＂ဆေၚ်ပဠောံ၊ ဆေၚ်ကွဳလိုန်လေဝ် ပါအာကီုရ၊ ကွဳစက်ပလိုတ်ပၟတ် ကွာန်တၟံကၞေၚ်၊ကွာန်အနေၚ်တံ ကၠုၚ်ဘိုၚ်သိုဟ်ပလိုတ်ကဵုပၟတ်တုဲ ဟွံတူအာဖအိုတ်” သာ်ဝွံ ညးဇၞော်ကွာန်ဥူဇြာန်ဟီုရ။ အတိုၚ်ညးက္ဍိုက်ပ်ဌာနပလိုတ်ပၟတ်ဍုၚ်ရေဝ် ဥူတာန်ထိုက်ဟီုမ္ဂး ဆေၚ်ဖျာဒဝ်ချဝ်လှ (ခ) ဒဝ်တေန်လှ နူဗ္တံ ၈ နာဍဳ ၃၅ မိဏေတ် စတူတုဲ ၉ နာဍဳ ၂၀ ဂှ် ပၟတ်ပလိုတ်အာရ။ ပၟတ်ဏံဂှ်စတူနူ လ္ၚပၟတ်ဖဴရ＂ သာ်ဝွံ ညးဟီုရ။”
ဟိုတ်နူဒးဘဲပၟတ်တူတုဲ ပၞောဝ်ကဵုဆေၚ်ဖျာ ၄၀ ခန်ဂှ်တူလေၚ်အာ၂၂ အခန်တုဲ ကပေါတ်ၚုဟ်မးၜိုတ် ၁၉၃၆၀၀၀ ကိုဋ်ဒကေဝ် (စှ်ဒစိတ်ကိုဋ်ပြၚ်) ဆောံလေၚ်အာရဂှ် ဌာနက္ဍိုက်ပ်ပလိုတ်ပၟတ်တံ တော်ဆလဝ်ကီုလေဝ် ရဲဒေသတအ်ဟီုဂှ် ၚုဟ်မးသြန်ၜိုတ် ရ၀ ကိုဋ် ဆောံလေၚ်အာလဝ်ရ။
ညးတာလျုိုၚ်ဌာနဆေၚ်စပ်ကဆံၚ်ပွိုၚ်ဍုၚ်တံကေုာံ ညးအုပ်ဓုပ်ပွိုၚ်ဍုၚ်တံအာစိုပ် ဒၞာဲပၟတ်တူလဝ်ဂှ်တုဲ ကပ်ကာဲဗွဲမလုက်စုက်၊ (သန္ဓေတပ်ဖွဲ႕ဝၚ်) ၁၀ တၠကဵု ရဲပလိုတ်ပၟတ်အရန် ၃၅ တၠတံ ပံၚ်ကောံတုဲ ဘိုၚ်သိုဟ်ပလိုဟ်ထောံပၟတ်ရဂှ် ဂွံတီနူဌာနပလိုတ်ပၟတ်တံရ။
ဆေၚ်စပ်ကဵုပၟတ်တူအာလဝ်တုဲ ဒဝ်ချဝ်လှ (ခ)ဒဝ်တေန်လှ အာယုက် ၅၁သၞာံဂှ် ဒးဒုၚ်စောဲဂဗုတ် နကဵုၝောံပိုဒ် ပ- ၃/၂၀၁၅ ပိုဒ်ၝောံ၂၈၅ တုဲ ဗၠာဲသၟိၚ်ဍုၚ်လမိုၚ်တံ ဗက်အမှုစၟဳစၟတ်အာရောၚ် ဂွံတီကေတ်ရ။
တုပ်သာ်ဂှ်ကီု ပ္ဍဲဂိတုဇန်နဝါရဳ စၟတ်တ္ၚဲ ၁၂ အခိၚ်ဗ္တံဂှ်လေဝ် ဆေၚ်စသုၚ် (ဘုရၚ်မ) ပ္ဍဲဍုၚ်ရေဝ်အရာပ်အဏ္ဏဝါ ဂၠံၚ်ဇၞော်တနၚ်သဳ တူအာပၟတ်ကီုတုဲ ၚုဟ်မးသြန် ဒစိတ်စှော်ကိုဋ်ဒကေဝ် ပြၚ်ၚ် ဆောံလေၚ်အာရဂှ် ဗၠာဲသၟိၚ်တွဵုရးတံ တော်ဆလဝ်ရ။
