ဗၠာဲသၟိၚ်သေံ ရပ်ဂွံဘိၚ်ဗု Heroin ကုကောန်ဍုၚ်ဗၟာ ၚုဟ်မး ၁၀၀၀ ကိုဋ်ၜါတ်

by ဌာန်ပရိုၚ်ဗၠးၜးမန် | Jul 4, 2013 | ပရိုၚ် | 0 comments

မိလျးထဝ် – အပ္ဍဲဒေသပယျဵုသေံကဵုဗၟာ လပါ်ဒေသမေဝ်သာဲဂှ် ဗၠာဲသၟိၚ်သေံတံ ရပ်ဂွံဘိၚ်ဗု (Heroin) ကုကောန်ဍုၚ်ဗၟာ ၃ တၠ ၚုဟ်မးသြန်သေံ ၜိုတ် ၁၀၀၀ ကိုဋ်ၜါတ်နွံရောၚ် ဂွံတီကေတ်ရ။

ဗၠာဲသၟိၚ်သေံ ရပ်ဂွံဘိၚ်ဗုတုဲ ဗီုသောၚ်ထ္ၜးမံၚ်(Daily News)

အပ္ဍဲဂိတု ဂျုန် ၂ ဂှ် ဗၠာဲသၟိၚ်သေံတံ ရပ်ဂွံ ကောန်ဍုၚ်ဗၟာ ၃ တၠကဵု ထိုၚ်ပိမ စုတ်လဝ် ဘိၚ်ဗုလျိုၚ် ၈.၅ ကဳ လိုဂရာမ် အပ္ဍဲဒၞာဲဇူဒီု ဖျတ်ချာရဖေါန် Phatcharaporn Resort ဍုၚ်မေဝ်သာဲ Measai အပ္ဍဲခရိုၚ်ချေၚ်ရာဲဂှ် အပ္ဍဲလိက်ပရိုၚ်သေံတံ ချူထမံက်ထ္ၜးလဝ် နွံရ။

“ဘိၚ်ဗုတံဏံဂှ် ကေတ်နၚ်နူ ဍုၚ်ဗၟာရ၊ ဘိၚ်ဗုဂှ် ၚုဟ်မး အပ္ဍဲဒေသပယျဵုတှေ် မွဲကဳလဵုဂရာမ်မ္ဂး သြန်သေံ အကြာ ၈ ဠက် ကဵု ၁ ကိုဋ်ၜါတ်သွံဂွံမံၚ်ရ” သာ်ဏံ ညး ၃ တၠတံ ဒုၚ်ဝန်ကုဗၠာဲသၟိၚ်သေံဂှ် ချူထမံက်လဝ် အပ္ဍဲလိက်ပရိုၚ်သေံ Daily news ရ။

သၟာကူသာန်သွံရာန်ဂဥုဲၜူမာဲ ကောန်ဍုၚ်ဗၟာ ၃ တၠတံဂှ် မသိုဲ (မဆွေ) အာယုက် ၂၈ သၞာံ၊ ဥူကျာလေန် (ဦကျာလၚ်း) အာယုက် ၃၀ သၞာံ ကေုာံ မံၚ်လှဝေန် (မောၚ်လှဝၚ်း) အာယုက် ၁၆ သၞာံတံ မဒှ်ရ။

သၟာကူသာန်သွံရာန် ဂဥုဲၜူမာဲကောန်ဍုၚ်ဗၟာ ၃ တၠတံဂှ် နူကဵုဗၠာဲသၟိၚ်သေံတံ ဗီုလဵုဆက်ဖျေံအာဒဏ်ဂှ် အပ္ဍဲလိက်ပရိုၚ်သေံတံ ဟွံထမံက်ထ္ၜးလဝ်ကီုလေဝ်အတိုၚ်သၞောတ်ဝ်ဥပဒေဍုၚ်သေံမ္ဂး စပ်ကဵုဂဥုဲၜူမာဲတုဲ ယဝ်ရ ရပ်ဂွံ ပူဂဵုသွံတံမ္ဂး ဖျေံဒဏ် စုတ်ထံၚ်မွဲအာယုက် ဟွံသေၚ် ဒးဘဲဒဏ်ဂစိုတ်ရောၚ် ဂွံတီကေတ်ရ။

