သကိုပ်ဝန်ဇၞော်တြေံဍုၚ်သေံ ချာဝလေတ်ကေုာံဂကောံ ကၠုၚ်ဆဵုဂဗကဵု တၠကမၠောန်ပရေၚ်ပိုန်ဒြပ်မန်

by | Jan 23, 2013 | ပရိုၚ် | 0 comments

ဌာန်ပရိုၚ်ဗၠးၜးမန် – သကိုပ်ဝန်ဇၞော်တြေံ ဍုၚ်သေံ ချာဝလေတ် ယံၚ်ၛာဲယုဒ် ကေုာံဂကောံဂှ် ကၠုၚ်ဆဵုဂဗကဵု တၠကမၠောန်ပရေၚ်ပိုန်ဒြပ်မန် ပ္ဍဲရုၚ်ဝန်ဇၞော် တွဵုရးမန် ဍုၚ်မတ်မလီု ပ္ဍဲဂိတုဂျာန္နဝါရဳ ၂၂ အခိၚ်နူဂယး ၉ နာဍဳရ။

အဃော ဒုၚ်တၠၚ်မံၚ် သ္ကိုပ်ဝန်ဇၞော်သေံတြေံ ချာဝလေတ်(TLT)

အဃော ဒုၚ်တၠၚ်မံၚ် သ္ကိုပ်ဝန်ဇၞော်သေံတြေံ ချာဝလေတ်(TLT)

ပ္ဍဲပေဲါဆဵုဂဗဂှ် လပါ်ဍုၚ်သေံ ချာဝလေတ် ကေုာံ ကောန်ဂကောံ ၁၇ တၠပါလုပ်တုဲ တၠကမၠောန်ပရေၚ်ပိုန်ဒြပ် ပရေၚ်ပလံၚ်ဗစိုပ် တွဵုရးမန် ကေုာံ တၠကမၠောန်ပရေၚ်ပိုန်ဒြပ်ဇၞော် ဂကူမန် ၄ တၠလေဝ် တိုန်စိုပ်အိုတ်ရ။

ချာဝလေတ်တံဂှ် အခိၚ်နူဂယး စိုပ်ကၠုၚ်သၞေဟ်က္ၜၚ်ကျာ မတ်မလီုတုဲ တၠကမၠောန်ပရေၚ်ပိုန်ဒြပ်မန် ကေုာံ သၟတ်မန် သီုဖအိုတ် ၅၀ တၠပြၚ်တံ အာဒုၚ်တၠုၚ်အိုတ်ရ။

“ချာဝလေတ်ဂှ် ပ္ဍဲဍုၚ်မန် ကမၠောန်ဖောအ်ဗြေဝ်ဍုၚ်မန် မုနွံရော၊ လၟုဟ်မုကမၠောန်နွံရော ညးသၟာန်ကၠုၚ်၊ တုဲပၠန် သွက်ကမၠောန်ပရေၚ်ပိုန်ဒြပ် ဂွံဇၞော်မောဝ် ညံၚ်ဂွံပံၚ်တောဲကၠောန်ကဵု တၠကမၠောန်ပရေၚ်ပိုန်ဒြပ်သေံဂှ် ညးကၠုၚ်ပ္ညဳပ္ညပ်” သာ်ဝွံ တၠကမၠောန်ပရေၚ်ပိုန်ဒြပ်မန်မွဲတၠ ဟီုရ။

လၟေၚ်တရဴ ချာဝလေတ် ကၠုၚ်ဍုၚ်မန်ဂှ် ဒှ်တရဴကၠုၚ်လ္ၚတ် သွက်ဂွံဓလိုက်တမ်ရိုဟ် စပ်ကဵုကမၠောန် ကိုန်စဳဇန်ပရေၚ်ဖောအ်ဗြေဝ်တုဲ သွက်သ္ဂောံပံၚ်တောဲကၠောန်ကဵု တၠကမၠောန်ပရေၚ်ပိုန်ဒြပ်သေံဂှ်လေဝ် ဗတိုက်ဖအောဝ်ကၠုၚ်ကီုရောၚ် ဂွံတီကေတ်ရ။

လၟေၚ်တရဴဏံဂှ် နူကမၠောန်ပရေၚ်ပလံၚ်ဗစိုပ် Mon & Thanakorn Group မဖျေံသဇိုၚ် ဍုၚ်မန်ဂှ် စဳဇန်ဖန်ဖက်လဝ်ရောၚ် ဂွံတီကေတ်ရ။

လၟေၚ်တရဴ ချာဝလေတ် လၟုဟ်ဏံဂှ် မဒှ်လၟေၚ်တရဴ ကၠုၚ်ဍုၚ်ဗၟာ အလန်ဒုတိယတုဲ မဒှ်လၟေၚ်တရဴဍုၚ်မန် ကိုပ်ကၠာအိုတ်ရ။

