ပ္ဍဲပွိုၚ်ဍုၚ်ကျာ်မြဟ် ညးဂရၚ်ပ္တီလဝ် နတၞးလိက်ဗီုပြၚ် (၃-က) လၟိဟ် ၂၀၀၀ ပြၚ် ဂွံအခေါၚ်ကဵုမာဲ

by | Oct 27, 2015 | ပရိုၚ်ပေဲါရုဲမာဲ, လ္ၚတ်မၚ်ရံၚ် ပေါဲရုဲမာဲ ၂၀၁၅ | 0 comments

ချေတ်မေန်ထောန် – သၟာကမၠောန်ဆုဲပြံၚ် ပ္ဍဲပွိုၚ်ဍုၚ်ကျာ်မြဟ်တံ အတိုၚ်ကမ္မယှေန်ပေါဲရုဲမာဲကၟိန်ဍုၚ် လလောၚ်လဝ်ဂှ်ရ ဟွံမိက်ဆောံလေၚ် အခေါၚ်ကဵုမာဲမ္ဂး အာတ်ဂရၚ်ပတီ နတၞးလိက်ဗီုပြၚ် (၃-က) ညိ လလောၚ်ကၠုၚ်လဝ်တုဲ သၟာ

ကမၠောန်ဆုဲပြံၚ် တန်တဴ ပေၚ်ပွိုၚ်ပိဂိတု လၟိဟ် (၂၀၀၀) ၜါလ္ၚီတၠပြၚ် ဂရၚ်ပ္တီကၠုၚ် နတၞးလိက်ဗီုပြၚ် (၃-က) vote408ဂှ် ပ္ဍဲပေဲါရုဲမာဲ ၂၀၁၅ ဏံ ဂွံအခေါၚ်ကဵုမာဲကီုဏောၚ် ဂွံတီကေတ် နူရုၚ်ကမ္မယှေန် ပေါဲရုဲမာဲ ပွိုၚ်ဍုၚ်ကျာ်မြဟ် တွဵုရးမန်ရ။

ပ္ဍဲပွိုၚ်ဍုၚ်ကျာ်မြဟ် ပါဲနူစရၚ် ညးမဂရၚ်ပ္တီ နတၞးလိက်ဗီုပြၚ် (၃-က) ဂှ်မ္ဂး မၞိဟ်နွံကဵု အခေါၚ်စုတ်မာဲ သၞာံ ၂၀၁၅ ဂှ် မၞုံလၟိဟ်မွဲကိုဋ်ကဵု မသုန်ဠက်ပြၚ်တုဲ ညးမဂရၚ်ပ္တီလဝ် နတၞးလိက်ဗီုပြၚ် (၃-က) ဟွံလ္ဇုဲနူ အံက်တဝ်ဗာ ၁၀ ဂှ်လေဝ် ကလိဂွံအခေါၚ်ကဵုမာဲ ၂၀၂၀ တၠကီုရောၚ် ရုၚ်ကမ္မယှေန် ပေါဲရုဲမာဲ ပွိုၚ်ဍုၚ်ကျာ်မြဟ် ဟီုရ။

“ပ္ဍဲပိုဲ မၞိဟ်ဂရၚ်ပ္တီ နတၞးလိက်ဗီုပြၚ် (၃-က) မၞုံ ၂၀၂၀ တၠတုဲ ဂွံအခေါၚ်ကဵုမာဲ သီုညးဖအိုတ်ရ။ စရၚ်ညးတံဂှ်လေဝ် လလောၚ်ကဵု ပ္ဍဲစရၚ် နဝ်ဝေမ်ဗာ ၂ ဏံဏောၚ် ဒှ်တုဲ ညးဂှ်ပါ ဟွံပါဂှ် တီကေတ်မာန်ဏောၚ်” သာ်ဝွံ ဥုတာန်ထောန်အိုၚ် မဒှ်ညးအုပ်ကာ ရုၚ်ကမ္မယှေန်ပေါဲရုဲမာဲ ပွိုၚ်ဍုၚ်ကျာ်မြဟ် ဟီုရ။

