ညးစၞးကၠတ်ထဝ်ညးဍုၚ်ကွာန်ပွိုၚ်ဍုၚ်ရေဝ် ဂွံ ၂ ဒၞာဲ

by | Jul 11, 2015 | ပရိုၚ် | 0 comments

သၞံၚ်တိုၚ် – ပွိုၚ်ဍုၚ်ရေဝ် ဟိုတ်နူလၟိဟ်ဂၠိုၚ်အိုတ်ဒုတိယအပ္ဍဲတွဵုရးဍုၚ်မန် ဒှ်မံၚ်တုဲ ဒၞာဲမာဲဆန္ဒညးစၞးကၠတ်ထဝ်ကောန်ဂကူ သွက်ပေဲါရုဲစှ်မာဲ ၂၀၁၅ ဏံ ဂွံအာ ၂ ဒၞာဲရ သာ်ဝွံ ဒုသ္ကိုပ်စၞောန်ပညုၚ်

ကဝ်မယှေန်ပါ်တွဵုရး ဥူခေန်မိုၚ်လောန် ဟီုရ။

“အတိုၚ်နူ ၂၀၁၀ တေံဟီုကၠာလေဝ် ပ္ဍဲဒၞဲါညးစၞးကၠတ်ထဝ်ကောန်ဂကူ (၁၂) ဒၞဲါဂှ် (၁၀) ဒၞဲါဂှ် နွံမံၚ်အတိုၚ်လၟေၚ် ဂှ်ရ၊ သဓီုဂှ် ဒှ်အာ ၁ ဒၞာဲ၊ ဍုၚ်ရေဝ်ဒှ်အာ ၂ ဒၞာဲ” သာ်ဝွံ ညး ဟီုရ။

အဃောပေဲါရုဲမာဲ ၂၀၁၀ တုဲကၠုၚ်တေံဂှ် တွဵုရးဍုၚ်မန်ဝွံ ညးစၞးကၠတ်ထဝ်ညးဍုၚ်ကွာန် (၁၀) ဒၞဲါ၊ ညးစၞးကၠတ် ထဝ်ကောန်ဂကူ (၁၂) ဒၞဲါ၊ ညးစၞးကၠတ်ထဝ်တွဵုရး (၂၀) ကေုာံ ညးစၞးဝန်ဇၞော်ကေၚ်ကာကောန်ဍုၚ် အရၚ် ဂကူကရေၚ်၊ ဗၟာ၊ ပအိုဝ်တအ် (၃) ဒၞဲါ ပါလုပ်ဒုၚ်ရုဲစှ်ပြိုၚ်ပ္ကာန်လဝ်ရ။

“ပ္ဍဲတွဵုရးဍုၚ်မန်မ္ဂး ပွိုၚ်ဍုၚ်ရေဝ်ဂှ် ဟိုတ်နူလၟိဟ်မၞိဟ်ဂၠိုၚ်အိုတ် က္ဆံၚ်ဒုတိယတုဲဂှ်ရ ရုဲစှ်ထောံနဒဒှ်ညးစၞးကၠတ်ထဝ် ကောန်ဂကူ (၂) ဒၞဲါရောၚ်” သာ်ဝွံ ဥူခေန်မိုၚ်လောန်ဂှ် ဆက်ဟီုပၠန်ရ။

ပ္ဍဲကဵုစရၚ်မာဲ တွဵုရးဍုၚ်မန် လလောၚ်ပ္တိတ်ကဵုလဝ် ဂိတုဂျောန် (၈-၁၂) ဂှ်မ္ဂး အလုံတွဵုရးမွဲမ္ဂး နွံမံၚ်လၟိဟ် (၁၄) ကိုဋ်ပြၚ်တုဲ ပွိုၚ်ဍုၚ်မတ်မလီုဂှ် (၂၂၈၉၆၈၈) တၠ ဂၠိုၚ်အိုတ်တုဲ ပွိုၚ်ဍုၚ်ရေဝ် မပါလုပ်သီုပွိုၚ်ဍုၚ်ပါ်လၟိုၚ် ကေုာံ ခေါဇာဂှ် အပံၚ်လၟိဟ်မၞိဟ် နွံမံၚ် (၂၆၅၄၇၀) တၠ လုပ်မံၚ်က္ဆံၚ်ဒုတိယဂှ်ရ က္လိဂွံညးစၞးကၠတ်ထဝ်ကောန်ဂကူ (၂) ဒၞဲါရောၚ် ဂွံတီကေတ်ရ။

