ၜိုတ်ဂိတုုဒဳဇြေမ်ဗါမ္ဂး ပ္ဍဲဒေသတ္ကံခၟိုၚ် ဂွံပၟတ်ဏောၚ် သမ္မတကၟိန်ဍုၚ်ဟီု

by ဌာန်ပရိုၚ်ဗၠးၜးမန် | Oct 12, 2015 | ပရိုၚ် | 0 comments

သမ္မတကၟိန်ဍုၚ် ဥူတုၚ်ဇြုၚ် စိုပ်တွဵုရးဍုၚ်မန်(GS)

သၞံၚ်တိုၚ် – ၜိုတ်ဂိတုဒဳဇြေမ်ဗါ သၞာံ ၂၀၁၅ ဏံမ္ဂး ပ္ဍဲကဵုဒေသတ္ကံခၟိုၚ် ဂွံပၟတ်ဏောၚ်ဂှ် အခိၚ်မကၠုၚ်စိုပ်တရဴ လ္ၚတ်အကာဲအရာ ပရေၚ်ဖောအ်ဗြေဝ်တွဵုရးဍုၚ်မန်ဂှ် သမ္မတကၟိန်ဍုၚ် ဥူတုၚ်ဇြုၚ် ဟီုဂးဏာရ။

ပြဟ်ဟ်ဏံ ပ္ဍဲဒေသတ္ကံခၟိုၚ် နွံမံၚ်ၜိုတ် (၇၈) ကွာန်ဂှ် အယာံမာတ်ပ္ဍဲကွာန်လ္ၚဵုတံညိညဟေၚ် က္လိဂွံမံၚ်ပၟတ်အလဵု အသဳနွံရ။

“ပၟတ်ဂှ်တှေ် အပ္ဍဲပွိုၚ် (၂) ဂိတုဏံ က္လိဂွံဏောၚ်၊ ဒဒန်ဆက်စၠောံမတ်မလီုကဵုတ္ကံခၟၟိုၚ်ဂှ်တှေ် ၜိုတ်ဂိတုဒဳဇြေမ်ဗါ သၞာံ ၂၀၁၆ တေံ တုဲဏောၚ်” သာ်ဝွံ အခိၚ်မဆဵုဂဗကဵုညးဒေသတ္ကံခၟိုၚ်တံဂှ် ညးဟီုပ္တိတ်ရ။

ပ္ဍဲဂိတုအံက်တဝ်ဗာ (၁၁)၊ သၞာံ (၂၀၁၅) လ္ပာ်နူဂယးဗၞတ် (၉) နာဍဳဂှ် အလဵုအသဳကၟိန်ဍုၚ် သမ္မတဥူတုၚ်သုၚ်ဂှ် ကၠုၚ်ဍုၚ်မတ်မလီု တွဵုရးဍုၚ်မန်တုဲ သီုကဵုဂေတ်ဗဵုဝေၚ် အကာဲအရာပရေၚ်ဖောအ်ဗြေဝ်၊ ပရေၚ်ပညာတွဵုရးဍုၚ်မန် ရ။

နကဵုုညးကၠုၚ်စိုပ်ဒေသတွဵုရးဍုၚ်မန်ဂှ် သွက်ဂွံဗဵုလ္ၚတ်အကာဲအရာ သိုၚ်ခၞံလဝ်ဒဒန်ၜါသွာၚ် မၞုံပ္ဍဲပွိုၚ်ဍုၚ်ကျာ်မြဟ် ဂှ်ကဵု ကိုန်စဳဇန်သိုၚ်ခၞံဒဒန်ဆက်စၠောံမတ်မလီု-တ္ကံခၟိုၚ်ဟေၚ်တုဲ ကၠုၚ်စှေ်ကဵုပရေၚ်စန်ဒက် သွက်ဗော်ခိုၚ်ကၠိုက် ဟွံသေၚ်ရောၚ်ဂှ်လေဝ် ညးဟီုပ္တိတ်ကီုရ။

“အလဵုအသဳလဵုတိုန်န် ဒဒန်ဏံဂှ် ဒးသိုၚ်ခၞံ ညံၚ်ဂွံတုဲဏောၚ်။ ဒေံါဟွံဂွံပုဟ်။ သွက်ဒဒန်ဏံ ဂွံတုဲဒှ် ညံၚ်ဟွံဂွံ ထပိုတ် သြန်ဂအုံဂှ် ညးဍုၚ်ကွာန် ပွိုၚ်ဍုၚ်ၜါသွာၚ်တံ ဒးဟီုကဵု ညးစၞကၠတ်ထဝ် အမာတ်ကၠတ်ထဝ်ဇကုတံဏောၚ်” ဂှ်လေဝ် ညးဆက်ဟီုလဝ်ရ။

