နာဲမာန် – ကောန်သၟိၚ်ဒယှ် မန်ချေတ်သိုဝ် စုတိအာ လအ်ဂွံ ၅ သၞာံတုဲကီုလေဝ် ရမျာၚ်ဒွက် မန်ချေတ်သိုဝ်ဂှ် ခက်ဗာန်မံၚ် ပ္ဍဲကတောဝ် ပုရိသာတ် မဟာဇန်မန်တအ် ဒဵုတ္ၚဲဏံဏီရ။
ပ္ဍဲကဵုသဘၚ် သ္ပကေၚ်ကာမ္ၚဵု မွဲမွဲသာ်ကီု အကြာကွဳစက်ယာန် သၟတ်တအ်ကီု ရမျာၚ်ဒွက် ကောန်သၟိၚ် မန်ချေတ်သိုဝ်ဂှ် ဟွံပါဟွံတုဲ လုပ်ကေတ်မံၚ်ဒၞာဲဖိုဟ်ရ။
“ပ္ဍဲကဵု Phone အဲတှေ် ဒွက်မန်ချေတ်သိုဝ်ဂှ် ဒှ်မံၚ်ဒွက် သွက်အဲ ဂွံကလၚ် အဓိကမွဲဏောဝ်၊ ဒွက်မန်ချေတ်သိုဝ် မွဲကဝးဟွံသေၚ် မွဲကဝးဂှ် အဲဒးစွံလဝ် ပ္ဍဲ phone အဲ တွဵု” သာ်ဏံ သၟတ်စုတ်လဝ် Sound Box ပ္ဍဲကွဳလိုန်ဓါတ် နာဲဆာန်မိုၚ် နူပွိုၚ်ဍုၚ်ရေဝ်ဂှ် ဟီုရ။
မန်ချေတ်သိုဝ်ဝွံ အဃောဒယှ်တှ် ပြာကတ် ဂွံအာယုက် ၃၆ သၞာံ၊ ပ္ဍဲသက္ကရာဇ်ဍုၚ် ၁၃၆၈၊ ဂိတုဖဝ်ရဂိုန် ၁၃ စွေက်ဂှ် နကဵုယဲဇွဟ် စုတိအာ ပ္ဍဲရုၚ်ဂဥုဲ ယှိုဲဂုၚ်တိုၚ် ဍုၚ်လ္ဂုၚ်ရ။
ၜိုန်ရညး စုတိအာကီုလေဝ် ရမျာၚ်ဒွက်ညးဂှ် အကြာအဝဲညးဇၞော်ကီု အကြာအဝဲသၟတ်တအ်ကီု ဒဵုတ္ၚဲဏံ ဟွံဟဲအိုတ်အာဏီရ။
မန်ချေတ်သိုဝ်ဂှ် ပတိတ်လဝ် ကဝးဒွက် ရ ကဝးကေုာံ ကဝး (VCD) ဒွက်ရုဲစှ် မွဲကဝးရ။ ဒွက်ညးဂှ် ဒယှေ်လဝ် သွက်ပုရိသာတ် သၟတ်ခေတ်တၟိကီု သီုသွက်မၞိဟ်ဇၞော် ဒွက်ၜိုဟ်ဟ်တံရ။
ကောန်သၟိၚ် မန်ချေတ်သဵု
ကဝးဒွက် မန်ချေတ်သိုဝ်ဂမၠိုၚ်ဂှ် မာဇြဳဒဳဒေဝဳ၊ မာဇြဳဒဳ ချာၚ်ဏာ၊ ထိုၚ်တေၚ်မှ ဘဝၚ်သၠုၚ်၊ ပေဲါပြိုၚ်မေတ္တာ၊ စာ်စာ်ပါ်ပါ်၊ မုဟိုတ်ဒဿဂြဳ ဒးကျဆာန် ကေုာံ ကၠေံမံၚ်အလဵုရော မိအီဆာဲ တံ မဒှ်အိုတ်ရ။
“ဒွက်မန်ချေတ်သိုဝ်ဂှ် ဒှ်သ္ကအ်လ္ၚောဝ် အဲရ၊ ဒွက်ညးတၞဟ်ဂှ် ပရေံ ဟွံသေၚ်။ ဆဂး ရမျာၚ်ဒွက် မန်ချေတ်သိုဝ်ဂှ် ပရေၚ်ဂကူကီု ပရေၚ်ခေတ်ကီု ပရေၚ်ဆာန်ကီု အာစာချူဒွက် တၠဂုဏ် ကန္တာဇၞူမာန် စဳဇန်လဝ် ခိုဟ်ကွေံကွေံဏောဝ်။ တၟံမၞိဟ် ဒးစောဲစပ်မံၚ် ဖအိုတ်ေ
ဏာဝ်” သာ်ဝွံ သၟတ် နူပွိုၚ်ဍုၚ်မုဟ်ဍုၚ်မွဲတၠ ဟီုရ။
“မွဲသာ်ပၠန် အဃောမန်ချေတ်သိုဝ် ဒယှ်တှ်မံၚ်ဂှ် မ္ဒးစုတိအာဂှ်ရ ပုရိသာတ်တံ ဒးဒုၚ်စသိုၚ် ဂၠိုၚ်တုဲ ရမျာၚ်ဒွက်ညးဂှ် စောဲဗာန်မံၚ် ပ္ဍဲပုရိသာတ်တံ ဂၠိုၚ်” သာ်ဏံ ညးဆက်ဟီု လညာတ်ညးရ။
အခိၚ်တ္ၚဲဏံဂှ် ဇၟာပ်ဇၟာပ် သၟတ်မန် မဍိုက်ကွဳလိုန်ဓါတ်တအ် တောဲစုတ်လဝ် (Sound box) တုဲ ပံက်မံၚ် ရမျာၚ်ဒွက် ကောန်သၟိၚ်မန်ချေတ်သိုဝ် အလုံဂၠံၚ်ဍာန်ဏီဖိုဟ်ရောၚ်။ youtube