Written by

Related Posts

စၟတ်အံင်ကွးဘာတန်သၠုင် သွာင်အလဵုအသဳ စှ်ေမံင်သၞာံအဆက်ဆက်ဂှ် ဗီုလဵုချပ်ဖန်အာရော

စၟတ်အံင်ကွးဘာတန်သၠုင် သွာင်အလဵုအသဳ စှ်ေမံင်သၞာံအဆက်ဆက်ဂှ် ဗီုလဵုချပ်ဖန်အာရော

ကွးဘာနူဘာကောန်ဂကူမန် ၁၂ တန်ဂမၠိုင် ဘာတန်သၠုင်ညဳသာ၊ တန်သၠုင်အင်ဒင်၊ တန်သၠုင်ဝင်သ္ပဝ်၊ တန်သၠုင်ဇြပ်ဗု လုပ်သွဟ်လဝ် ပ္ဍဲဘာအလဵုအသဳ လၟိဟ် ၁၂၇ တၠဂှ် အံင်တိတ်ကၠုင် လၟိဟ်ကွးဘာ ၆ တၠဓဝ်ဝွံ ညးတာလျိုင်ဌာနပရေင်ပညာ ကမ္မတဳပရေင်ပညာတအ် ထေက်ကဵုဒးသ္ၚဳဂၠိပ်တုဲ ဒးဖျေံပရေင်ကမၠောန်တၟိ ထေက်ရ။

ပ္ဍဲသခႅဠဗူရဳ (ဝင်က) ဂှ် ကၠောန်သၠုင်ပ္တိုန်ကဵုအဆံင်ၝာတ် စဵုသၞာံဏံအိုတ်ဏောင် ဂး

ပ္ဍဲသခႅဠဗူရဳ (ဝင်က) ဂှ် ကၠောန်သၠုင်ပ္တိုန်ကဵုအဆံင်ၝာတ် စဵုသၞာံဏံအိုတ်ဏောင် ဂး

ပ္ဍဲကဵုရုင်ပွိုင်ဍုင် (ရုင်အာမ်ဖေ) သင်ခႅဠဗူရဳ (ဝင်က) မၞုံခရိုၚ်ကမ္မရဳ ကၟိန်ဍုၚ်သေံဂှ်ဝွံ သၞာံဏအ် စနူဂိတုဂျောန်မံက် ဓမံက်ရုပ်ရဴ ကၠောန်သၠုင်ပတိုန်အဆံင်ၝာတ် ကဵု ညးဍုင်ကွာန်တံတုဲ စဵုကဵုသၞာံဏံအိုတ် ကၠောန်ကဵုညံင်ဂွံတုဲဒှ်အာရောင် ဂွံတီကေတ် နူသၞာဲဒဴကၠောန်ဒၟံင်ကမၠောန် (ပ္ဍဲရုင်အာမ်ဖေ) မွဲတၠဂှ် ဟီုရ။

ကောန်ဂကူမန် စိုပ်ယူရောပ်တအ် ကၠောန်ဗဒှ်လဝ်သဘင်ဥတုကညင် ပ္ဍဲဍုင်နေဝ်တာလာန်

ကောန်ဂကူမန် စိုပ်ယူရောပ်တအ် ကၠောန်ဗဒှ်လဝ်သဘင်ဥတုကညင် ပ္ဍဲဍုင်နေဝ်တာလာန်

နူကဵုဂကောံညဳသၟဟ်မန်ယူရောပ် က္ဍိုက်ပ်တုဲ သွက်သၞာံ ၂၀၂၅ ဏအ် ကၠောန်ဗဒှ်လဝ်သဘင်ဥတုကညင် မရနုက်ကဵု ၄ ဝါ ပ္ဍဲကဵုဍုင်နေဝ်တာလာန် တုဲဒှ်အာရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.