အခိၚ်သဝ်တ္ၚဲဂှ် ချာဝလေတ် ကေုာံ ဂကောံညးတံ ကလေၚ်စဴအာ ဍုၚ်သေံရောၚ် ဂွံတီကေတ်ရ။

သွက်သ္ဂောံကၠောန် ကိုန်စဳဇန် ပရေၚ်ဖောအ်ဗြေဝ် ပ္ဍဲဍုၚ်သေံ သကုတ်သၟဝ်ကျာ ကေုာံ သကုတ်သၟဝ်တံဂှ်တုဲ အလဵုအသဳသေံ ဖျေံကဵုတမ် သြန်သေံ ၅၂ ဗဳလျာန်၊ ဒဝ်ဠာ အမေရိကာန် ၁၇၀၀ ပြကောဋိကိုဋ်ရောၚ်ဂှ် ပ္ဍဲဂိတုဂျာန္နဝါရဳ ၂၂ ဏံ ချူဓမံက်လဝ် ပ္ဍဲပရိုၚ်သေံအိုတ်ရ။

ပ္ဍဲကိုန်စဳဇန် အလဵုအသဳသေံ ကဵုလဝ်အခေါၚ်ဂှ် သွက်သ္ဂောံသိုၚ်ခၞံပတိုန် ဇြုၚ်ပရေၚ်ပိုန်ဒြပ်တၟေၚ် ပ္ဍဲဒေသမာဲဆံက် ပယျဵုသေံ-ဗၟာလေဝ် ပါလုပ်မံၚ်ကီုတုဲ ပ္ဍဲသၞာံတုဲကၠုၚ်ဏံ သွက်ပရေၚ်ဆက်စၠောံဗၞိက် ဒေသပယျဵု ဗြဝတဳ-မာဲဆံက်ဂှ် ဖအိုတ်လဝ်သြန်သေံ ၃၀ ဗဳလျာန်ဂှ်ရ ပ္ဍဲဍုၚ်သေံ သကုတ်သၟဝ်ကျာမ္ဂး မဖအိုတ်လဝ်သြန်ဂၠိုၚ်အိုတ်ရောၚ်ဂှ်လေဝ် လိက်ပရိုၚ်သေံတံ ချူလဝ်အိုတ်ရ။

Written by

Related Posts

ပ္ဍဲသခႅဠဗူရဳ (ဝင်က) ဂှ် ကၠောန်သၠုင်ပ္တိုန်ကဵုအဆံင်ၝာတ် စဵုသၞာံဏံအိုတ်ဏောင် ဂး

ပ္ဍဲသခႅဠဗူရဳ (ဝင်က) ဂှ် ကၠောန်သၠုင်ပ္တိုန်ကဵုအဆံင်ၝာတ် စဵုသၞာံဏံအိုတ်ဏောင် ဂး

ပ္ဍဲကဵုရုင်ပွိုင်ဍုင် (ရုင်အာမ်ဖေ) သင်ခႅဠဗူရဳ (ဝင်က) မၞုံခရိုၚ်ကမ္မရဳ ကၟိန်ဍုၚ်သေံဂှ်ဝွံ သၞာံဏအ် စနူဂိတုဂျောန်မံက် ဓမံက်ရုပ်ရဴ ကၠောန်သၠုင်ပတိုန်အဆံင်ၝာတ် ကဵု ညးဍုင်ကွာန်တံတုဲ စဵုကဵုသၞာံဏံအိုတ် ကၠောန်ကဵုညံင်ဂွံတုဲဒှ်အာရောင် ဂွံတီကေတ် နူသၞာဲဒဴကၠောန်ဒၟံင်ကမၠောန် (ပ္ဍဲရုင်အာမ်ဖေ) မွဲတၠဂှ် ဟီုရ။

ကောန်ဂကူမန် စိုပ်ယူရောပ်တအ် ကၠောန်ဗဒှ်လဝ်သဘင်ဥတုကညင် ပ္ဍဲဍုင်နေဝ်တာလာန်

ကောန်ဂကူမန် စိုပ်ယူရောပ်တအ် ကၠောန်ဗဒှ်လဝ်သဘင်ဥတုကညင် ပ္ဍဲဍုင်နေဝ်တာလာန်

နူကဵုဂကောံညဳသၟဟ်မန်ယူရောပ် က္ဍိုက်ပ်တုဲ သွက်သၞာံ ၂၀၂၅ ဏအ် ကၠောန်ဗဒှ်လဝ်သဘင်ဥတုကညင် မရနုက်ကဵု ၄ ဝါ ပ္ဍဲကဵုဍုင်နေဝ်တာလာန် တုဲဒှ်အာရ။

ပ္ဍဲဍုၚ်ကျာ်ပိဂှ် ဂကောံရပ်လွဟ်တံ ဟွံကဵုအခေါၚ်သွံရာန် ဍာ်တၞးၝာဲကထီု (တၞးဘိင်) ရ ဂး

ပ္ဍဲဍုၚ်ကျာ်ပိဂှ် ဂကောံရပ်လွဟ်တံ ဟွံကဵုအခေါၚ်သွံရာန် ဍာ်တၞးၝာဲကထီု (တၞးဘိင်) ရ ဂး

နူကဵုဂကောံရပ်လွဟ်ဒဳကေဗဳအေ ကေုာံ ဗော်ကေအေန်ယူ မထိၚ်ဒဝ်လဝ် ပ္ဍဲဍုၚ်ကျာ်ပိတအ်ဂှ် စနူဂိတုဂျူလာၚ် စၟတ်တ္ၚဲ (၂၅) ဂှ်တုဲ ကၟာတ်ကၠေံလဝ်အခေါင် သွံရာန် ဍာ်တၞးၝာဲကထီု ကော်ဂး ဍာ်တၞးဘိင်ဂမၠိုင်ရောင် ဂွံတီကေတ်ရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.