ဒၞာဲဗ္တောန်လိက်မန်ဥတုကညၚ် ပ္ဍဲကဵုဒေသဇၞော်ရးလ္ဂုၚ်ဂၠိုၚ်တိုန်

by ဌာန်ပရိုၚ်ဗၠးၜးမန် | Mar 22, 2012 | ပရိုၚ် | 0 comments

ခတ္တာနန် – ဂကောံကမ္မတဳလိက်ပတ်ယေန်သၞာၚ် (ဍုၚ်လဂုၚ်) က္ဍိုက်ပ်တုဲ စနူကဵုဂိတုမတ် ၂ ပံက်ကၠုၚ်တန်ဗ္တောန်လိခ်မန်ဥတုကညၚ် ပ္ဍဲကဵုရးဒေသဇၞော်လ္ဂုၚ်ဂှ် သၞာံဏံဝွံ ဂၠိုၚ်တိုန်နူကဵုသၞာံတုဲကၠုၚ်တေံ ၅ ပွိုၚ်ဍုၚ်ရ။

ကွးဘာမန်ဥတုကညၚ်(Photo-Internet)

ညးအုပ်ကာ ကမ္မတဳကၠောန်ဗဒှ်တ္ၚဲကောန်ဂကူမန် (၆၅) ဝါ (ဍုၚ်လ္ဂုၚ်) နာဲသဵုကျဳဂှ်“ ပ္ဍဲသၞာံဏံ ပဵုတိုန်နူကဵုသၞာံတုဲကၠုၚ်တေံ ၅ ဒၞာဲ၊ သၞာံတုဲတုဲတေံတှေ် ၁၅ ပွိုၚ်ဍုၚ်ရ၊ သၞာံဏံဂှ်ပွိုၚ်ဍုၚ်တေန်ဂါန်ကျောန်၊ ပွိုၚ်ဍုၚ်လှာၚ်တာယျာ၊ ပွိုၚ်ဍုၚ်ယှိုဲပျဳတာ၊ ပွိုၚ်ဍုၚ်သၠုၚ်ကျာဒဂုၚ်၊ ပွိုၚ်ဍုၚ်တာမွဲတအ် ပဵုတိုန်ရ” သာ်ဝွံ ဟီုရ။

ပ္ဍဲသၞာံဏံကောန်ကွးဘာဥတုကညၚ်ဒေသဇၞော်ရးလ္ဂုၚ် ကွးဘာနွံၜိုတ် ၃၀၀ တၠနွံတုဲ မွဲပွိုၚ်ဍုၚ်မ္ဂး အောန်အိုတ် ၁၀ ၊ ဂၠိုၚ်အိုတ် ၄၀ တၠတံ ကတ်ဗတောန်မံၚ်ရ။

ဥက္ကဌ ဂကောံလိက်ပတ်ယေန်သၞာၚ်(ဍုၚ်လ္ဂုၚ်) နာဲမာံတံၚ်ယျှေန်ဂှ် “ အစာဘာတအ်ဂှ်တှေ် နူကဵုဍုၚ်မန်ပိုဲ၊ နူဍုၚ်လ္ဂုၚ်ဏံ၊ တုဲပၠန်ကွးဘာမန် နူကဵု American Center တအ်ကဵုအရီုအဗၚ်တုဲ ဘိုၚ်ဗ္တောန်မံၚ်ကဵုရ” သာ်ဝွံဟီုလဝ်ရ။

ဘာဥတုကညၚ်ဏံဂှ် ဗ္တောန်ဒၟံၚ် ပ္ဍဲကဵုဇြပ်သဘၚ်ဓဝ်၊ ဘာလကျာ် ကေုာံ ပ္ဍဲကဵုသ္ၚိလေဝ်နွံရ။

စနူဂိတုမာတ်ချ် ၁ တုဲ ပ္ဍဲတွဵုရးဍုၚ်မန်ဂှ် ဇၟာပ်ပွိုၚ်ဍုၚ်၊ ဇၟာပ်ကွာန်မန်တအ်ဝွံ စပံက်လဝ်ဘာဥတုကညၚ်ရ။

