ကွးဘာထ္ၜးဆန္ဒလ္တူဍုၚ်မတ်မလီုဂှ် ခမဳသၚ်ပါလုပ်အောန်

by | Feb 12, 2015 | ပရိုၚ် | 0 comments

အဃောကွးဘာထ္ၜးဆန္ဒလ္တူဍုၚ်မတ်မလီု ပ္ဍဲဂိတုဖေဖဝ်ဝါရဳ ၉ ဂှ် ဇြဟတ်ခမဳသၚ် ပါလုပ်ထ္ၜးဆန္ဒအောန်မံၚ်ရောၚ် ခမဳသၚ်ပါလုပ်ထ္ၜးဆန္ဒလ္ၚဵု ဟီုမြော်ရ။
 
“ကြပ်မံၚ်ကဵုပေဲါသွဟ်လိက်တုဲ ခမဳသၚ်ဂွံထ္ၜးဆန္ဒ လ္တူဍုၚ်မတ်မလီုဏံဂှ်အောန်မံၚ်ရ ပြဟ်ဟ်ဏံတှေ် ခမဳသၚ်ပါလုပ်ထ္ၜးဆန္ဒ ပိပန် ဇကုဓဝ်ရ” သာ်ဝွံ တၠဂုဏ်ဥက္ကံသ ဟီုမြော်ရ။ 

ပ္ဍဲဂိတုဖေဖဝ်ဝါရဳ ၉ အေခိၚ်ဒါဝ်တ္ၚဲ ၁၀နာဍဳ ဂှ် ကွးဘာထဝဲါ ကဵုကွးဘာတွဵုရးမန်တံ ပံၚ်ကောံတုဲ ဒစဵုဒစးထ္ၜးဆန္ဒ စပ်ကဵုဥပဒေပရေၚ် ပညာကောန်ဂကူကေုာံ ပရေၚ်ဗ္တောန်လိက်ပတ်ကောန်ဍုၚ်အရၚ်ဂှ် ဂွံတီကေတ်ရ။
 
ကွးဘာတွဵုရးမန် ကေုာံကွးဘာထဝဲါတံဂှ် သွက်ဥပဒေပရေၚ်ပညာကောန်ဂကူ ဂကေုာံ သွက်အခေါၚ်အရာ ဗ္တာန်လိက်ပတ်ကောန်ဍုၚ်အရၚ် သ္ဂောံကလိဂွံမာန်သ္ဂးတုဲ အာတ်မိက်ထ္ၜးမံၚ်ဆန္ဒရ။ 

“ယဝ်ပိုယ်တအ် ဒုၚ်ထောံတဲဥပဒေပရေၚ်ပညာကောန်ဂကူမ္ဂး ပရေၚ်ပညာပ္ဍဲကၟိန်ဍုၚ်ပိုယ် ကၠံသၞာံပြၚ်ပၠန်လေဝ်ဟွံတဴတက်ပုဟ် ဟိုတ်ဂှ်ရ ပိုယ်တအ်လုပ်မံၚ်ပေဲါဗ္တိုက်ထ္ၜးမံၚ်ဆန္ဒရ” ကွးဘာသမဂ္ဂတက္ကသဵုထွာဲ ဒုဥက္ကဌ ကဝ်ဇြေန်မံၚ်ဖျဝ် ဟီုရ။
 
စိုပ်ကဵုဥပဒေပရေၚ်ပညာတုဲ ကွးဘာဂမၠိုၚ်ဒစဵုဒစးထ္ၜးမံၚ်ဆန္ဒဂှ် ယဝ်ရ အလဵုအသဳတံ ဒစဵုဒစးဍဵုဍိုက်မ္ဂးပြသၞာယှုက်ထုဲဂၠိုၚ်ရောၚ် ခမဳသၚ်တအ် ၜိုတ်ကၞာတ်လဝ်သာ်ဏံ ဂွံတီကေတ်ရ။
 
မွဲဒမြိပ်ကွာ်မံၚ်ဂၠံၚ်ထ္ၜးမံၚ်ဆန္ဒဂှ် တၚ်ခက်ခုဲအကြာဂၠံၚ်ဟၟဲမွဲသာ်တုဲ နူကဵုရဲဒေသတံလေဝ် ကဵုဇြဟတ်ထံက်ပၚ်ကဵု ဍာ်သုၚ် စၞစ နာနာ ဂွံညာတ်ကေတ်တုဲ ကွးဘာဂမၠိုၚ်ဂွံဇြဟတ်စိုတ်ရ။

ကွးဘာထ္ၜးဆန္ဒဂမၠိုၚ်ထပ်ပံၚ်ကဵုကွးဘာ GTC ကွးဘာတက္ကသဵုမတ်မလီုတုဲ ဆက်ထ္ၜးအာဆန္ဒတုဲ သွက်ဂွံတာဒၞာ ကွးဘာထ္ၜးဆန္ဒတံဂှ် အလဵုအသဳတအ် ဖျေံလဝ်ဂီုကၠီု ပ္ဍဲပါၚ်လုပ်ဍုၚ်လ္ဂုၚ်ဂှ် ဂွံတီကေတ်ရ။ 