အပ္ဍဲဂိတုဂျုလာၚ် ၂၇ တေံဂှ်လေဝ် ဗၠာဲသၟိၚ်သေံတံ ရပ်ဂွံဂဥုဲၜူမာဲ မပ္တံ ဂဥုဲချေံ၊ ဘၚ် ကေုာံ ဂဥုဲၜူမာဲမွဲဂကူ ကော်အာဲသ် (Ice) တံ ကုကောန်ဍုၚ်ဗၟာ ဇဝ်ကိုဝ်ဝ်အံၚ် (ဇော်ကိုကိုအောၚ်) အာယုက် ၂၅ သၞာံ အပ္ဍဲဍုၚ်ဖူဂေတ် ဍုၚ်သေံသ္ကုတ်သၠုၚ်ကျာတေံဂှ် အပ္ဍဲဌာန်ပရိုၚ် ဧရာဝတဳ ချူထမံက်လဝ်နွံရ။

ပ္ဍဲဂိတုဂျုလာၚ် ၂၆ မဒှ်တ္ၚဲဍုၚ်ဂၠးကဝ် ဗတိုက်ပလီုဂဥုဲၜူမာဲဂှ် နူကဵုဌာနဆေၚ်စပ်ဂဥုဲၜူမာဲဍုၚ်သေံတံ ကၠောန်ဗဒှ်သ္ဘၚ်ကၞာ စံၚ်ပလီုထောံ လျိုၚ်ဂဥုဲၜူမာဲၜိုတ် ၃၀၀၀ ကဳလိုဂရာမ် ၚုဟ်မးၜိုတ် ၁၀၀၀၀၀ ကိုဋ် နွံရောၚ် ထမံက်ထ္ၜးလဝ် အပ္ဍဲလိက်ပရိုၚ်သေံတံဂးရ။

← ပ္ဍဲပွိုၚ်ဍုၚ်ပါ်လၟိုၚ် ရပ်ဂွံဂဥုဲၜူမာဲ မၞုံၚုဟ်မး ၜိုတ်(၉၄) ကိုဋ်ဒကေဝ် ပ္ဍဲဍုၚ်ရေဝ် ရပ်ဂွံဂဥုဲချေံ →

Written by

ရေင်တၠုင်ဗမံက်အာရုပ်ရဴ ပံင်တောဲပရေင်ပၞာန်ဏံဂှ် သွက်ဂွံဒှ်အထံက်အရီု ကဏ္ဍသွာင်ပရေၚ်ဍုင် ကွာန်ရောင် ညးအခေါင်ဟီုဂး ဗော်ဍုင်မန်တၟိ (AD) ဟီု

by ဌာန်ပရိုၚ်ဗၠးၜးမန် | Dec 21, 2024 | ပရိုၚ်

နူကဵုဒပ်ပၠန်ဂတးဂကူမန် ၄ ဒပ်တံ ချဳဒရာင်ပံင်တောဲအာပရေင်ပၞာန်ရောင်ဟီုဂှ် သွက်ဂွံဒှ်အထံက် အရီု သၟဝ်ဂၠံၚ်တရဴကဏ္ဍပရေင်ဍုင်ကွာန်ဘုံလတူတေံရောင် ညးမၞုံအခေါင်ဟီုဂး ဗော်ဍုၚ်မန်တၟိ (ဗတိုက်သရိုဟ်တၠအဝဵုပၞာန်) NMSP-AD နာဲဂံင်သကာ ဟီုရ။

ပ္ဍဲဂကူမန် ဗော်၊ ဂကောံ ရီုဗင်ဒဒိုက်သၞာကောန်ညးဍုၚ်ကွာန်မန်ဂှ် ဣလဵုရော?

by ဌာန်ပရိုၚ်ဗၠးၜးမန် | Dec 18, 2024 | ပရိုၚ်

ဂကူမန်ဂှ် ဒှ်ဂကူမၞုံကၠုၚ်ကဵုဝၚ် ဗွဲမခိုၚ်ကၠိုက်တုဲ ကောန်ဂကူမန်ပိုဲတံ ကေတ်စမံၚ်စရာဲအိုတ်ရ။ ဂကူမန်ပိုဲ ဗွဲမဂၠိုၚ်ဂှ် ၜိုန်ရဒှ်မံၚ်ဘဝဍိက် ဟွံမွဲကဵုဍုၚ်ဗၠးၜးကီုလေဝ် ဘဝၚ်စိုတ်သၠုၚ်မံၚ်တုဲ ဂကူညးတၞဟ် ညံၚ်ကဵုၜိုတ်ဂကူမန်ဇကုဟွံဒှ် ကေတ်စမံၚ်စရာဲ လ္တူဇကုဇကုဂှ် လ္ရတ်ရံၚ်ချိုတ်တ်ပၠိုတ်မ္ဂး ဂွံတီကေတ်မာန်ရ။

0 Comments