မိလျးထဝ် – ဟိုတ်နူဒဒန်ဆုကျာ်ဇၞော်အစာတၠဥတ္တမ (ကွာန်ဝၚ်က)ပိုတ်အာတုဲ ပြဟ်ဟ်ဏံ သ္ဂောံအာကၠုၚ်တတ်ကၠောံမာန် ထပ်သိုၚ်ခၞံဒဒန်ဆု(ယာယဳ) မွဲတၞုၚ် တုဲဒှ်အာပ္ဍဲတ္ၚဲဏံရ။
on-ဗီုဒဒန်ဆုကွာန်ဝၚ်က(Internet)
“ရန်ကဵု ရဲကွာန်ဝၚ်ကပိုဲကီု ရဲသၚ်သေံတံကီု သီုကဵုကၟုဲကၠုၚ်ဝေၚ်စိုပ်တံကီု ဂွံတတ်ကၠောံအာကၠုၚ် သၚ်မွဲလ္ပာ်ကဵုမွဲလ္ပာ် မာန်ပၠန်တုဲ ကျာ်ဇၞော်အ္စာ စဳဇန်ပတိုန် သွက်ဂွံသိုၚ်ဒဒန်ဒုန်ဏံရ” သာ်ဏံ ဒါယကာဘာကွာန်ဝၚ်က နာဲကောန်စာၚ် ဟီုလဴကဵုရ။
ပွိုၚ်ၜိုတ်မွဲသတ္တဟာ ကေတ်အခိၚ်သိုၚ်ခၞံဒဒန်ဒုန် ဇမၠိၚ်၅၀၀ မဳတာပြၚ်(ဟွံဂွံၜတ်ကၞာတ်ဏီ)၊ ဒုန်စန် (ဖံၚ်) ၁၂၀ စန် သီုဖအိုတ် ဒုန်ၜိုတ် ၈ လ္ၚီတၞုၚ်ပြၚ်ၚ် သုၚ်စောဲလဝ်ရောၚ် ဂွံတီရ။
“ဒဒန်ဒုန်ဏံ ဟလအ်လဵု ပိုဲသုၚ်စောဲဂွံဂှ် ဟီုကေတ်ဟွံမာန်ဏီ၊ နူကွာန်ဝၚ်ကတြေံတေံဂှ် ပိုဲတံကေၚ်သိုၚ်ကၠုၚ်လဝ် ဒဒန်ဒုန်ဗီုဗီုဏံ နွံကီုရ၊ ဒဒန်တံဂှ် ဟိုတ်နူဍာ်ထတ်တုဲ ဟဳအာမံၚ် အရိုဟ်ဟ်သၞာံရ” သာ်ဏံ နာဲကောန်စာၚ် ဆက်ဟီုလဴကဵုရ။
ဒဒန်ဆုကျာ်ဇၞော်ဝၚ်က ပိုတ်ကဝ်အာတုဲ ညးမဒးသုၚ်စောဲမံၚ် ဂၠံၚ်ဒဒန်တံ ဗွဲတၟေၚ် ကွးဘာတံကဵုသၟာကမၠောန်တံဂှ် ဆဵုဂဗကၠုၚ် က္တဵုဒှ်ပရေၚ်အာကၠုၚ်ခက်ခုဲဗွဲမဂၠိုၚ်ရ။
“ဂၠံၚ်ဒဒန်ဏံတှေ် ကြပ်လေဝ်ကြပ် စရိတ်ကွဳလိုန်ဓါတ်လေဝ် ဟွံဒးအိုတ်ပုဟ်၊ ဒဒန်ပိုတ်အာတုဲ ဂွံအာကၠောန်ကမၠောန်ဂှ် ပိုဲတံ ဒးလိၚ်ဍိုက်ကွဳဍိုန်ဓါတ်လာၚ် မွဲတ္ၚဲ ၈၀ ၜါတ်ဒးအိုတ်မံၚ်ရ၊ ကၠောန်ဂွံကမၠောန်ဂှ်လေဝ် မွဲတ္ၚဲ၂၀၀ ၜါတ်ရဂွံမံၚ်” သာ်ဏံ မိညို ညးကၠောန်မံၚ်ကမၠောန်သၚ်သေံမွဲတၠ ဟီုရ။
သွက်ဂွံကလေၚ်သိုၚ်ပလေဝ်ဒဒန်ဆုပၠန်ဂှ် စိုပ်အခိၚ်လိက်ဝှ်တိကှ်မ္ဂး စပကောံပကေဝ်အာဆုရောၚ် ဂွံတီကေတ်ရ။
ဒဒန်ဆုဂၠိၚ်အိုတ် အပ္ဍဲဍုၚ်သေံ ဇမၠိၚ် ၈၅၀ မဳတာ မၞုံအပ္ဍဲကွာန်ဝၚ်က၊ ဍုၚ်သၚ်ခလပူရဳ၊ ခရိုၚ်ကမ္မရဳ ဒဒန်ဆုကျာ်ဇၞော်ဥတ္တမကွာန်ဝၚ်ကဏံ အပ္ဍဲဂျူလာၚ် ၂၈ ဂှ် ပိုတ်ကဝ်အာလဝ်ရ။
0 Comments