အခိၚ်မဆဵုဂဗကဵုအ္စာ/အ္စာၝောံ တက္ကသဵုမတ်မလီု ပ္ဍဲဒၞဲါၝောံခန်တက္ကသိုလ်ဂှ်လေဝ် ညံၚ်ကွးဘာတံ ဂွံလေပ်ကွေံ ကွေံဂှ် ဒးဗ္တောန်ကဵုဏောၚ်။ ဂွံတဆိပ်ကြာတုဲ မုလေဝ်ဟွံလေပ်တှေ် ဂုဏ်ဖဵုဟွံမွဲရောၚ် သာ်ဝွံ သမ္မတဟီုဗ္ကန်ဂလာန် ရ။

သမ္မတကၟိန်ဍုၚ် ဥူတုၚ်ဇြုၚ် ကေုာံ ဂကောံဝန်ဇၞော်ကၟိန်ဍုၚ်တအ် ဂေတ်ဗဵုဝေၚ် တွဵုရးဍုၚ်မန်၊ ဒေသတကအ်ခၟိုၚ်၊ ရုၚ်ဂဥုဲ ညးဍုၚ်ကွာန် ဍုၚ်ၜါသွာၚ်ကီု၊ သီုဆဵုကဵုညးဍုၚ်ကွာန်တံတုဲ အခိၚ်သဝ်တ္ၚဲဂှ် နကဵုတရဴယာဉ်က်ၜၚ်ကျာတၟေၚ် က္လေၚ်စာ်စ္ဍးတိတ်နူဍုၚ်မတ်မလီု တွဵုရးဍုၚ်မန်ရောၚ် ဂွံတီကေတ်ရ။

← ကမၠောန်ၜံက်ခဲါ ‘ဂတဵုတၟအ်’ ဒေသတ္ကအ်ခၟိုၚ်ဂှ် ပရဲတိတ်အောန်ရောၚ် တၠကတိုၚ်တံ ဟီု တရဴကျာ်ဇၞော်အ္စာၜါဇကု အာတွံဓရ်ပညာ ပ္ဍဲဍုၚ်မ္ၚးအလန်ဏံ ဂွံသြန်ထံက်ပၚ် ၃ ကၠံကိုဋ်ဒကေဝ်ပြၚ် →

Written by

ဒပ်မန်ဂမၠိုင် သွက်ဂွံကွာ်အာမွဲဂၠံင်တရဴဂှ် စပ္တန်နိဒါန်ရဟာ

by ဌာန်ပရိုၚ်ဗၠးၜးမန် | Dec 22, 2024 | ပရိုၚ်

ဒပ်ရပ်လွဟ်ပၠန်ဂတးမန် ၄ ဒပ်တံ ပံင်ကောံတုဲ ညံင်ဂွံဒှ် ဒပ်ပၞာန်မန် မွဲဒပ်ဓဝ်ဂှ် ဗမံက်အာရုပ်ရဴရောင် တုဲကၠုင်ဒဳဇြေမ်ဗာ ၁၉ ဂှ် အလုံသီု ၄ ဒပ် (ဒပ်ပၞာန်ဗၠးၜးဍုင်မည် (Mon Liberation Army- MLA)၊ ဒပ်ပၞာန်ဗၠးၜးကောန်ဂကူမန် (Mon National Liberation Army- MNLA-AD)၊ ဒပ်စဵုဒၞာဍုင်မန် (Mon State Defense Force -MSDF)၊ ဒပ်ပၠန်ဂတးဍုင်မန် (Mon State Revolutionary Force- MSRF) ပတိတ်လိက်လလောင်တြးပံင်တောဲရ။

ရေင်တၠုင်ဗမံက်အာရုပ်ရဴ ပံင်တောဲပရေင်ပၞာန်ဏံဂှ် သွက်ဂွံဒှ်အထံက်အရီု ကဏ္ဍသွာင်ပရေၚ်ဍုင် ကွာန်ရောင် ညးအခေါင်ဟီုဂး ဗော်ဍုင်မန်တၟိ (AD) ဟီု

by ဌာန်ပရိုၚ်ဗၠးၜးမန် | Dec 21, 2024 | ပရိုၚ်

နူကဵုဒပ်ပၠန်ဂတးဂကူမန် ၄ ဒပ်တံ ချဳဒရာင်ပံင်တောဲအာပရေင်ပၞာန်ရောင်ဟီုဂှ် သွက်ဂွံဒှ်အထံက် အရီု သၟဝ်ဂၠံၚ်တရဴကဏ္ဍပရေင်ဍုင်ကွာန်ဘုံလတူတေံရောင် ညးမၞုံအခေါင်ဟီုဂး ဗော်ဍုၚ်မန်တၟိ (ဗတိုက်သရိုဟ်တၠအဝဵုပၞာန်) NMSP-AD နာဲဂံင်သကာ ဟီုရ။

0 Comments