ပရေၚ်ဗ္တောန်လိက်ဥတုကညၚ်ဝွံ အပ္ဍဲတွဵုရးမန်သၟးဟွံက၊ ပ္ဍဲဒေသကောန်ဂကူမန်တံတန်တဴဒၟံၚ် မပ္တံကဵုဍုၚ်လ္ဂုၚ်၊ ရးဗဂေါ၊ တွဵုရးကရေၚ်တံဂှ်လေဝ် ဗ္တောန်ကၠုၚ်ဇၟာပ်ဇၟာပ်သၞာံရ။

← သၟာပရေၚ်ဍုၚ်ကွာန်ဒယှ်တှ်တအ်တိုန်စိုပ် တ္ၚဲဒှ်မၞိဟ်နာဲၚိုဲတိၚ် ၜဵုဍုၚ်မန် ၚုဟ်မးထပ်သဝ်စှေ်ကၠုၚ် →

Written by

အသိင်သၟတ်တအ် ဂြိပ်ပါဲဒဴပရေင်ဒးသ္ပကောန်ပၞာန်ဂှ်တုဲ အခိင်သွံရာန်ကွဳလိုန်ဓာတ်ခိုဟ်ဂှ် သွံဟွံဂြိပ်

by ဌာန်ပရိုၚ်ဗၠးၜးမန် | Mar 7, 2025 | ပရိုၚ်

လၟေင်အရိုဟ်ဟ်သၞာံ စိုပ်ကၠုင်ဂိတုမာ်၊ ဖဝ်ရဂိုန်မ္ဂး ဒှ်အခိင်သွံကွဳလိုန်ဓာတ်ခိုဟ်ကီုလေဝ် သၞာံဏံဂှ် ဟိုတ်နူသၟတ်တအ် ဂြိပ်ပါဲဒဴ နကဵုအသိင်ဘဲဒးသ္ပကောန်ပၞာန်ဂှ်တုဲ သၟတ်ဒၟံင်တန်တဴ ပ္ဍဲဍုင်ကွာန်တအ် အောန်ဂှ်ရ သွံရာန်ကွဳလိုန်ဓာတ် လေဝ် ပရေံမံင်ရောၚ် တၠဆေင်သွံရာန်ကွဳလိုန်ဓာတ် လတူဍုင်ဇြပ်ဗုမွဲတၠ ဟီုရ။

တိကၠအ်ဝါ ဇိုင်ကွာန်တအ်ဂှ် ကၟာတ်လဝ် အခေါင်သွံရာန် ပါ်ဂအာင်သ္ၚိကီုလေဝ် ပါ်သွံရာန်မံၚ်အတိုင်သၞောတ်တြေံ

by ဌာန်ပရိုၚ်ဗၠးၜးမန် | Mar 6, 2025 | ပရိုၚ်

တိကၠအ်ဝါ မၞုံဇိုင်ဍုင် ကရပ်ကွာန်တအ်ဂှ် ကံင်ဇြဳပၞာန်တအ် ပ္တိတ်လဝ်ပၟိင်စၞောန် အခေါင်သွံဂအာင်သ္ရိ ကၟာတ်လဝ်ကီု လေဝ် ပ္ဍဲတွဵုရးဍုင်မန် ဇၟာပ်ပွိုင်ဍုင်ဂှ် ပညဳပညပ်ကဵုကေတ်ဩန်တုဲ ပါ်သွံဒၟံင်ဂအာၚ်သ္ၚိ အတိုင်သၞောတ်တြေံရောင် သ္ဂောံတီကေတ် နူဗွိုင်ညးမရေင်တၠုင်သွံရာန်ဂအာင်သ္ၚိဂမၠိုင်ရ။

0 Comments

Submit a Comment Cancel reply

This site uses Akismet to reduce spam. Learn how your comment data is processed.