ပ္ဍဲပေါဲရုဲမာဲ သၞာံ ၂၀၁၅ ဏံ ညးဍုၚ်ကွာန်တံ ဟွံမိက်ဆောံလေၚ် အခေါၚ်ကဵုမာဲမ္ဂး ညးလဵုမွဲဟွံဟီု ပြံၚ်တိတ်အာ နူဌာန်ဒေသဇကု၊ ဌာန်ဇာတိဇကုတုဲ စိုပ်အာဌာန်ဒေသတၞဟ်ဟ် ပြၚ်အာနူပိဂိတုမ္ဂး ညးတံ သ္ဂောံဂွံအခေါၚ်ကဵုမာဲကီုဂှ် လ္ပကဵုလဇုဲ နူအံက်တဝ်ဗာ ၁၀ တုဲ ညးတံ ဒးဂရၚ်ပ္တီ အာတ်မိက်အခေါၚ်ကဵုမာဲ နကဵုတၞးလိက်ဗီုပြၚ် (၃-က) ပ္ဍဲရုၚ်ကမ္မယှေန်ပေါဲရုဲမာဲ အရာပ်/ကွာန် ဒေသဇကု မစိုပ်မံၚ်ဂှ်ဏောၚ် ဂွံတီကေတ်ရ။

ယဝ်ဟွံအာတ်မိက်သာ်ဂှ်မ္ဂး အခေါၚ်ကဵုမာဲ ညးတံ ညံၚ်ဟွံဂွံဆောံဗြံဂှ် ညးတံ ဒးက္လေၚ်စဴ ဌာန်ဒေသတြေံ ညးတံ (ဒၞါဲစရၚ်ညးတံနွံ) တေံတုဲ ဒးအာစုတ်မာဲရ။

သၟာကမၠောန်ဆုဲပြံၚ် နူဒေသတၞဟ်ဟ် ပြံၚ်စိုပ်ကၠုၚ် ပွိုၚ်ဍုၚ်ကျာ်မြဟ်တအ်ဂှ် နူကၠာဟွံစိုပ် ဂိတုအံက်တဝ်ဗာ ၁၀ ညးတံ အာတ်မိက်ဂရၚ်ပ္တီလဝ် ပ္ဍဲကမ္မယှေန်ပေဲါရုဲမာဲပွိုၚ်ဍုၚ် နကဵုတၞးလိက်ဗီုပြၚ် (၃-က) တုဲ လၟိဟ် ၂၀၂၀ တၠတံဂှ် ကလိဂွံအခေါၚ်ကဵုမာဲ ပ္ဍဲပေါဲရုဲမာဲ ၂၀၁၅ ဏအ်ရ။
စရၚ်ညး ကလိဂွံအခေါၚ်ကဵုမာဲ မဂရၚ်ပ္တီလဝ် နကဵုတၞးလိက်ဗီုပြၚ် (၃-က) တံဂှ် နူဂိတုနဝ်ဝေမ်ဗာ ၂ စဵုစိုပ် ၅ လလောၚ်ကဵု ပ္ဍဲကဝ်မယှေန်အရာပ်/ကွာန် ပွိုၚ်ဍုၚ်ကျာ်မြဟ်ကီုဏောၚ် ဂွံတီလဝ်ရ။

အဃော ကမ္မယှေန်ပေါဲရုဲမာဲကၟိန်ဍုၚ် လလောၚ်ပ္တိတ် စရၚ်ညးမၞုံအခေါၚ်ကဵုမာဲ အလုံဍုၚ်မွဲ နူသေပ်တေမ်ဗာ ၁၄ ဒဵုစိုပ် ၂ရ ဂှ် ပ္ဍဲပွိုၚ်ဍုၚ်ကျာ်မြဟ်ဏံ ညးမၞုံအခေါၚ်ကဵုမာဲ မၞုံ (၁၅၇၄၆၆) ပြၚ်ရောၚ် နူရုၚ်ကမ္မယှေန်မာဲ ပွိုၚ်ဍုၚ်ကျာ်မြဟ် ဟီုရ။

ပ္ဍဲပွိုၚ်ဍုၚ်ကျာ်မြဟ်ဝွံ ပွိုၚ်ကွာန် နွံ ၄ ပွိုၚ်၊ အရာပ်ဇၞော် နွံ ၂ အရာပ်တုဲ ရုၚ်မာဲ သွက် ၂၀၁၅ ဏံဂှ် မၞုံ ၉၉ ရုၚ်ရောၚ် ဂွံတီရ။

