် ကဵုတန်ဗ္တောန်တုဲ သောၚ်ထ္ၜးကဵု ညးဍုၚ်ကွာန်တံကီုလေဝ် နဲကဵုမာဲဂှ် ယှုက်ထုဲလောန်တုဲ ကၠိုဟ်ကေတ်ဟွံမာန်ရောၚ်ဂှ် အနော်မၞံုအာယုက် (၆၀) သၞာံမွဲတၠ ဟီုရ။

ညးမွဲတၠ မတိုန်လဝ် တန်ဗ္တောန်နဲကဲစုတ်မာဲ နူဗော်ဒဳမဝ်ကရေဇြဳ အလုံရးမန် (ဗော်မန်တၟိ) ကၠုၚ်ကဵုတန်ဗ္တောန်ဂှ်လေဝ် “နဲစုတ်မာဲဏံ ယှုက်ထုဲကွေံကွေံ၊ ဒးစုတ်မံၚ် ပိပန်ဂကူတှေ် ဗီုလဵုဂွံစုတ်လေဝ် ဟွံတီပုဟ်” သာ်ဝွံ ဟီုရ။

ဗော်မန်တၟိတံဂှ် ညံၚ်ညးဍုၚ်ကွာန်တံ ဂွံကၠိုဟ် ကဵုပညာနဲကဲစုတ်မာဲ နကဵုခံက်အၚ်ကီုလေဝ် မွဲဝါဓဝ် ညးဍုၚ်ကွာန်တံ ဟွံကၠိုဟ်ကေတ်ရောၚ် ကောန်ဗော်မွဲတၠ ဟီုရ။

ဗီုပြၚ်လဵု ဂွံစုတ်မာဲဂှ် ကဝ်မရှေန်ပေဲါရုဲမာဲ ဟွံလလောၚ်ပတိတ် ချိုတ်တ်ပၠိုတ်တ်ဏီတုဲ ဗော်ပရေၚ်ဍုၚ်ကွာန်တံ ဒးကဵုမံၚ်ပညာ သဇိုၚ်နဲကဲစုတ်မာဲရ။

“ဗီုလဵုကဵုပညာလေဝ် ညးဍုၚ်ကွာန်တံ စုတ်မာဲလေပ် ဟွံသေၚ်ပုဟ်၊ ပိုဲကွးဘာတန်ဗ္တောန် (၁၅) တၠ ကဵုစမ်ရံၚ်မာဲ ပ္ဍဲတန်ဗ္တောန်၊ မၞိဟ် (၆) တၠရ စုတ်မာဲလေပ်၊ မၞိဟ်သှေ် (၉) တၠတံဂှ် ဒှ်အာမာဲ ဒးဒုၚ်ပဲါ ဖအိုတ်” သာ်ဝွံ ကွးဘာတန်ဗ္တောန်မွဲတၠ ဟီုရ။

ညးကဵုမာဲတံဂှ် သွက်စၠတ်ထဝ် ပိဗၠိုၚ် ဒးကဵုမာဲ နကဵုတၞးမာဲ ပိဂကူတုဲ ပ္ဍဲတၞးမာဲဂှ် ယၟု ကေုာံ သၚ်္ကေတ ညးစၞးစၠတ်ထဝ်တံကီု၊ လပါ်စးတၞးမာဲဂှ် တဆိပ်ကဝ်မရှေန် ပေဲါရုဲမာဲကေုာံ လိက်ဒမၠုက်တံကီု ချူဓမံက်ထ္ၜးလဝ် နွံရောၚ်ဂှ် ချူလဝ် ပ္ဍဲလိက်ပရိုၚ် အလဵုအသဳဗၟာရ။

Written by

Related Posts

ပ္ဍဲသခႅဠဗူရဳ (ဝင်က) ဂှ် ကၠောန်သၠုင်ပ္တိုန်ကဵုအဆံင်ၝာတ် စဵုသၞာံဏံအိုတ်ဏောင် ဂး

ပ္ဍဲသခႅဠဗူရဳ (ဝင်က) ဂှ် ကၠောန်သၠုင်ပ္တိုန်ကဵုအဆံင်ၝာတ် စဵုသၞာံဏံအိုတ်ဏောင် ဂး

ပ္ဍဲကဵုရုင်ပွိုင်ဍုင် (ရုင်အာမ်ဖေ) သင်ခႅဠဗူရဳ (ဝင်က) မၞုံခရိုၚ်ကမ္မရဳ ကၟိန်ဍုၚ်သေံဂှ်ဝွံ သၞာံဏအ် စနူဂိတုဂျောန်မံက် ဓမံက်ရုပ်ရဴ ကၠောန်သၠုင်ပတိုန်အဆံင်ၝာတ် ကဵု ညးဍုင်ကွာန်တံတုဲ စဵုကဵုသၞာံဏံအိုတ် ကၠောန်ကဵုညံင်ဂွံတုဲဒှ်အာရောင် ဂွံတီကေတ် နူသၞာဲဒဴကၠောန်ဒၟံင်ကမၠောန် (ပ္ဍဲရုင်အာမ်ဖေ) မွဲတၠဂှ် ဟီုရ။

ကောန်ဂကူမန် စိုပ်ယူရောပ်တအ် ကၠောန်ဗဒှ်လဝ်သဘင်ဥတုကညင် ပ္ဍဲဍုင်နေဝ်တာလာန်

ကောန်ဂကူမန် စိုပ်ယူရောပ်တအ် ကၠောန်ဗဒှ်လဝ်သဘင်ဥတုကညင် ပ္ဍဲဍုင်နေဝ်တာလာန်

နူကဵုဂကောံညဳသၟဟ်မန်ယူရောပ် က္ဍိုက်ပ်တုဲ သွက်သၞာံ ၂၀၂၅ ဏအ် ကၠောန်ဗဒှ်လဝ်သဘင်ဥတုကညင် မရနုက်ကဵု ၄ ဝါ ပ္ဍဲကဵုဍုင်နေဝ်တာလာန် တုဲဒှ်အာရ။

ပ္ဍဲဍုၚ်ကျာ်ပိဂှ် ဂကောံရပ်လွဟ်တံ ဟွံကဵုအခေါၚ်သွံရာန် ဍာ်တၞးၝာဲကထီု (တၞးဘိင်) ရ ဂး

ပ္ဍဲဍုၚ်ကျာ်ပိဂှ် ဂကောံရပ်လွဟ်တံ ဟွံကဵုအခေါၚ်သွံရာန် ဍာ်တၞးၝာဲကထီု (တၞးဘိင်) ရ ဂး

နူကဵုဂကောံရပ်လွဟ်ဒဳကေဗဳအေ ကေုာံ ဗော်ကေအေန်ယူ မထိၚ်ဒဝ်လဝ် ပ္ဍဲဍုၚ်ကျာ်ပိတအ်ဂှ် စနူဂိတုဂျူလာၚ် စၟတ်တ္ၚဲ (၂၅) ဂှ်တုဲ ကၟာတ်ကၠေံလဝ်အခေါင် သွံရာန် ဍာ်တၞးၝာဲကထီု ကော်ဂး ဍာ်တၞးဘိင်ဂမၠိုင်ရောင် ဂွံတီကေတ်ရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.