သွက်ဂွံထ္ၜးအာဆန္ဒ အပ္ဍဲဖေဖဝ်ဝါရဳ ၁၂ ဂတဏံဂှ် ရံၚ်အကာဲအရာပေါဲကောံဓရီုတုဲမှ ဆက်ကွာ်ထ္ၜးအာဆန္ဒ ပ္ဍဲလ္တူဍုၚ်လ္ဂုၚ်တေံရောၚ် ကွးဘာ ဟံၚ်တၠမန်ဟီုရ။

ပ္ဍဲဂဴတိဖေဖဝ်ဝါရဳ ၈ တုဲကၠုၚ်တေံဂှ် ကွးဘာထ္ၜးဆန္ဒဂမၠိုၚ် ရာဒၞာမိက်သ္ပသစ္စ ပ္ဍဲကျာ်ဓာတ်သော်ဍုၚ်ရေဝ်ရ။

ကွးဘာတက္ကသဵုထဝဲါတံ ပံၚ်တောဲကဵုကွးဘာတွဵုရးမန်တုဲ ထ္ၜးကၠုၚ်ဆန္ဒပ္ဍဲလ္တူဍုၚ်ရေဝ် ဇြပ်ဗု မုဟ်ဍုၚ် မတ်မလီု ပ္ဍဲဂိတုဖေဖဝ်ဝါရဳ ၈ ဂှ် ဂွံတီကေတ်ရ။

Written by

Related Posts

ပ္ဍဲသခႅဠဗူရဳ (ဝင်က) ဂှ် ကၠောန်သၠုင်ပ္တိုန်ကဵုအဆံင်ၝာတ် စဵုသၞာံဏံအိုတ်ဏောင် ဂး

ပ္ဍဲသခႅဠဗူရဳ (ဝင်က) ဂှ် ကၠောန်သၠုင်ပ္တိုန်ကဵုအဆံင်ၝာတ် စဵုသၞာံဏံအိုတ်ဏောင် ဂး

ပ္ဍဲကဵုရုင်ပွိုင်ဍုင် (ရုင်အာမ်ဖေ) သင်ခႅဠဗူရဳ (ဝင်က) မၞုံခရိုၚ်ကမ္မရဳ ကၟိန်ဍုၚ်သေံဂှ်ဝွံ သၞာံဏအ် စနူဂိတုဂျောန်မံက် ဓမံက်ရုပ်ရဴ ကၠောန်သၠုင်ပတိုန်အဆံင်ၝာတ် ကဵု ညးဍုင်ကွာန်တံတုဲ စဵုကဵုသၞာံဏံအိုတ် ကၠောန်ကဵုညံင်ဂွံတုဲဒှ်အာရောင် ဂွံတီကေတ် နူသၞာဲဒဴကၠောန်ဒၟံင်ကမၠောန် (ပ္ဍဲရုင်အာမ်ဖေ) မွဲတၠဂှ် ဟီုရ။

ကောန်ဂကူမန် စိုပ်ယူရောပ်တအ် ကၠောန်ဗဒှ်လဝ်သဘင်ဥတုကညင် ပ္ဍဲဍုင်နေဝ်တာလာန်

ကောန်ဂကူမန် စိုပ်ယူရောပ်တအ် ကၠောန်ဗဒှ်လဝ်သဘင်ဥတုကညင် ပ္ဍဲဍုင်နေဝ်တာလာန်

နူကဵုဂကောံညဳသၟဟ်မန်ယူရောပ် က္ဍိုက်ပ်တုဲ သွက်သၞာံ ၂၀၂၅ ဏအ် ကၠောန်ဗဒှ်လဝ်သဘင်ဥတုကညင် မရနုက်ကဵု ၄ ဝါ ပ္ဍဲကဵုဍုင်နေဝ်တာလာန် တုဲဒှ်အာရ။

ပ္ဍဲဍုၚ်ကျာ်ပိဂှ် ဂကောံရပ်လွဟ်တံ ဟွံကဵုအခေါၚ်သွံရာန် ဍာ်တၞးၝာဲကထီု (တၞးဘိင်) ရ ဂး

ပ္ဍဲဍုၚ်ကျာ်ပိဂှ် ဂကောံရပ်လွဟ်တံ ဟွံကဵုအခေါၚ်သွံရာန် ဍာ်တၞးၝာဲကထီု (တၞးဘိင်) ရ ဂး

နူကဵုဂကောံရပ်လွဟ်ဒဳကေဗဳအေ ကေုာံ ဗော်ကေအေန်ယူ မထိၚ်ဒဝ်လဝ် ပ္ဍဲဍုၚ်ကျာ်ပိတအ်ဂှ် စနူဂိတုဂျူလာၚ် စၟတ်တ္ၚဲ (၂၅) ဂှ်တုဲ ကၟာတ်ကၠေံလဝ်အခေါင် သွံရာန် ဍာ်တၞးၝာဲကထီု ကော်ဂး ဍာ်တၞးဘိင်ဂမၠိုင်ရောင် ဂွံတီကေတ်ရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.