Written by

Related Posts

လညာတ်ညးဍုင်ကွာန်မန် ကဵု ပေါဲရုဲမာဲကံင်ဇြဳပၞာန် သၞာံ – ၂၀၂၅

လညာတ်ညးဍုင်ကွာန်မန် ကဵု ပေါဲရုဲမာဲကံင်ဇြဳပၞာန် သၞာံ – ၂၀၂၅

အခိင်ဍုင်ကွာန်ရုသံင် ယဝ်ခါရ ဂၠိုက်ဂၠာဲလညာတ်ညးဍုင်ကွာန်မ္ဂး မုပိုဲက္လိဂွံသွဟ်မာန်ရော သွဟ်မွဲဗီုဓဝ် ဆလအ်က္လိဂွံဟွံမာန် မုဟိုတ်ရောမ္ဂး ဍုင်ကွာန်ဂွံရုသံင်ဂှ် ဒၟါနူပရေင်ညဳသာလီုလာ်ရ။ ပရေင်ညဳသာလီုလာ်မှ ဍုင်ကွာန်ဂွံရုသံင်ရောင်။ က္ဍိုပ်သ္ကိုပ် ညးအာဂတတံ လညာတ်ထကး ပါ်ခြာအာရေင်သ္ကံမ္ဂး ညးဍုင်ကွာန်လေဝ် လညာတ်ထ္ကးပြး လညာတ်ဟွံတုပ်ရေင်သ္ကံ ချိုတ်ပၠိုတ်ရ။ လၟုဟ် ညးချူလိက် အာတ်မိက်လညာတ် ညးဍုင်ကွာန်မန် ညးမကၠိုဟ်ခၠင် ပ္ဍဲအကာဲအရာ ပရေင်ဍုင်ကွာန်တံ ဆေင်စပ်ကဵုပေါဲရုဲမာဲဂှ် ပံင်သရုပ်ကၠေံလညာတ် မကြပ်မံင်ညးသ္ကံ သ္ပမွဲဂှ် ဍေံဟွံတိတ်ကၠုင်မွဲတုဲ တိတ်ကၠုင်လညာတ်ၜါဗီုရ။ အတိုင်လညာတ်တံဂှ် ပါ်ပရအ်ဏာကဵု ကုကောန်ဂကူမန်ပိုဲတံ နကဵုလိက်ပရေင်ဝွံရ။

ပရေင်ဗ္တောန်လိက်ပတ်ကောန်ဍုင်အရင် ပ္ဍဲဘာဗ္တောန်လိက်ပညာသဇိုင်တံဂှ် ကြပ်ဒးဒေါံဇူကၠုင်နွံ

ပရေင်ဗ္တောန်လိက်ပတ်ကောန်ဍုင်အရင် ပ္ဍဲဘာဗ္တောန်လိက်ပညာသဇိုင်တံဂှ် ကြပ်ဒးဒေါံဇူကၠုင်နွံ

ပ္ဍဲဘာဗ္တောန်လိက်ပညာသဇိုင် မၞုံအပ္ဍဲတွဵုရးဍုင်မန်ဝွံ ခါန်ကၞက်အ္စာ/ အ္စာၝောံ ဗ္တောန်လိက်ပတ်ကောန်ဍုင်အရင် မပ္တံမန်၊ ကရေင်၊ ပအိုဝ် ဟွံမာန်ဂှ်ရ ပရေင်ဗ္တောန် လိက်ပတ်ကောန်ဍုင်အရင် အပ္ဍဲဘာဗ္တောန်လိက်ဂှ် ကြပ်ဒးဒေါံဇူကၠုင်နွံမံင်ဏောင် ဂွံတီကေတ်ရ။

သွက်ပိုဲတအ် ဒးစွံသတိကဵု ပရိုင်ပတောံ

သွက်ပိုဲတအ် ဒးစွံသတိကဵု ပရိုင်ပတောံ

စိုပ်ကဵုခေတ်ကာပိုဲလၟုဟ်တုဲ ပရိုၚ်ပ္တောံဗွဲမဂၠိုၚ်ဂၠာဲချူ ပ္တိုန်မံၚ်ဂှ် ပိုဲတအ်ဂွံဆဵုကေတ်မံၚ်လ္တူ Social Media ဗွဲမဂၠိုၚ်ရ၊၊ ပ္ဍဲကဵုလိက်ချူပ္တိုန်၊ ထမံက်ထ္ၜးမံၚ်တအ်ဝွံ လ္ၚဵုဂှ်ဂိုၚ်စွံလဝ် ဗီုတြေံတြေံတုဲ ညံၚ်ရဴပရိုၚ်တၟိတၟိကီု ချူပတိုန်စလေပ်မံၚ်ဂှ် ဂွံဆဵုရ။ ပိုဲဆဵုပရိုၚ်မွဲပိုဒ်မ္ဂး ကၠာပိုဲဖျေံစိုတ်ပိုဲဏီ၊ နူကၠာပိုဲဟွံကဵုသ္ဂုတ်သွာတ်ဏီဂှ်မ္ဂး  တၚ်နၚ်ပရိုၚ်ဏံ ပရိုၚ်ဍာံဟွံဍာံဂှ် ဗွဲကိုပ်ကၠာ ပိုဲဒးစၟီစၟတ်ချိုတ်တ်ပလိုတ်ရောၚ်ဂှ်ဒှ်တၚ်ကိစ္စ‌ေဇၞာ်မွဲကီုရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.